ಬೆಂಗಳೂರು: ನಟ ಸುದೀಪ್ (Kichcha Sudeep) ಹುಟ್ಟುಹಬ್ಬದ ಸಂಭ್ರಮಾಚರಣೆಗೆ ಅಭಿಮಾನಿಗಳಿಂದ ಸಕಲ ಸಿದ್ಧತೆ ಸಾಗಿದೆ. ಈಗಾಗಲೇ ಸುದೀಪ್ ಬರ್ತ್‌ ಡೇಗೆ ಸಿಕ್ಕಾಪಟೆ ಪ್ಲ್ಯಾನ್‌ಗಳನ್ನ ಮಾಡಿಕೊಂಡಿದ್ದಾರೆ ಫ್ಯಾನ್ಸ್‌. ಮತ್ತೊಂದೆಡೆ ಸುದೀಪ್ ಅವರ ಹುಟ್ಟುಹಬ್ಬದ ದಿನವೇ ‘ವಿಕ್ರಾಂತ್‌ ರೋಣ’ ಸಿನಿಮಾ ಒಟಿಟಿ ವೇದಿಕೆಗೂ ಎಂಟ್ರಿ ಕೊಡುತ್ತಿದೆ. ಇದರ ಜೊತೆಗೆ ಮತ್ತೊಂದು ಸರ್ಪ್ರೈಸ್‌ ನೀಡಲಾಗಿದ್ದು, ಸುದೀಪ್ ಅವರ ‘ವಿಶೇಷ ಅಂಚೆ ಲಕೋಟೆ’ ಬಿಡುಗಡೆಗೆ ಅಂಚೆ ಇಲಾಖೆ ಮುಂದಾಗಿದೆ.
ಅಂಚೆ ಇಲಾಖೆಯಿಂದ ನಟ ಸುದೀಪ್ ಅವರ ‘ವಿಶೇಷ ಅಂಚೆ ಲಕೋಟೆ’ ಹೊರತರಲು ತೀರ್ಮಾನಿಸಲಾಗಿದೆ. ಮಹತ್ತರ ಘಟನೆ, ವ್ಯಕ್ತಿಗಳ ಸಾಧನೆಯನ್ನು ಸದಾ ನೆನಪಿನಲ್ಲಿ ಉಳಿಯುವಂತೆ ಮಾಡಲು ಅಂಚೆ ಇಲಾಖೆ ‘ವಿಶೇಷ ಅಂಚೆ ಲಕೋಟೆ’ಯನ್ನ ಬಿಡುಗಡೆ ಮಾಡುತ್ತದೆ. ಇದೇ ರೀತಿ 25 ವರ್ಷಗಳ ಸಿನಿ ಜರ್ನಿ ಪೂರ್ಣಗೊಳಿಸಿರುವ ಸುದೀಪ್ ಸಾಧನೆಯನ್ನೂ ಅಂಚೆ ಇಲಾಖೆ ದಾಖಲಿಸುತ್ತಿದೆ. ಹೀಗಾಗಿ ಇಂದು ಅಂಚೆ ಇಲಾಖೆ ಅಧೀಕ್ಷಕ ಮಾದೇಶ್ ಕಿಚ್ಚ ಸುದೀಪ್ ನಿವಾಸಕ್ಕೆ ಭೇಟಿ ನೀಡಿ NOC ಪಡೆದುಕೊಂಡರು. ‘ವಿಶೇಷ ಅಂಚೆ ಲಕೋಟೆ’ ಬಿಡುಗಡೆ ಕಾರ್ಯಕ್ರಮಕ್ಕೆ ಆತ್ಮೀಯವಾಗಿ ಆಹ್ವಾನಿಸಿದರು.
25 ವರ್ಷದ ಸಾಧನೆ..!
ನಟ ಕಿಚ್ಚ ಸುದೀಪ್‌ಗೆ 2022 ಅವಿಸ್ಮರಣೀಯ. ಯಾಕಂದ್ರೆ ಒಂದು ಕಡೆ ‘ವಿಕ್ರಾಂತ್‌ ರೋಣ’ ಜಗತ್ತಿನಾದ್ಯಂತ ದೊಡ್ಡ ಹಿಟ್‌ ಕಂಡಿದೆ. ಮತ್ತೊಂದು ಕಡೆ ನಟ ಕಿಚ್ಚ ಸುದೀಪ್ ಚಿತ್ರರಂಗಕ್ಕೆ ಎಂಟ್ರಿಯಾಗಿ 25 ವರ್ಷವೇ ಕಂಪ್ಲೀಟ್‌ ಆಗಿದೆ. ಹೀಗಾಗಿ ಸೆಪ್ಟೆಂಬರ್‌ 2ರ ಸುದೀಪ್ ಹುಟ್ಟುಹಬ್ಬವನ್ನು ತುಂಬಾ ಸ್ಪೆಷಲ್‌ ಆಗಿ ಆಚರಿಸಲು ಅವರ ಅಭಿಮಾನಿಗಳು ನಿರ್ಧರಿಸಿದ್ದಾರೆ. ಈ ಹೊತ್ತಲ್ಲೇ ಅಂಚೆ ಇಲಾಖೆ ವತಿಯಿಂದ ನಟ ಸುದೀಪ್ ಅವರಿಗೆ ಸ್ಪೆಷಲ್‌ ಗಿಫ್ಟ್ ಸಿಕ್ಕಿದೆ.
ಇನ್ನು ಸುದೀಪ್ ಅವರಿಗೆ ಅಂಚೆ ಇಲಾಖೆಯಿಂದ ಸ್ಪೆಷಲ್‌ ಗಿಫ್ಟ್ ಸಿಗುತ್ತಿರುವುದು ಕಿಚ್ಚ ಸುದೀಪ್ ಅಭಿಮಾನಿಗಳಲ್ಲಿ ಸಂಭ್ರಮ ತಂದಿದೆ. ವಿಶೇಷ ಅಂಚೆ ಲಕೋಟೆ ಬಿಡುಗಡೆ ಸಮಾರಂಭ ಶೀಘ್ರದಲ್ಲೇ ನಡೆಯಲಿದೆ. ಈ ನಡುವೆ ಶುಕ್ರವಾರ ಕಿಚ್ಚ ಸುದೀಪ್ ಬರ್ತ್‌ ಡೇ ಇದ್ದು, ರಾಜ್ಯಾದ್ಯಂತ ಅದ್ಧೂರಿಯಾಗಿ ಸುದೀಪ್ ಹುಟ್ಟುಹಬ್ಬ ಆಚರಣೆಗೆ ಅಭಿಮಾನಿ ಬಳಗ ಸಕಲ ಸಿದ್ಧತೆ ನಡೆಸಿದೆ. ಮತ್ತೊಂದು ಕಡೆ ಕಿಚ್ಚ ಸುದೀಪ್ ಅವರ ಹುಟ್ಟುಹಬ್ಬಕ್ಕೆ ಮತ್ತಷ್ಟು ಸಿನಿಮಾಗಳು ಘೋಷಣೆಯಾಗುವ ಸಾಧ್ಯತೆ ಇದೆ.
ಇದನ್ನೂ ಓದಿ: Ramya Production House | ದೊಡ್ಡ ಗ್ಯಾಪ್‌ ಬಳಿಕ ‘ಚಂದನವನ’ಕ್ಕೆ ರಮ್ಯಾ ಗ್ರ್ಯಾಂಡ್‌ ಕಮ್ ಬ್ಯಾಕ್ !