ಚೆನ್ನೈ : ಕಾಲಿವುಡ್ನ ಲೇಡಿ ಸೂಪರ್ ಸ್ಟಾರ್ ನಯನತಾರಾ ಇತ್ತೀಚಿಗಷ್ಟೇ ನಿರ್ದೇಶಕ ವಿಘ್ನೇಶ್ ಶಿವನ್ ಜೊತೆ ಸಪ್ತಪದಿ ತುಳಿದಿದ್ದರು. ಚೆನ್ನೈನ ರೆಸಾರ್ಟ್ವೊಂದರಲ್ಲಿ ನಡೆದ ಅದ್ಧೂರಿ ವಿವಾಹ ಕಾರ್ಯಕ್ಕೆ ಚಿತ್ರರಂಗದ ಮೇರು ಗಣ್ಯರು ಭಾಗಿಯಾಗಿ ನವ ಜೋಡಿಗಳಿಗೆ ಶುಭ ಹಾರೈಸಿದ್ದರು.
ನಯನ ಹಾಗೂ ವಿಘ್ನೇಶ್ ಮದುವೆಯಾಗಿ ಈಗಾಗಲೇ ಒಂದು ತಿಂಗಳು ಕಳೆದು ಹೋಗಿದೆ. ಈ ಸಂಭ್ರಮದಲ್ಲಿರುವ ಜೋಡಿ ಹಕ್ಕಿಗಳು ಈಗ ತಮ್ಮದೇ ಆದ ಲೋಕದಲ್ಲಿ ವಿಹರಿಸುತ್ತಿದ್ದಾರೆ. ಈ ನಡುವೆ ಸೋಷಿಯಲ್ ಮೀಡಿಯಾದಲ್ಲಿ ಮತ್ತೆ ಇವರಿಬ್ಬರ ಮದುವೆಯ ಅಪರೂಪದ ಪೋಟೋಗಳು ವೈರಲ್ ಆಗುತ್ತಿವೆ.
ಇದನ್ನು ಓದಿ| Nayanthara marriage | ವಿಘ್ನೇಶ್ ಕೈ ಹಿಡಿದ ನಯನತಾರಾ: ಹರಸಿದ ರಜನಿ, ಶಾರುಖ್, ಮಣಿರತ್ನಂ
ಅದ್ಧೂರಿಯಾಗಿ ನಡೆದ ವಿವಾಹದಲ್ಲಿ ನಯನಾ ಕೆಂಪು ಸೀರೆಯುಟ್ಟು ಕಂಗೊಳಿಸಿದ್ದರು, ಇತ್ತ ವಿಘ್ನೇಶ್ ಕೂಡ ರೇಷ್ಮೆ ಪಂಚೆಯಲ್ಲಿ ಎಲ್ಲರ ಗಮನ ಸೆಳೆದಿದ್ದರು. ಇದೆಲ್ಲದಕ್ಕಿಂತ ಇವರಿಬ್ಬರ ಮದುವೆಗೆ ಇಡೀ ತಾರಾ ಬಳಗವೇ ಭಾಗಿಯಾಗಿತ್ತು. ಕೇವಲ ಕಾಲಿವುಡ್ ಅಲ್ಲದೆ, ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಖಾನ್ ಕೂಡ ಮದುವೆಗೆ ಭಾಗಿಯಾಗಿ ಯುವ ಜೋಡಿಗಳಿಗೆ ಶುಭ ಕೋರಿದ್ದರು. ಇವರ ಜೊತೆ ತಲೈವಾ ರಜನಿಕಾಂತ್, ಸಂಗೀತ ಮಾಂತ್ರಿಕ ಇಳಯರಾಜ, ವಿಜಯ್ ಸೇತುಪತಿ, ಎ.ಆರ್ ರೆಹಮಾನ್, ನಟ ಸೂರ್ಯ ಕೂಡ ಉಪಸ್ಥಿತರಿದ್ದರು.
ಶಾರುಖ್ ಖಾನ್, ರಜನಿಕಾಂತ್, ಎ. ಆರ್ ರೆಹಮಾನ್, ನಟ ಸೂರ್ಯ ವಿವಾಹದಲ್ಲಿ ಭಾಗಿಯಾದ ಕೆಲವು ಪೊಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ನಯನತಾರಾರನ್ನು ಅಪ್ಪಿ ಹಿಡಿದಿರುವ ಶಾರುಖ್ ಖಾನ್ ಪೋಟೋ, ನಂತರ ವಿಘ್ನೇಶ್ ಜೊತೆ ಆತ್ಮೀಯವಾಗಿ ಮಾತನಾಡುತ್ತಿರುವ ಪೋಟೋಗಳು ಅಭಿಮಾನಿಗಳ ಮನ ಗೆದ್ದಿದೆ. ಇತ್ತ ರಜನಿಕಾಂತ್ ಸಹ ನಯನ ಕೈ ಹಿಡಿದು ಶುಭ ಕೋರುತ್ತಿರುವುದು, ಊಡುಗೊರೆ ನೀಡುತ್ತಿರುವ ಸಂತೋಷ ತುಂಬಿದ ಕ್ಷಣಗಳ ಫೋಟೊಗಳಿಗೆ ಅಭಿಮಾನಿಗಳು ಮನಸೋತಿದ್ದಾರೆ.
ಇದನ್ನು ಓದಿ| Nayanathara marriage | ನೀರಿನಲ್ಲಿ ನಡೆದ ಜೋಡಿ, ಚಂದದ ಡ್ರೆಸ್‌ಗೆ ಫ್ಯಾನ್ಸ್‌ ಖುಷ್‌