ನವ ದೆಹಲಿ: ಖಾಸಗಿ ವಲಯದ ಐಡಿಬಿಐ ಬ್ಯಾಂಕ್, ಡಿಬಿಎಸ್‌ ಬ್ಯಾಂಕ್ ತಮ್ಮ ನಿಶ್ಚಿತ ಠೇವಣಿಗಳ ಬಡ್ಡಿ ದರಗಳನ್ನು ಏರಿಸಿವೆ. ಸಾರ್ವಜನಿಕ ವಲಯದ ಕೆನರಾ ಬ್ಯಾಂಕ್ ಕೂಡ ಬಡ್ಡಿ ದರವನ್ನು ವೃದ್ಧಿಸಿದೆ. ಉಳಿತಾಯಗಾರರಿಗೆ ಇದರಿಂದ ಅನುಕೂಲವಾಗಲಿದೆ.
ಐಡಿಬಿಐ ಬ್ಯಾಂಕ್: ಐಡಿಬಿಐ ಬ್ಯಾಂಕ್ ೨ ಕೋಟಿ ರೂ.ಗಿಂತ ಕಡಿಮೆ ಮೊತ್ತದ ನಿಶ್ಚಿತ ಠೇವಣಿಗೆ ಬಡ್ಡಿ ದರವನ್ನು ಏರಿಸಿದೆ. ೬ ತಿಂಗಳುಗಳಿಂದ ೨೭೦ ದಿನಗಳ ಅವಧಿಯ ಠೇವಣಿಗೆ ಬಡ್ಡಿ ದರವನ್ನು ೪.೫೦%ಕ್ಕೆ ಹೆಚ್ಚಿಸಲಾಗಿದೆ. ೧ ವರ್ಷದಿಂದ ೧ ವರ್ಷ ೬ ತಿಂಗಳಿನ ಫಿಕ್ಸೆಡ್‌ ಡಿಪಾಸಿಟ್‌ಗಳಿಗೆ ಬಡ್ಡಿ ದರವನ್ನು ೫.೩೫%ಕ್ಕೆ ಏರಿಸಲಾಗಿದೆ. ೩೦ ತಿಂಗಳಿನಿಂದ ೩ ವರ್ಷದ ತನಕದ ಠೇವಣಿಗೆ ೫.೫೦% ಬಡ್ಡಿ ದರ ನಿಗದಿಯಾಗಿದೆ.
ಡಿಬಿಎಸ್‌ ಬ್ಯಾಂಕ್ ಎಫ್‌ಡಿ ಬಡ್ಡಿ ದರ : ಡಿಬಿಎಸ್‌ ಬ್ಯಾಂಕ್ ಇಂಡಿಯಾ ೧೮೧ ದಿನಗಳಿಂದ ೨೬೯ ದಿನಗಳ ಅವಧಿಯ ಎಫ್‌ಡಿ ಬಡ್ಡಿ ದರವನ್ನು ೩.೨೫%ರಿಂದ ೪.೭೫%ಕ್ಕೆ ಏರಿಸಿದೆ. 376 ದಿನಗಳಿಂದ ೨ ವರ್ಷ ಅವಧಿಯ ಠೇವಣಿಗೆ ೫.೭೫% ಬಡ್ಡಿ ದರ ನಿಗದಿಯಾಗಿದೆ. ೩ರಿಂದ ೪ ವರ್ಷ ಅವಧಿಯ ಠೇವಣಿಗೆ ೬.೨೫% ಬಡ್ಡಿ ದರ ನಿಗದಿಯಾಗಿದೆ.
ಕೆನರಾ ಬ್ಯಾಂಕ್ ಎಫ್‌ಡಿ ಬಡ್ಡಿ ದರ: ಸಾರ್ವಜನಿಕ ವಲಯದ ಕೆನರಾ ಬ್ಯಾಂಕ್, ಎಫ್‌ಡಿ ಬಡ್ಡಿ ದರಗಳನ್ನು ಪರಿಷ್ಕರಿಸಿದೆ. ವಿವರ ಕೆಳಕಂಡಂತಿದೆ.
| 7ರಿಂದ 45 ದಿನ | 2.90% | 2.93% |
| 46ರಿಂದ 90 ದಿನ | 4.00 | 4.06 |
| 91ರಿಂದ 179 ದಿನಗಳು | 4.05 | 4.11 |
| 180ರಿಂದ 269 ದಿನಗಳು | 4.50 | 4.58 |
| 270ರಿಂದ 1 ವರ್ಷ | 4.55 | 4.63 |
| 1 ವರ್ಷ | 5.10 | 5.20 |
| 1-2 ವರ್ಷಗಳು | 5.40 | 5.51 |
| 2-3 ವರ್ಷಗಳು | 5.45 | 5.56 |
| 3-5 ವರ್ಷಗಳು | 5.70 | 5.82 |
| 5 -10 ವರ್ಷ ಮೇಲ್ಪಟ್ಟು | 5.75 | 5.88 |
SBI ಗೃಹ ಸಾಲ ಬಡ್ಡಿ ದರ ಏರಿಕೆ: ಸಾರ್ವಜನಿಕ ವಲಯದ ಎಸ್‌ಬಿಐ, ಗೃಹ ಸಾಲಗಳ ಮೇಲಿನ ಕನಿಷ್ಠ ಬಡ್ಡಿ ದರವನ್ನು ಶೇ.೭.೫೫ಕ್ಕೆ ಏರಿಸಿದೆ. ಪರಿಷ್ಕೃತ ಬಡ್ಡಿ ದರ ೨೦೨೨ರ ಜೂನ್‌ ೧೫ರಿಂದ ಜಾರಿಯಾಗುತ್ತಿದೆ. ಕ್ರೆಡಿಟ್‌ ಸ್ಕೋರ್‌ ೮೦೦ ಅಥವಾ ಅದಕ್ಕಿಂತ ಹೆಚ್ಚು ಇದ್ದರೆ ೭.೫೫%ರ ಬಡ್ಡಿ ದರ ಇರಲಿದೆ. ಕ್ರೆಡಿಟ್‌ ಸ್ಕೋರ್‌ ೭೫೦-೭೯೯ ಆಗಿದ್ದರೆ ೭.೬೫%ರ ಬಡ್ಡಿ ದರ ಅನ್ವಯವಾಗಲಿದೆ.