ಬೆಂಗಳೂರು : ಸ್ಯಾಂಡಲ್‌ವುಡ್‌ ನಟ ವಸಿಷ್ಠ ಸಿಂಹ (Vasishta Simha) ತಮ್ಮ ಮದುವೆ ಸುದ್ದಿ ಬೆನ್ನಲ್ಲೇ ಅವರ ಅಭಿಮಾನಿಗಳಿಗೆ ಸಿಹಿ ಸುದ್ದಿಯನ್ನು ನೀಡಿದ್ದಾರೆ. ನಟ ಪ್ರಭುದೇವ ಅವರ 60ನೇ ಸಿನಿಮಾ ‘ವೂಲ್ಫ್ ‘ನಲ್ಲಿ ವಸಿಷ್ಠ ಸಿಂಹ ನಟಿಸಿದ್ದು, ಸಿನಿಮಾದ ಟೈಟಲ್ ಲುಕ್ ರಿವೀಲ್ ಮಾಡಲಾಗಿದೆ. ಸದ್ಯ ಕನ್ನಡದ ʻಲವ್ ಲಿʼ ಸಿನಿಮಾದಲ್ಲಿಯೂ ನಟಿಸುತ್ತಿದ್ದಾರೆ.
ತಮಿಳು ಚಿತ್ರರಂಗಕ್ಕೆ ವಸಿಷ್ಠ ಸಿಂಹ ಎಂಟ್ರಿ ಕೊಡುತ್ತಿದ್ದು, ನಟ ಪ್ರಭುದೇವ ಅವರ 60ನೇ ಚಿತ್ರ ವೂಲ್ಫ್‌ನಲ್ಲಿ ನಟಿಸಿರುವುದಾಗಿ ಹೇಳಿದ್ದಾರೆ. ʻವೂಲ್ಫ್ ‘ ಸಿನಿಮಾಗೆ ವಿನೂ ವೆಂಕಟೇಶ್ ನಿರ್ದೇಶನ ಮಾಡುತ್ತಿದ್ದಾರೆ. ಇದೊಂದು ಸೈಕಲಾಜಿಕಲ್ ಥ್ರಿಲ್ಲರ್ ಸಿನಿಮಾವಾಗಿದ್ದು, ಚಿತ್ರೀಕರಣ ಈಗಾಗಲೇ ಮುಕ್ತಾಯಗೊಂಡಿದೆ.
ಸಂದೇಶ್ ಎನ್ ನಿರ್ಮಿಸಿರುವ ಈ ಚಿತ್ರವೂ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿಯಲ್ಲಿ ಬಿಡುಗಡೆಯಾಗಲಿದೆ. ‘ವೂಲ್ಫ್ ‘ ಸಿನಿಮಾದಲ್ಲಿ ವಸಿಷ್ಠ ಸಿಂಹ ಸೇರಿದಂತೆ ಅಂಜು ಕುರಿಯನ್, ಅನುಸೂಯ ಭಾರದ್ವಾಜ್, ರೈ ಲಕ್ಷ್ಮೀ, ಶ್ರೀಗೋಪಿಕಾ ಮತ್ತು ರಮೇಶ್ ತಿಲಕ್ ಪ್ರಮುಖ ಪಾತ್ರಗಳಿಗೆ ಬಣ್ಣ ಹಚ್ಚಿದ್ದಾರೆ. ‘ವೂಲ್ಫ್ ‘ ಚಿತ್ರವನ್ನು ಪುದುಚೇರಿ, ಚೆನ್ನೈ, ಬೆಂಗಳೂರು, ಅಂಡಮಾನ್ ಮತ್ತು ನಿಕೋಬಾರ್ ನ ವಿಶಿಷ್ಟ ಸ್ಥಳಗಳಲ್ಲಿ 25 ದಿನಗಳ ಕಾಲ ಚಿತ್ರೀಕರಿಸಲಾಗಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಮಾರ್ಚ್‌ನಲ್ಲಿ ಈ ಸಿನಿಮಾ ಬಿಡುಗಡೆ ಮಾಡಲು ಚಿತ್ರತಂಡ ಪ್ಲ್ಯಾನ್ ಮಾಡಿಕೊಂಡಿದೆ.
ಇದನ್ನೂ ಓದಿ | Vasishta Simha | ವಸಿಷ್ಠ ಸಿಂಹ ಅಭಿನಯದ ‘ಲವ್ ಲಿ’ ಸಿನಿಮಾದಲ್ಲಿ ಕೋಟಿ ರೂಪಾಯಿ ವೆಚ್ಚದ ಸೆಟ್
ಮದುವೆ ತಯಾರಿಯಲ್ಲಿದೆ ಸಿಂಹಪ್ರಿಯ ಜೋಡಿ
ಜನವರಿ 26ರಂದು ಅದ್ಧೂರಿ ಕಲ್ಯಾಣಕ್ಕೆ ರೆಡಿಯಾಗಿದೆ ಜೋಡಿ. ಮೈಸೂರಿನ ಗಣಪತಿ ಸಚ್ಚಿದಾನಂದ ಆಶ್ರಮದಲ್ಲಿ ಸಿಂಹಪ್ರಿಯಾ ವಿವಾಹ ಆಗುತ್ತಿದ್ದಾರೆ. ಜನವರಿ 28 ರಂದು (ಶನಿವಾರ) ಸಂಜೆ 7 ಗಂಟೆಯಿಂದ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಆರತಕ್ಷತೆ ತುಮಕೂರು ರಸ್ತೆಯ ಗೋಲ್ಡನ್ ಪಾಮ್ಸ್ ರೆಸಾರ್ಟ್‌ನಲ್ಲಿ ಜರುಗಲಿದೆ. ಮದುವೆಯ ಆಮಂತ್ರಣ (Wedding Card) ಕಾರ್ಡ್‌ನಲ್ಲಿ ಸಿಂಹಪ್ರಿಯಾ (Simhapriya) ಎಂಬ ಟ್ಯಾಗ್‌ಲೈನ್ ಇದೆ. ಅಭಿಮಾನಿಗಳು ಪ್ರೀತಿಯಿಂದ ಈ ಜೋಡಿಗೆ ಕೊಟ್ಟಿರುವ ಸಿಂಹ ಪ್ರಿಯಾ ಟ್ಯಾಗ್ ಅನ್ನೇ ಪತ್ರಿಕೆಯಲ್ಲೂ ಮುದ್ರಿಸಲಾಗಿದೆ. ಪತ್ರಿಕೆಯ ಜತೆ ಮೇಣದ ಬತ್ತಿ ಮತ್ತು ವಿಶೇಷವಾಗಿರುವ ಗಿಡವೊಂದನ್ನು ನೀಡಲಾಗಿದೆ.
ಇದನ್ನೂ ಓದಿ | Vasishta Simha and Haripriya | ಲೋಹದ ಹಕ್ಕಿಗಳ ನಿಲ್ದಾಣದಲ್ಲಿ ಸ್ಯಾಂಡಲ್‌ವುಡ್‌ ಲವ್ ಬರ್ಡ್ಸ್‌