ನವ ದೆಹಲಿ: ಭಾರತೀಯ ಜೀವ ವಿಮಾ ನಿಗಮ (LIC) ಬುಧವಾರ ಸಾರ್ವಜನಿಕ ವಲಯದ ಎನ್‌ಎಂಡಿಸಿಯಿಂದ 2% ಷೇರುಗಳನ್ನು ಮಾರಾಟ ಮಾಡಿದೆ. ಇದರೊಂದಿಗೆ ಎನ್‌ಎಂಡಿಸಿಯಲ್ಲಿ ಎಲ್‌ಐಸಿಯ ಷೇರು ಪಾಲು 13.69%ರಿಂದ 11.69% ಕ್ಕೆ ಇಳಿಕೆಯಾಗಿದೆ. ಈ ಷೇರು ವಿಕ್ರಯದಿಂದ ಎಲ್‌ಐಸಿಯು 700 ಕೋಟಿ ರೂ. ಆದಾಯವನ್ನು ಗಳಿಸಿದೆ.
2022ರ ಡಿಸೆಂಬರ್‌ 29ರಿಂದ 2023ರ ಮಾರ್ಚ್‌ 14 ರ ಅವಧಿಯಲ್ಲಿ ಎಲ್‌ಐಸಿಯು ಎನ್‌ಎಂಡಿಸಿಯಲ್ಲಿನ ಷೇರು ಪಾಲನ್ನು ಕಡಿತಗೊಳಿಸಿದೆ. ಪ್ರತಿ ಷೇರಿಗೆ ಸರಾಸರಿ 119 ರೂ.ಗಳಂತೆ ಮಾರಾಟವಾಗಿದೆ.
ಎನ್‌ಎಂಡಿಸಿಯ ಒಟ್ಟು 5.88 ಕೋಟಿ ಷೇರುಗಳನ್ನು ಎಲ್‌ಐಸಿಯು ಮುಕ್ತ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಿ ಒಟ್ಟು 700 ಕೋಟಿ ರೂ. ಸಂಪಾದಿಸಿದೆ. ಎನ್‌ಎಂಡಿಸಿಯು ಕಬ್ಬಿಣದ ಅದಿರು ಗಣಿಗಾರಿಕೆ ವಲಯದಲ್ಲಿ ಕಾರ್ಯನಿರ್ವಹಿಸುತ್ತಿದೆ.