ನವ ದೆಹಲಿ: ಆದಾಯ ತೆರಿಗೆ ಇಲಾಖೆಯು ತನ್ನ ಟ್ವಿಟರ್‌ ಖಾತೆಯಲ್ಲಿ ಶುಕ್ರವಾರ ರಾತ್ರಿ ಪೋಸ್ಟ್‌ ಮಾಡಿರುವ ಸ್ಪಷ್ಟನೆಯೊಂದರಲ್ಲಿ, ಪ್ಯಾನ್ – ಆಧಾರ್ ಲಿಂಕ್‌ ಮಾಡುವಲ್ಲಿ ಉಂಟಾಗಿರುವ ಸಮಸ್ಯೆ ಬಗ್ಗೆ ವಿವರಿಸಿದೆ. ಪ್ಯಾನ್ ಕಾರ್ಡ್‌-ಆಧಾರ್ ಲಿಂಕ್‌ ಮಾಡಲು ಗಡುವು ಮುಕ್ತಾಯವಾಗಲು ಕೆಲ ಗಂಟೆಗಳಿರುವಾಗ ಈ ಸ್ಪಷ್ಟನೆ ನೀಡಿದೆ.
ಪ್ಯಾನ್ ಖಾತೆದಾರರ ಗಮನಕ್ಕೆ, ಪ್ಯಾನ್ ಕಾರ್ಡ್‌ದಾರರು ಆಧಾರ್- ಪ್ಯಾನ್ ಲಿಂಕ್‌ ಮಾಡುವ ಸಲುವಾಗಿ ವಿಳಂಬ ಶುಲ್ಕ 1000 ರೂ. ಪಾವತಿಸಿದ ಬಳಿಕ ಚಲನ್‌ ಅನ್ನು ಡೌನ್‌ ಲೋಡ್‌ ಮಾಡುವಲ್ಲಿ ಕಷ್ಟ ಎದುರಿಸಿದ್ದಾರೆ. ಆದ್ದರಿಂದ ಚಲನ್‌ ಪೇಮೆಂಟ್‌ನ ಸ್ಥಿತಿಗತಿಯನ್ನು ವೆಬ್‌ ಪೋರ್ಟಲ್‌ನ ಇ-ಪೇ ಟ್ಯಾಕ್ಸ್‌ ಟ್ಯಾಬ್‌ನಲ್ಲಿ ಲಾಗಿನ್‌ ಗಿ ಪರಿಶೀಲಿಸಬಹುದು. ಪೇಮೆಂಟ್‌ ಯಶಸ್ವಿಯಾಗಿದ್ದರೆ ಪ್ಯಾನ್ ಕಾರ್ಡ್‌ದಾರರು ಪ್ಯಾನ್ – ಆಧಾರ್ ಲಿಂಕ್‌ ಮುಂದುವರಿಸಬಹುದು.
ಇದನ್ನೂ ಓದಿ: PAN -Aadhaar linking : ಪ್ಯಾನ್-ಆಧಾರ್ ಲಿಂಕ್‌ ಮಾಡಲು ಮೂರೇ ದಿನ ಬಾಕಿ
ಪ್ಯಾನ್ ಅನ್ನು ಆಧಾರ್ ಜತೆಗೆ ಲಿಂಕ್‌ ಮಾಡಲು ಚಲನ್‌ ರಿಸಿಪ್ಟ್‌ ಅನ್ನು ಡೌನ್‌ಲೋಡ್‌ ಮಾಡಬೇಕಾದ ಅಗತ್ಯ ಇಲ್ಲ. ಶುಲ್ಕ ಪಾವತಿಸಿಯೂ 2023ರ ಜೂನ್‌ 30ರಂದು ಪ್ಯಾನ್- ಆಧಾರ್ ಲಿಂಕ್‌ ಆಗದಿದ್ದರೆ ತೆರಿಗೆ ಇಲಾಖೆ ಅಂಥ ಕೇಸ್‌ ಗಳನ್ನು ಪರಿಶೀಲಿಸಲಿದೆ ಎಂದು ಇಲಾಖೆ ಟ್ವೀಟ್‌ ಮೂಲಕ ತಿಳಿಸಿದೆ. ಹೀಗಾಗಿ 1000 ರೂ. ವಿಳಂಬ ಶುಲ್ಕ ಪಾವತಿಸಿದ್ದರೂ, ಪ್ಯಾನ್- ಆಧಾರ್ ಲಿಂಕ್‌ ಆಗದಿದ್ದರೆ ಆತಂಕಪಡಬೇಕಿಲ್ಲ. ಇಲಾಖೆ ಅಂಥ ಪ್ರಕರಣಗಳನ್ನು ಪರಿಶೀಲಿಸಿ ಸಹಕರಿಸಲಿದೆ. ತಾಂತ್ರಿಕ ಅಡಚಣೆ ಪರಿಣಾಮ ಕೆಲ ಪ್ಯಾನ್ ಕಾರ್ಡ್‌ದಾರರು ಶುಕ್ರವಾರ ಪರದಾಡಿದ್ದರು.
Kind Attention PAN holders!
— Income Tax India (@IncomeTaxIndia) June 30, 2023
Instances have come to notice where PAN holders have faced difficulty in downloading the challan after payment of fee for Aadhaar-PAN linking.
In this regard, it is to be informed that status of challan payment may be checked in ‘e-pay tax’ tab of…