ಬೆಂಗಳೂರು: ಬಿಗ್ ಬಾಸ್ ಸೀಸನ್‌ 10ರ (BBK SEASON 10) ಎಂಟನೇ ವಾರ ವಿನಯ್ ಅವರು ಫ್ರೆಂಡ್‌ಶಿಪ್‌ ಬಗ್ಗೆ ಮನೆಯಲ್ಲಿ ಅತ್ಯಂತ ಹಗುರವಾಗಿ ಮಾತನಾಡಿದ್ದಾರೆ. ಮೈಕಲ್‌ ಅವರು ನೀತು ಮತ್ತು ನಾನು 6 ವರ್ಷಗಳಿಂದ ಸ್ನೇಹಿತರು ಎಂದು ಹೇಳಿದಾಗ, ವಿನಯ್ ಅವರು ʻಎಲ್ಲರಿಗೂ ಒಳ್ಳೊಳ್ಳೆ ಫ್ರೆಂಡ್ಸ್ ಕಳುಹಿಸಿದ್ದೀರಾ. ನನಗೆ ಮಾತ್ರ ಈ ಹಾಳ್‌ಬಿದ್ದವನ್ನ ಕಳಿಸಿದ್ದೀರಲ್ಲʼಎಂದು ಬಿಗ್ ಬಾಸ್ ಮೇಲೆ ಬೇಸರಸಿಕೊಂಡರು.
ಕಳೆದ ವಾರ ‘ಬಿಗ್ ಬಾಸ್’ ಮನೆಯಿಂದ ನೀತು ವನಜಾಕ್ಷಿ ಔಟ್‌ ಆದರು. ಆದರೆ ಮೈಕಲ್‌ಗೆ ನೀತು ಅವರು ಮುಂಜುನಾಥ್‌ ಆಗಿದ್ದಾಗಲೇ ಗೊತ್ತಿತ್ತು ಎಂದು ಮನೆಯಲ್ಲಿ ಹೇಳಿಕೊಂಡಿದ್ದಾರೆ. ʻನೀತು ಮತ್ತು ನಾನು 6 ವರ್ಷಗಳಿಂದ ಸ್ನೇಹಿತರು. ನೀತುನೇ ನನಗೆ ಕೈ ಮೇಲೆ ಟ್ಯಾಟೂ ಹಾಕಿರೋದು. ಗೊತ್ತಿಲ್ವಾ ನಿಮಗೆ? ಅವರ ಟ್ಯಾಟೂ ಸ್ಟುಡಿಯೋ ಇರೋದು ನಮ್ಮ ಮನೆಯ ಹತ್ತಿರವೇ. ನೀತು ಟ್ರಾನ್ಸ್‌ಫಾರ್ಮ್ ಆಗೋಕೂ ಮುಂಚಿನಿಂದಲೇ ನನಗೆ ಗೊತ್ತು. ಮಂಜುನಾಥ್ ಆಗಿದ್ದ ಕಾಲದಿಂದಲೂ ಗೊತ್ತುʼ ಎಂದು ಸಿರಿ ಮುಂದೆ ಅಂದರು. ಈ ಮಾತು ಕೇಳಿ ಸಿರಿ ಕೂಡ ಅಚ್ಚರಿಗೆ ಒಳಗಾದರು. ವಿನಯ್ ಕೂಡ ಮೈಕಲ್‌ ಹಾಗೂ ನೀತು ಇಬ್ಬರೂ ಮಾಡೆಲಿಂಗ್‌ ಫ್ರೆಂಡ್ಸ್ ಎಂದರು.
ಇದನ್ನೂ ಓದಿ: BBK SEASON 10: ವಿನಯ್ ವಿನ್ ಆದ್ರೆ ಖುಷಿ ಎಂದ ಸ್ನೇಹಿತ್; ಮತ್ಯಾಕೆ ಅಲ್ಲಿ ಇದ್ದೀಯಾ? ಎಂದ ಪ್ರೇಕ್ಷಕರು!
ಇದಾದ ಬಳಿಕ ವಿನಯ್ ಅವರು ಸ್ನೇಹಿತ್ ಎದುರುಗಡೆ, ಬೇಸರ ಹೊರ ಹಾಕಿದರು. ‘ಬಿಗ್ ಬಾಸ್’.. ಎಲ್ಲರಿಗೂ ಒಳ್ಳೊಳ್ಳೆ ಫ್ರೆಂಡ್ಸ್ ಕಳುಹಿಸಿದ್ದೀರಾ. ನನಗೆ ಮಾತ್ರ ಈ ಹಾಳ್‌ಬಿದ್ದವನ್ನ ಕಳಿಸಿದ್ದೀರಲ್ಲ. ನನಗೂ ಒಂದೊಳ್ಳೆ ಫ್ರೆಂಡ್ಸ್ ಕಳುಹಿಸಿದ್ದರೆ ಏನಾಗಿರೋದು? ನನಗೆ ಪರಿಚಯ ಇರೋರೆಲ್ಲಾ ಇಂಥ ಬೆನ್ನಿಗೆ ಚೂರಿ ಹಾಕುವವರೇ ಸಿಕ್ಕಿದ್ದಾರೆ. ಗೊತ್ತಿಲ್ಲದಿರುವ ದುಶ್ಮನ್‌ಗಿಂತ ಗೊತ್ತಿರೋ ಫ್ರೆಂಡ್‌ ತುಂಬಾ ಡೇಂಜರಸ್ ಅಂತೆʼʼ ಎಂದರು.
ವಿನಯ್ ಈ ಮಾತನ್ನು ಹೇಳಿದ್ದು ಕಾರ್ತಿಕ್‌ ಮಹೇಶ್‌ ಅವರನ್ನು ಉಲ್ಲೇಖಿಸಿ. ಅದಕ್ಕಿಂತ ಮೊದಲು ಕಾರ್ತಿಕ್‌ ಅವರು ತನಿಷಾನಿಗೆ ಸೇರಿದ ಪ್ರೊಟೀನ್‌ ಪೌಡರನ್ನು ತೆಗೆದಿಟ್ಟಿದ್ದರು. ಇದು ವಿನಯ್ ಅವರನ್ನು ಕೆರಳಿಸಿತ್ತು. ಬಳಿಕ ತುಂಬ ಹೊತ್ತು ಅವರಿಬ್ಬರ ನಡುವೆ ಮಾತಿಗೆ ಮಾತು ಬೆಳೆಯಿತು.
ಸ್ನೇಹಿತ್, ವಿನಯ್, ನಮ್ರತಾ ಗ್ಯಾಂಗ್ ಕಟ್ಟಿಕೊಂಡಿದ್ದಾರೆ. ಸ್ನೇಹಿತ್ ಈ ವಾರದ ಕ್ಯಾಪ್ಟನ್ ಆಗಿದ್ದಾರೆ. ‘ನಾವು ಮೂರು ಜನ ಒಳ್ಳೆಯ ರೀತಿಯಲ್ಲಿ ಪರ್ಫಾರ್ಮೆನ್ಸ್ ನೀಡಿದ್ದೇವೆ’ ಎಂದರು ಸ್ನೇಹಿತ್. ‘ಟಾಪ್ ಮೂರರಲ್ಲಿ ಇದ್ದಿದ್ದು ನಾವೇ’ ಎಂದು ವಿನಯ್ ಖುಷಿಪಟ್ಟರು. ಅಲ್ಲದೆ ಈ ವಾರ ಯಾರಿಗೂ ಅನ್ಯಾಯ ಮಾಡಿಲ್ಲ ಎಂಬ ಖುಷಿ ಇದೆ ಎಂದರು. ಇದಕ್ಕೆ ನಮ್ರತಾ ಕೂಡ ಒಪ್ಪಿಗೆ ಸೂಚಿಸಿದರು. ಫಿನಾಲೆಯಲ್ಲಿ ಟಾಪ್ 3ಗೆ ನಾವೇ ಹೋಗಬೇಕು’ ಎಂದು ಸ್ನೇಹಿತ್ ಹೇಳಿದರು. ‘ಯೆಸ್ ನಾವು ಮೂರು ಜನ ಹೋಗುತ್ತೇವೆ. ಆದರೆ, ಅಲ್ಲಿ ವಿನ್ ಆಗೋದು ನಾನೇ’ ಎಂದರು ವಿನಯ್. ‘ನೀವು ವಿನ್ ಆದ್ರೆ ನನಗಿಂತ ಹೆಚ್ಚು ಖುಷಿಪಡುವವರು ಮತ್ತೊಬ್ಬರು ಇರಲ್ಲ’ ಎಂದರು. ಹೀಗೆ ವಿನಯ್ ತಮ್ಮ ಸ್ಟ್ರ್ಯಾಟಜಿ ಮೂಲಕ ಆಟದಲ್ಲಿ ಮುನ್ನುಗ್ಗುತ್ತಲೇ ಇದ್ದಾರೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ