ಮುಂಬೈ: ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಒಂದು ಕಾಲದಲ್ಲಿ ಭಾರತದ ಕ್ರಷ್ ಆಗಿದ್ದವರು. ಅಪಾರ ಅಭಿಮಾನಿಗಳನ್ನು ಹೊಂದಿರುವ ಅವರು ನಟ ವಿಜಯ್ ದೇವರಕೊಂಡ ಅವರನ್ನು ಪ್ರೀತಿಸುತ್ತಿದ್ದಾರೆ ಎನ್ನುವ ವದಂತಿಗಳೂ ಹರಿದಾಡಿರುವುದನ್ನು ನೋಡಿದ್ದೇವೆ. ಹೀಗಿರುವಾಗ ನಟಿ ತನ್ನ ಪ್ರೇಮಿಯೊಂದಿಗಿನ ವಿಡಿಯೊ ಹಂಚಿಕೊಂಡು ಪ್ರೇಮಿಗಳ ದಿನದ ಶುಭ ಹಾರೈಸಿದ್ದಾರೆ(Viral News).
ಹೌದು. ರಶ್ಮಿಕಾ ಪ್ರೇಮಿಗಳ ದಿನಕ್ಕೆಂದೇ ವಿಶೇಷ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ. ಅವರ ಸಾಕು ನಾಯಿಯಾದ ಔರಾ ಜತೆಗಿನ ವಿಡಿಯೊ ಅದಾಗಿದೆ. ವಿಡಿಯೊದಲ್ಲಿ ಔರಾ ರಶ್ಮಿಕಾ ಮೈ ಮೇಲೆ ಹಾರಿ ಮುದ್ದಾಡುವ ದೃಶ್ಯಗಳನನ್ನು ಕಾಣಬಹುದಾಗಿದೆ. ವಿಡಿಯೊಗೆ ‘ಮೈ ಯುನಿವರ್ಸ್’ ಹಾಡನ್ನು ಹಿನ್ನೆಲೆಯಲ್ಲಿ ಹಾಕಲಾಗಿದೆ. ಈ ವಿಡಿಯೊ ಹಂಚಿಕೊಂಡಿರುವ ರಶ್ಮಿಕಾ, “ನಮ್ಮಿಬ್ಬರ ಕಡೆಯಿಂದ ನಿಮಗೆಲ್ಲರಿಗೂ ಪ್ರೇಮಿಗಳ ದಿನ ಶುಭಾಶಯಗಳು” ಎಂದು ಬರೆದುಕೊಂಡಿದ್ದಾರೆ.
ನಟಿಯ ಈ ಪೋಸ್ಟ್ ಅನ್ನು ಅಭಿಮಾನಿಗಳು ಮೆಚ್ಚಿ ಲೈಕ್ ಒತ್ತಲಾರಂಭಿಸಿದ್ದಾರೆ. “ನಿಮ್ಮ ಪ್ರೀತಿ ಕಥೆಯನ್ನು ಕೇಳುವುದಕ್ಕೆ ಕಾತರರಾಗಿದ್ದೇವೆ” ಎನ್ನುವ ಕಾಮೆಂಟ್ಗಳನ್ನೂ ಮಾಡಲಾರಂಭಿಸಿದ್ದಾರೆ.
ಇದನ್ನೂ ಓದಿ: Rashmika Mandanna: ಅಭಿಮಾನಿಗೇ ಪ್ರಪೋಸ್‌ ಮಾಡಿದ ರಶ್ಮಿಕಾ ಮಂದಣ್ಣ! ವೈರಲ್‌ ಆಯ್ತು ವಿಡಿಯೊ
ರಶ್ಮಿಕಾ ಸದ್ಯ ದಕ್ಷಿಣ ಭಾರತದ ಜತೆಯಲ್ಲಿ ಬಾಲಿವುಡ್ನಲ್ಲೂ ಮಿಂಚಲಾರಂಭಿಸಿದ್ದಾರೆ. ನಟಿ ಪ್ರಸಿದ್ಧ ನಟ ರಣಬೀರ್ ಕಪೂರ್ ಅವರೊಂದಿಗೆ ಸಿನಿಮಾವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಹಾಗೆಯೇ ಟೈಗರ್ ಶ್ರಾಫ್ ಅವರೊಂದಿಗೂ ನಟಿಸಲಿದ್ದಾರೆ ಎನ್ನುವ ಸುದ್ದಿಗಳು ಹರಿದಾಡಿವೆ.