ನವದೆಹಲಿ: ಬಾಲಿವುಡ್‌ನ ಖ್ಯಾತ ನಟ ಹಾಗೂ ನಿರ್ದೇಶಕ ಟಿನು ಆನಂದ್ (Actor and Director Tinnu Anand) ಅವರು, ಅಮಿತಾಭ್ ಬಚ್ಚನ್ (Amitabh Bachchan) ಮತ್ತು ಅಂದಿಗೆ ಯುವಕರನ್ನು ಹುಚ್ಚೆದ್ದು ಕುಣಿಯುವಂತೆ ಮಾಡಿದ್ದ ನಟಿ ಮಾಧುರಿ ದೀಕ್ಷಿತ್ (Madhuri Dixit)ಅವರ ಅಭಿನಯದ ಸಿನಿಮಾದ ಕಹಿ ಸತ್ಯವೊಂದನ್ನು ಹೊರ ಹಾಕಿದ್ದಾರೆ. ಬಚ್ಚನ್ ಜತೆ ಕಾಲಿಯಾ (Kaalia) ಮತ್ತು ಶಾಹೆನ್ಶಾಹ್‌ನಂಥ (Shahenshah) ಸೂಪರ್ ಚಿತ್ರಗಳನ್ನು ನೀಡಿದ್ದ ಟಿನು ಆನಂದ್ ಅವರು, 1989ರಲ್ಲಿ ಬಚ್ಚನ್ ಮತ್ತು ಮಾಧುರಿ ಕಾಂಬಿನೇಷನ್‌ನ ಶನಖ್ತ್ (Shanakht) ಎಂಬ ಚಿತ್ರವನ್ನು ಮಾಡಲು ಹೊರಟಿದ್ದರು. ಈ ಚಿತ್ರದ ಮೊದಲ ದಿನದ ಶೂಟಿಂಗ್ ವೇಳೆ, ಮಾಧುರಿಯನ್ನು ಆಲ್ಮೋಸ್ಟ್ ಕೈ ಬಿಟ್ಟ ಬಗ್ಗೆ ಹೇಳಿಕೊಂಡಿದ್ದಾರೆ. ಮೊದಲೇ ತಿಳಿಸಿದ್ದರೂ ‘ಬ್ರಾ ಸೀನ್’ (bra on screen) ಮಾಡಲು ನಿರಾಕರಿಸಿದ ಮಾಧುರಿ ದೀಕ್ಷಿತ್ ಅವರನ್ನು ಸಿನಿಮಾದಿಂದಲೇ ಕಿತ್ತು ಹಾಕುತ್ತೇನೆ ಎಂದು ಹೇಳಿದ್ದರಂತೆ! ಅಂದ ಹಾಗೆ ಈ ಚಿತ್ರದಲ್ಲಿ ಮಾಧವಿ ಕೂಡ ನಟಿಸಿದ್ದರು. ಆದರೆ, ಈ ಸಿನಿಮಾ ರಿಲೀಸ್ ಆಗಲೇ ಇಲ್ಲ.
ರೇಡಿಯೋ ನಶಾ ಜೊತೆಗಿನ ಸಂದರ್ಶನದಲ್ಲಿ ಮಾತನಾಡಿದ ಟಿನು ಆನಂದ್, ಈ ಚಿತ್ರದ ಮೊದಲ ದೃಶ್ಯದಲ್ಲೇ ಅಮಿತಾಭ್ ಅವರನ್ನು ಗಾಡಿಯಲ್ಲಿರುವ ಖಳನಾಯಕನು ಸರಪಳಿಯಲ್ಲಿ ಕಟ್ಟುತ್ತಾನೆ. ಆಗ ಬಚ್ಚನ್ ಮಾಧುರಿಯನ್ನು ರಕ್ಷಿಸಲು ಪ್ರಯತ್ನಿಸುತ್ತಿರುತ್ತಾರೆ. ಆ ಸಮಯದಲ್ಲಿ ಮಾಧುರಿ ಪಾತ್ರವು, ಮಹಿಳೆಯೊಬ್ಬರು ನಿಮ್ಮ ಮುಂದೆ ನಿಂತಿರುವಾಗ ನೀವು ಸರಪಳಿಯಲ್ಲಿ ಬಂಧಿಸಲಾಗಿರುವ ಪುರುಷನ ಮೇಲೆ ಏಕೆ ಹಲ್ಲೆ ಮಾಡುತ್ತಿದ್ದೀರಿ ಎಂದು ಹೇಳುತ್ತದೆ ಮತ್ತು ತನ್ನ ಕುಪ್ಪಸವನ್ನು ಬಿಚ್ಚುತ್ತದೆ ಹಾಗೂ ಬ್ರಾ ದಿರಿಸಿನಲ್ಲಿ ನಿಲ್ಲುತ್ತದೆ ಎಂದು ನೆನಪಿಸಿಕೊಂಡರು.
ಈ ಚಿತ್ರಕ್ಕೆ ಸಂಬಂಧಿಸಿದತೆ ಮಾಧುರಿಯೊಂದಿಗೆ ಸಹಿ ಹಾಕುವ ಮುನ್ನವೇ ಬ್ರಾ ಸೀನ್ ಬಗ್ಗೆ ಟಿನು ಆನಂದ್ ಅವರು ವಿವರಿಸಿದ್ದರು. ಕತೆ ಹೇಳುವಾಗಲೇ, ಮಾಧುರಿ ತಮ್ಮ ಕುಪ್ಪಸವನ್ನು ಬಿಚ್ಚಿ ಬ್ರಾನಲ್ಲಿ ಮಾತ್ರವೇ ಕ್ಯಾಮೆರಾದ ಮುಂದೆ ನಿಲ್ಲಬೇಕಾಗುತ್ತದೆ ಎಂದು ವಿವರಿಸಿದ್ದೆ ಎಂದು ಟಿನು ಆನಂದ್ ನೆನಪಿಸಿಕೊಂಡಿದ್ದಾರೆ.
ಈ ಸುದ್ದಿಯನ್ನೂ ಓದಿ: Madhuri Dixit: ಅನಿಲ್ ಕಪೂರ್‌ರನ್ನು ಮದುವೆಯಾಗಲು ನಿರಾಕರಿಸಿದ್ದೇಕೆ ಮಾಧುರಿ ದೀಕ್ಷಿತ್?
“ನಾನು ಮಾಧುರಿಗೆ ಸಂಪೂರ್ಣ ಸರಣಿ ವಿವರಿಸಿದ್ದೆ. ಈ ದೃಸ್ಯದಲ್ಲಿ ನೀನು ನಿನ್ನ ರವಿಕೆಯನ್ನು ತೆಗೆಯಬೇಕು ಮತ್ತು ಮೊದಲ ಬಾರಿಗೆ, ನಾವು ನಿನ್ನನ್ನು ನಿಮ್ಮ ಬ್ರಾದಲ್ಲಿ ನೋಡಬೇಕಾಗುತ್ತದೆ. ಈ ಸೀನ್ ಅನ್ನು ಯಾವುದೇ ಹುಲ್ಲಿನ ಬಣವೆ ಹಿಂದೆ ಅಥವಾ ಇನ್ನಾವುದರ ಹಿಂದೆಯೋ ಹೋಗಿ ಮಾಡುತ್ತಿಲ್ಲ. ಏಕೆಂದರೆ, ಕತೆಯಲ್ಲಿ ನಿನಗೆ ಸಹಾಯ ಮಾಡಲು ಪ್ರಯತ್ನಿಸುತ್ತಿರುವ ವ್ಯಕ್ತಿಗೆ ಸಹಾಯ ಮಾಡಲು ನೀವು ನಿಮ್ಮನ್ನು ಅರ್ಪಿಸುತ್ತೀರಿ. ಹಾಗಾಗಿ ಇದು ಬಹಳ ಮುಖ್ಯವಾದ ಸನ್ನಿವೇಶವಾಗಿದೆ. ಈ ಬ್ರಾ ದೃಶ್ಯವನ್ನು ಸಿನಿಮಾದ ಮೊದಲ ದಿನವೇ ಶೂಟಿಂಗ್ ಮಾಡುತ್ತೇನೆ ಎಂದು ನಾನು ಮಾಧುರಿಗೆ ಹೇಳಿದ್ದೆ. ಅದಕ್ಕೆ ಅವಳು ಒಪ್ಪಿಗೆ ಕೂಡ ನೀಡಿದ್ದಳು ಎಂದು ಆನಂದ್ ಅವರು ನೆನಪಿಸಿಕೊಂಡರು.
ಚಿತ್ರದ ಮೊದಲ ದಿನವಾದ ಚಿತ್ರೀಕರಣದ ದಿನ ಮಾಧುರಿ ಸೆಟ್‌ಗೆ ಆಗ ಬರುತ್ತಾರೆ, ಈಗ ಬರುತ್ತಾರೆ ಎಂದು ಕಾದು ಕುಳಿತು. 45 ನಿಮಿಷವಾದರೂ ಅವರು ಬರಲಿಲ್ಲ. ಆಗ ಆಕೆಯಿದ್ದ ಕೋಣೆಗೆ ಹೋಗಿ ಇನ್ನೂ ಯಾಕೆ ತಯಾರಾಗಿಲ್ಲ ಎಂದು ಪ್ರಶ್ನಿಸಿದೆ. ಆಗ ಮಾಧುರಿ ಅವರು ನಾನು ಈ ನಿರ್ದಿಷ್ಟ ದೃಶ್ಯವನ್ನು (ಬ್ರಾ ಸೀನ್) ಮಾಡಲು ಬಯಸುವುದಿಲ್ಲ. ಆಗ, ನಾನು ಇಲ್ಲ ಇಲ್ಲ ನೀವು ಈ ಸೀನ್ ಮಾಡಲೇಬೇಕಾಗುತ್ತದೆ ಎಂದು ಖಡಕ್ಕಾಗಿ ಹೇಳಿದೆ. ಆಗ ಮಾಧುರಿ, ಇಲ್ಲ ನಾನು ಮಾಡುವುದಿಲ್ಲ ಎಂದು ಪಟ್ಟು ಹಿಡಿದರು. ಆಗ ನಾನು, ಸರಿ, ಪ್ಯಾಕ್ ಅಪ್ ಮಾಡಿ, ಚಿತ್ರಕ್ಕೆ ಗುಡ್ ಬೈ ಹೇಳಿ. ನಾನು ನನ್ನ ಚಿತ್ರೀಕರಣವನ್ನು ರದ್ದುಗೊಳಿಸುತ್ತೇನೆ ಎಂದು ಹೇಳಿದೆ ಎಂದು ತಮ್ಮ ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
ಸಿನಿಮಾದ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.