ಬೆಂಗಳೂರು : ಕಾಲಿವುಡ್ ಕ್ಯೂಟ್‌ ಕಪಲ್‌ ಎಂದೇ ಪ್ರಖ್ಯಾತಿ ಪಡೆದಿರುವ ನಟಿ ಸ್ನೇಹಾ (Actress Sneha ) ಮತ್ತು ನಟ ಪ್ರಸನ್ನ ಜೋಡಿ ಬೇರೆಯಾಗಿದ್ದಾರೆ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಸುದ್ದಿ ಹರಿದಾಡುತ್ತಿದೆ. ಸ್ನೇಹಾ ಅವರು ಈಗಾಗಲೇ ಬೇರೆ ಮನೆಯಲ್ಲಿ ವಾಸ ಮಾಡುತ್ತಿದ್ದು, ಶೀರ್ಘದಲ್ಲಿಯೇ ಇಬ್ಬರೂ ಡಿವೋರ್ಸ್‌ ತೆಗೆದುಕೊಳ್ಳುತ್ತಿದ್ದಾರೆ ಎಂಬ ಗಾಸಿಪ್‌ ಹರಿದಾಡುತ್ತಿವೆ. ಈ ಬಗ್ಗೆ ನಟಿ ಸ್ನೇಹಾ ಅವರು ಸ್ಪಷ್ಟನೆ ನೀಡಿದ್ದಾರೆ.
ಈಗಾಗಲೇ ಕಾಲಿವುಡ್‌ನಲ್ಲಿ ನಟಿ ಸಮಂತಾ,ನಟ ಧನುಷ್‌, ಹೀಗೆ ಪ್ರಮುಖ ತಾರೆಯರು ಡಿವೋರ್ಸ್‌ ತೆಗೆದುಕೊಳ್ಳುತ್ತಿರುವ ವಿಚಾರವನ್ನು ಬಹಿರಂಗವಾಗಿ ಹೇಳಿಕೊಂಡಿದ್ದರು. ಇದರಿಂದಾಗಿ ಅವರ ಅಭಿಮಾನಿಗಳಿಗೆ ಬೇಸರ ಉಂಟುಮಾಡಿತ್ತು. ಇದೀಗ ಸ್ನೇಹಾ ಅವರ ಅಭಿಮಾನಿಗಳಲ್ಲಿಯೂ ಕೂಡ ಆತಂಕ ಹೆಚ್ಚಾಗಿದೆ. ಮಲಯಾಳಂ ಚಿತ್ರರಂಗದ ಮೂಲಕ ಸ್ನೇಹಾ ಅವರು ಸಿನಿರಂಗಕ್ಕೆ ಎಂಟ್ರಿ ಕೊಟ್ಟರು. ತಮಿಳು ಸಿನಿಮಾದಲ್ಲಿ ಸೈ ಎನಿಸಿಕೊಂಡರು. ಕನ್ನಡದ ʻರವಿಶಾಸ್ತ್ರೀʼ ಸಿನಿಮಾದಲ್ಲಿಯೂ ನಟಿ ಮಿಂಚಿದ್ದರು. ಇದೀಗ ನಟಿ ಈ ಗಾಸಿಪ್‌ಗಳಿಗೆ ತೆರೆ ಎಳೆದಿದ್ದಾರೆ. ʻʻಟ್ವಿನ್ನಿಂಗ್‌ ಹ್ಯಾಪಿ ವೀಕೆಂಡ್‌ʼʼಎಂದು ಕ್ಯಾಪ್ಷನ್‌ ನೀಡಿ ಪತಿ ಪ್ರಸನ್ನ ಅವರ ಜತೆ ಇರುವ ಫೋಟೊ ಒಂದನ್ನು ಶೇರ್‌ ಮಾಡಿದ್ದಾರೆ. ಈ ಮೂಲಕ ನಾವಿಬ್ಬರೂ ಒಟ್ಟಿಗೆ ಇದ್ದೇವೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ | Actress Ramya | ಕಾಲಿವುಡ್ ನಟ ಧನುಷ್‌ ಜತೆ ಕಾಣಿಸಿಕೊಂಡ ಮೋಹಕ ತಾರೆ ರಮ್ಯಾ!
2012ರಲ್ಲಿ ನಟಿ ಸ್ನೇಹಾ ಅವರು ನಟ ಪ್ರಸನ್ನ ಅವರನ್ನು ಪ್ರೀತಿಸಿ ಮದುವೆ ಆದರು. ದಂಪತಿಗೆ ಒಬ್ಬ ಮಗ ಮತ್ತು ಮಗಳು ಇದ್ದಾರೆ. 2009ರಲ್ಲಿ ʻಅಚ್ಚಮುಂಡು ಅಚ್ಚಮುಂಡುʼ (achchamundu achchamundu) ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. 3 ವರ್ಷ ಡೇಟಿಂಗ್‌ ಮಾಡಿದ ಜೋಡಿ ಪೋಷಕರ ಒಪ್ಪಿಗೆ ಮೇರೆಗೆ 2012ರಲ್ಲಿ ಮದುವೆ ಆಗಿದ್ದರು. ಇತ್ತೀಚೆಗೆ ಕನ್ನಡದ ʻಕುರುಕ್ಷೇತ್ರʼ ಸಿನಿಮಾದಲ್ಲಿ ದ್ರೌಪದಿಯಾಗಿ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ | Sania Mirza | ಸಾನಿಯಾ- ಮಲಿಕ್‌ ದಾಂಪತ್ಯ ಅಂತ್ಯ; ಮಾಹಿತಿ ಖಾತರಿಪಡಿಸಿದ ಶೋಯೆಬ್‌ ಆಪ್ತ