ಲಾಸ್‌ ಏಂಜಲೀಸ್‌: ಆರ್‌ಆರ್‌ಆರ್‌ ಚಲನಚಿತ್ರದ ನಿರ್ದೇಶಕರಾದ ಎಸ್‌ ಎಸ್‌ ರಾಜಮೌಳಿ, ನಟರಾದ ಜೂ.ಎನ್‌ಟಿಆರ್‌ ಹಾಗೂ ರಾಮ್‌ಚರಣ್‌, ಕಂಪೋಸರ್‌ ಎಂ ಎಂ ಕೀರವಾಣಿ ಮುಂತಾದವರು ಆಸ್ಕರ್‌ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ವಿಶೇಷ ಕ್ಲಾಸಿಕ್‌ ದಿರಸಿನಲ್ಲಿ ಕಾಣಿಸಿಕೊಂಡರು.
95ನೇ ಅಕಾಡೆಮಿ ಪ್ರಶಸ್ತಿ ಪ್ರದಾನ ಸಮಾರಂಭಕ್ಕೆ ಇವರು ನಾಲ್ವರೂ ಆಗಮಿಸಿ ಎಲ್ಲರ ಗಮನ ಸೆಳೆದರು. ರಾಜಮೌಳಿ ನೇರಳೆ ಬಣ್ಣದ ಕುರ್ತಾ ಧರಿಸಿದ್ದರೆ, ಜೂ.ಎನ್‌ಟಿಆರ್‌ ಹಾಗೂ ರಾಮ್‌ಚರಣ್‌ ಕಪ್ಪು ಬಣ್ಣದ ಕ್ಲಾಸಿಕ್‌ ದಿರಸುಗಳನ್ನು ಧರಿಸಿದ್ದರು.
ಆರ್‌ಆರ್‌ಆರ್‌ನ ʼನಾಟು ನಾಟುʼ ಹಾಡಿನ ಲೈವ್‌ ಪರ್‌ಫಾರ್ಮೆನ್ಸ್‌ ಅನ್ನು ಕಾಲಭೈರವ ಹಾಗೂ ರಾಹುಲ್‌ ಸಿಪ್ಲಿಗಂಜ್‌ ನಡೆಸಿಕೊಟ್ಟರು. ನಾಟು ನಾಟು ಹಾಡನ್ನು ಪರಿಚಯಿಸುತ್ತಾ ಪ್ರೇಕ್ಷಕರ ಪ್ರತಿಕ್ರಿಯೆಯಿಂದ ದೀಪಿಕಾ ಹಲವು ಬಾರಿ ಪುಳಕಗೊಂಡದ್ದು ಅವರ ನಗುವಿನಲ್ಲಿ ವ್ಯಕ್ತವಾಗಿತ್ತು. ನಾಟು ನಾಟು ಹಾಡಿಗೆ ಪ್ರೇಕ್ಷಕರು ನಿಂತು ಚಪ್ಪಾಳೆ ಬಾರಿಸಿ ಮೆಚ್ಚುಗೆ ಸೂಚಿಸಿದರು.
ಇದನ್ನೂ ಓದಿ: Oscars 2023: ಕ್ಲಾಸಿಕ್‌ ಕಪ್ಪು ಗೌನ್‌ನಲ್ಲಿ ಮಿಂಚಿದ ದೀಪಿಕಾ ಪಡುಕೋಣೆ