ಬೆಂಗಳೂರು: ಇತ್ತೀಚೆಗೆ ಹಲವು ಕಾರಣಗಳಿಂದ ಕನ್ನಡಿಗರ ಕೆಂಗಣ್ಣಿಗೆ ಗುರಿಯಾಗಿದ್ದ ʼನ್ಯಾಷನಲ್‌ ಕ್ರಷ್ʼ ರಶ್ಮಿಕಾ ಮಂದಣ್ಣ ಇದೀಗ ತಮ್ಮ ಹಳೆಯ ಸಹನಟರಾದ ರಕ್ಷಿತ್ ಶೆಟ್ಟಿ, ರಿಷಬ್ ಶೆಟ್ಟಿ ಬಗ್ಗೆ ತುಟಿ ಬಿಚ್ಚಿದ್ದಾರೆ.
ಇದೀಗ ಅವರ ಹೊಸ ಹೇಳಿಕೆ ಯೂಟ್ಯೂನ್‌ನಲ್ಲಿ ಸದ್ದು ಮಾಡುತ್ತಿದೆ. ಪ್ರೇಮಾ ಜರ್ನಲಿಸ್ಟ್ ಎಂಬ ಯೂಟ್ಯೂಬ್‌ ಸಂದರ್ಶನಕಾರ್ತಿಗೆ ನೀಡಿರುವ ಸಂದರ್ಶನದಲ್ಲಿ ಮಾತಾಡಿರುವ ರಶ್ಮಿಕಾ, ಕನ್ನಡ ಚಿತ್ರರಂಗವನ್ನು ನೆನಪು ಮಾಡಿಕೊಂಡಿದ್ದಾರೆ. ತಮಗೆ ಸಿನಿಮಾ ಇಂಡಸ್ಟ್ರಿಗೆ ದಾರಿ ತೋರಿಸಿದ್ದೇ ರಕ್ಷಿತ್ ಮತ್ತು ರಿಷಬ್ ಶೆಟ್ಟಿ ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ | Rashmika Mandanna | ನನಗೆ ಮನರಂಜನೆ ನೀಡುವುದಷ್ಟೇ ಕೆಲಸ: ರಶ್ಮಿಕಾ ಮಂದಣ್ಣ
ಕನ್ನಡದಿಂದ ವೃತ್ತಿಜೀವನ ಆರಂಭಿಸಿ ಬಾಲಿವುಡ್‌ವರೆಗೆ ಬೆಳೆದು ನಿಂತರೂ ಎಲ್ಲಿಯೂ ಕನ್ನಡದ ಬಗ್ಗೆ ಕೃತಜ್ಞತೆಯ ಮಾತುಗಳನ್ನು ಇದುವರೆಗೂ ರಶ್ಮಿಕಾ ಆಡಿರಲಿಲ್ಲ. ಮಾತ್ರವಲ್ಲ, ಟಿವಿ ಸಂದರ್ಶನವೊಂದರಲ್ಲಿ ರಿಷಬ್- ರಕ್ಷಿತ್ ಜೋಡಿಯ ಚಿತ್ರನಿರ್ಮಾಣ ಸಂಸ್ಥೆಯ ಬಗೆಗೆ ಅದರ ಹೆಸರೂ ಹೇಳದೇ ಸನ್ನೆಯಲ್ಲಿ ಸೂಚಿಸಿದ್ದರು. ʼಕಿರಿಕ್‌ ಪಾರ್ಟಿʼಯ ನಂತರ ಜನಪ್ರಿಯತೆಗೆ ಬಂದಿದ್ದ ಅವರು ಎಲ್ಲಿಯೂ ಅದನ್ನು ನೆನೆದುಕೊಂಡಿರಲಿಲ್ಲ. ಹೀಗಾಗಿ ಕನ್ನಡಿಗರ ಕೆಂಗಣ್ಣಿಗೆ ಗುರಿಯಾಗಿದ್ದರು.
ಬಹುಭಾಷಾ ನಟಿಯಾಗಿ ಹೊರಹೊಮ್ಮಿರುವ ರಶ್ಮಿಕಾಗೆ ತೆಲುಗು, ತಮಿಳು, ಹಿಂದಿಯಲ್ಲಿ ಭಾರಿ ಡಿಮ್ಯಾಂಡ್‌ ಇದೆ. ಇತ್ತೀಚೆಗೆ ತಮಿಳಿನ ವಿಜಯ್‌ ಜತೆಗೆ ಅವರು ನಟಿಸಿರುವ ʼವಾರಿಸುʼ ಫಿಲಂ ಕನ್ನಡ ಹೊರತುಪಡಿಸಿ ಉಳಿದ ಕೇಂದ್ರಗಳಲ್ಲಿ ಚೆನ್ನಾಗಿ ಓಡುತ್ತಿದೆ. ಆದರೆ ಕನ್ನಡಿಗರು ಬಹುತೇಕ ಈ ಸಿನಿಮಾವನ್ನು ತಿರಸ್ಕರಿಸಿದ್ದಾರೆ. ಇದಕ್ಕೆ ಕಾರಣ ರಶ್ಮಿಕಾ ಎನ್ನಲಾಗಿತ್ತು. ಇದು ಕರಿಯರ್‌ನಲ್ಲಿ ರಶ್ಮಿಕಾಗೆ ಉಂಟಾದ ಹಿನ್ನಡೆ. ಇದೀಗ ಅವರ ಹೊಸ ಹೇಳಿಕೆ ಟ್ರೋಲ್‌ ಮತ್ತು ವಿವಾದಗಳಿಗೆ ಕಡಿವಾಣ ಹಾಕುತ್ತಾ ಕಾಯ್ದು ನೋಡಬೇಕಿದೆ.
ಇದನ್ನೂ ಓದಿ | Rashmika Mandanna | ಕನ್ನಡದಲ್ಲೇ ಸಂಕ್ರಾಂತಿ ವಿಶ್‌ ಮಾಡಿದ್ರೂ ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾದ ರಶ್ಮಿಕಾ ಮಂದಣ್ಣ!