ಬೆಂಗಳೂರು : ಕಾಲಿವುಡ್‌ ನಟ ಕಾರ್ತಿ (Actor Karthi) ಅವರ ಫೇಸ್ಬುಕ್ ಖಾತೆ (ನವೆಂಬರ್‌ 14) ಸೋಮವಾರ ಹ್ಯಾಕ್ ಆಗಿದೆ. ಈಗಾಗಲೇ ತಾವು ನಟಿಸಿರುವ ʻಸರ್ದಾರ್‌ʼ ಚಿತ್ರ ಯಶಸ್ವಿ ಪ್ರದರ್ಶನ ಕಾಣುತ್ತಿದ್ದು, 100ಕೋಟಿ ರೂ. ಕ್ಲಬ್‌ ಸೇರಿದೆ ಎನ್ನಲಾಗುತ್ತಿದೆ. ಕಾರ್ತಿ ಅವರ ಫೇಸ್‌ ಬುಕ್‌ ಖಾತೆಯಲ್ಲಿ ಕಿಡಿಗೇಡಿಗಳು ಆನ್‌ಲೈನ್‌ ಗೇಮ್‌ ಆಡಿದ್ದಾರೆ. ತಮ್ಮ ಖಾತೆ ಹ್ಯಾಕ್ ಆಗಿರುವ ಕುರಿತು ನಟ ಟ್ವೀಟ್‌ ಮೂಲಕ ಹೇಳಿಕೊಂಡಿದ್ದಾರೆ. ಲೈವ್‌ ಸ್ಟ್ರೀಮ್‌ ಆಗುತ್ತಿದ್ದಂತೆ ʻಸರ್ದಾರ್‌ʼ ಚಿತ್ರದ ನಿರ್ದೇಶಕರ ಮಾತುಗಳಿಗೆ ತಕ್ಕ ಶಾಸ್ತಿಯಾದಂತಿದೆ ಎಂದು ನೆಟ್ಟಿಗರು ಕಮೆಂಟ್‌ ಮಾಡಿದ್ದಾರೆ.
ಏನಿದು ಚರ್ಚೆ?
ಕಾರ್ತಿ ಅಭಿನಯದ ʻಸರ್ದಾರ್‌ʼ ಚಿತ್ರದಲ್ಲಿ ನಟ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸ್ಪೈ ಏಜೆಂಟ್‌ ಹಾಗೂ ಪೊಲೀಸ್‌ ಪಾತ್ರದಲ್ಲಿ ಕಾರ್ತಿ ನಟನೆ ಮಾಡಿದ್ದು, ಪಿ.ಎಸ್‌ ಮಿತ್ರನ್ ಈ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಈ ಚಿತ್ರದಲ್ಲಿ ವಾಟರ್‌ ಮಾಫಿಯಾ, ಹೀಗೆ ಹಲವು ಸಂದೇಶಗಳನ್ನು ಒಳಗೊಂಡಿದೆ. ʻಸರ್ದಾರ್‌ʼ ಚಿತ್ರದ ಕಾರ್ಯಕ್ರಮವೊಂದರಲ್ಲಿ ಹಲವು ವಿಚಾರಗಳ ಬಗ್ಗೆ ಪಿ.ಎಸ್‌ ಮಿತ್ರನ್ ಹಂಚಿಕೊಂಡಿದ್ದರು ಎನ್ನಲಾಗುತ್ತಿದೆ.
ಇದನ್ನೂ ಓದಿ | Karthikeya 2 | ನಿಖಿಲ್ ಸಿದ್ಧಾರ್ಥ್ ನಟನೆಯ ಕಾರ್ತಿಕೇಯ-2 ಸಿನಿಮಾದ ಟೀಸರ್ ರಿಲೀಸ್
ಈ ಹಿಂದೆ ಪಿ.ಎಸ್‌ ಮಿತ್ರನ್ ಅವರು ನಟ ವಿಶಾಲ್‌ ಅವರಿಗೆ ʻಇರುಂಬುದಿರೈʼ (Irumbu Thirai) ಎಂಬ ಸೈಬರ್ ಡ್ರಾಮಾ ಚಿತ್ರವನ್ನು ನಿರ್ದೇಶಿಸಿದ್ದರು. ಈ ಚಿತ್ರದಲ್ಲಿ ಸೈಬರ್ ಕ್ರೈಂ ಕುರಿತು ಇದ್ದಿದ್ದು, ʻಸರ್ದಾರ್‌ʼ ಪ್ರಚಾರದ ವೇಳೆ ಹ್ಯಾಕಿಂಗ್‌ ವಿಚಾರದ ಬಗ್ಗೆ ಮಿತ್ರನ್ ಮಾತನಾಡಿದ್ದರು. ಇದೀಗ ಕಿಡಿಗೇಡಿಗಳು ಮಿತ್ರನ್ ನಿರ್ದೇಶನದ ಸದ್ಯದ ಬ್ಲಾಕ್‌ಬಸ್ಟರ್ ಚಿತ್ರದಲ್ಲಿ ನಟಿಸಿರುವ ನಟ ಕಾರ್ತಿ ಫೇಸ್ಬುಕ್ ಹ್ಯಾಕ್ ಮಾಡಿ ಪ್ರತೀಕಾರ ತೀರಿಸಿಕೊಳ್ಳುತ್ತಿದ್ದಾರೆ ಎಂದು ನೆಟ್ಟಿಗರು ಸೋಷಿಯಲ್‌ ಮೀಡಿಯಾದಲ್ಲಿ ಚರ್ಚೆ ಮಾಡುತ್ತಿದ್ದಾರೆ.
ಟ್ವೀಟ್‌ ಮೂಲಕ ಮಾಹಿತಿ ಹಂಚಿಕೊಂಡ ಕಾರ್ತಿ
ನಟ ಕಾರ್ತಿ ಟ್ವೀಟ್‌ ಮೂಲಕ ತಮ್ಮ ಫೇಸ್ಬುಕ್ ಖಾತೆ ಹ್ಯಾಕ್ ಆಗಿದೆ ಎಂದು ಹಂಚಿಕೊಂಡಿದ್ದಾರೆ. ಇವೆಲ್ಲವನ್ನು ಸರಿಪಡಿಸುವತ್ತ ತಮ್ಮ ಫೇಸ್‌ ಬುಕ್‌ ತಂಡ ಕೆಲಸ ಮಾಡುತ್ತಿದೆ ಎಂದು ಹೇಳಿಕೊಂಡಿದ್ದಾರೆ. ಈ ಪೋಸ್ಟ್‌ ಬೆನ್ನಲ್ಲೇ ಕಾರ್ತಿ ಅವರು ʻಸರ್ದಾರ್‌ʼ 25 ದಿನ ಪೂರೈಸಿದೆ ಎಂದು ಪೋಸ್ಟರ್‌ ಶೇರ್‌ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ | Kantara Movie | ಕಾಂತಾರ ಸಿನಿಮಾ ಹೊಗಳಿದ ತಮಿಳು ನಟ ಕಾರ್ತಿ: ರಿಷಬ್‌ ಮೇಲೆ ಕನ್ನಡಿಗರು ಗರಂ ಆಗಿದ್ಯಾಕೆ?