ನವ ದೆಹಲಿ: ಕಮಲ್ ಹಾಸನ್ ಅಭಿನಯದ ‘ವಿಕ್ರಮ್’ ಚಿತ್ರವು ಇಂಗ್ಲೆಂಡ್‌ನಲ್ಲಿ ಸಾರ್ವಕಾಲಿಕ ಅತಿ ಹೆಚ್ಚಿನ ಗಳಿಕೆ ಕಂಡ ತಮಿಳು ಚಿತ್ರವಾಗಿ ಹೊರಹೊಮ್ಮಿದೆ. ಸಿನಿಮಾದ ಬಿಗ್ ಸಕ್ಸಸ್‌ಗೆ ಮೆಗಾ ಸ್ಟಾರ್ ಚಿರಂಜೀವಿ ಶುಭ ಕೋರಿ, ಕಮಲ್ ಹಾಸನ್ ಅವರನ್ನು ಸನ್ಮಾನಿಸಿದ್ದಾರೆ.
ಥ್ರಿಲ್ಲಿಂಗ್ ಸಿನಿಮಾ ʼವಿಕ್ರಮ್ʼ ಎಲ್ಲೆಡೆ ಭಾರಿ ಸದ್ದು ಮಾಡುತ್ತಿದೆ. ಬಹುತಾರೆಯರ ಅದ್ಧೂರಿ ಸಿನಿಮಾ ಜನರ ಮೆಚ್ಚುಗೆ ಪಡೆದು ಯಶಸ್ಸನ್ನು ಕಂಡಿದೆ. ಇಡೀ ಚಿತ್ರತಂಡ ಇದರ ಸಂಭ್ರಮದಲ್ಲಿದೆ. ಇದೇ ವೇಳೆ ಮೆಗಾಸ್ಟಾರ್ ಚಿರಂಜೀವಿ ಕೂಡ ಸಂತಸ ವ್ಯಕ್ತಪಡಿಸಿದ್ದಾರೆ. ಭಾನುವಾರ ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಸಮ್ಮುಖದಲ್ಲಿ ಕಮಲ್ ಹಾಸನ್ ಅವರನ್ನು ಮೆಗಾಸ್ಟಾರ್ ಸನ್ಮಾನಿಸಿದ್ದಾರೆ.
ಈ ಬಗ್ಗೆ ಟ್ವೀಟರ್‌ನಲ್ಲಿ ಫೋಟೊ ಹಂಚಿಕೊಂಡು ಚಿರಂಜೀವಿ ಖುಷಿಪಟ್ಟಿದ್ದಾರೆ. ʼವಿಕ್ರಮ್‌ನ ಅದ್ಭುತ ಸಕ್ಸಸ್‌ಗೆ ಸಲ್ಲುಭಾಯಿ ಅವರೊಂದಿಗೆ ನನ್ನ ಆತ್ಮೀಯ ಮಿತ್ರ ಕಮಲ್ ಹಾಸನ್ ಅವರನ್ನು ಸನ್ಮಾನಿಸಿದ್ದು, ಖುಷಿ ತಂದಿದೆ. ಎಂಥ ಥ್ರಿಲ್ಲಿಂಗ್ ಸಿನಿಮಾ ವಿಕ್ರಮ್ ಗೊತ್ತಾ? ಕುಡೋಸ್ ಮೈ ಫ್ರೆಂಡ್, ವಿಕ್ರಮ್ ನಿನಗೆ ಹೆಚ್ಚಿನ ಬಲ ತಂದಿದೆʼ ಎಂದು ಚಿರಂಜೀವಿ ಟ್ವೀಟ್‌ ಮಾಡಿದ್ದಾರೆ.
ಚಿರಂಜೀವಿ ಅವರ ಮನೆಯಲ್ಲಿ ನಡೆದ ಈ ಸಮಾರಂಭದಲ್ಲಿ ನಿರ್ದೇಶಕ ಲೋಕೇಶ್ ಮತ್ತು ಅವರ ತಂಡ ಪಾಲ್ಗೊಂಡಿತ್ತು.
ಇದನ್ನೂ ಓದಿ: Movie Review: Vikram | ತೆರೆಯ ಮೇಲೆ ಘಟಾನುಘಟಿಗಳ ತ್ರಿವಿಕ್ರಮ, ಕ್ಷಣ ಕ್ಷಣವೂ ರೋಚಕ