ನವ ದೆಹಲಿ: ಪ್ರಧಾನಿ ನರೇಂದ್ರ ಮೋದಿಯವರು ಕೇಂದ್ರ ಸರ್ಕಾರದ ನಾನಾ ಇಲಾಖೆಗಳು ಮತ್ತು ಸಂಸ್ಥೆಗಳಲ್ಲಿನ ಹುದ್ದೆಗಳಿಗೆ ಜನವರಿ 20ರಂದು ಹೊಸಬರ ನೇಮಕಾತಿಗೆ ಚಾಲನೆ ನೀಡಲಿದ್ದಾರೆ. ( Rozgar Mela) ಒಟ್ಟು 71,000 ಮಂದಿಗೆ ಉದ್ಯೋಗ ನೇಮಕಾತಿ ಪತ್ರ ವಿತರಣೆಯಾಗಲಿದೆ.
ಪ್ರಧಾನ ಮಂತ್ರಿಯವರ ಕಚೇರಿ ಈ ಸಂಬಂಧ ಗುರುವಾರ ಪ್ರಕಟಣೆ ಹೊರಡಿಸಿದೆ. ಈ ಸಂದರ್ಭ ನೇಮಕಾತಿ ಪತ್ರ ಪಡೆದವರನ್ನು ಉದ್ದೇಶಿಸಿ ಪ್ರಧಾನಿ ನರೇಂದ್ರ ಮೋದಿಯವರು ಮಾತನಾಡಲಿದ್ದಾರೆ.
ಕೇಂದ್ರ ಸರ್ಕಾರ ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ರೋಜ್‌ಗಾರ್‌ ಮೇಳವನ್ನು ಹಮ್ಮಿಕೊಂಡಿತ್ತು. ಕಿರಿಯ ಎಂಜಿನಿಯರ್‌, ಟೆಕ್ನೀಶಿಯನ್‌, ಇನ್ಸ್‌ಪೆಕ್ಟರ್‌, ಸಬ್‌ ಇನ್ಸ್‌ಪೆಕ್ಟರ್‌, ಸ್ಟೆನೊಗ್ರಾಫರ್‌, ಜ್ಯೂನಿಯರ್‌ ಅಕೌಂಟೆಂಟ್‌, ಗ್ರಾಮೀಣ ಅಂಚೆ ಸೇವಕರು, ಆದಾಯ ತೆರಿಗೆ ಇನ್ಸ್‌ಪೆಕ್ಟರ್‌, ನರ್ಸ್‌, ಡಾಕ್ಟರ್‌, ಸೆಕ್ಯುರಿಟಿ ಆಫೀಸರ್‌, ಪಿಎ, ಎಂಟಿಎಸ್‌ ಮುಂತಾದ ಹುದ್ದೆಗಳಿಗೆ ನೇಮಿಸಲಾಗುತ್ತಿದೆ.