ನವ ದೆಹಲಿ: ಕೋಲ್ಗೇಟ್ ಪಾಮೋಲಿವ್‌ ಇಂಡಿಯಾ ಕಂಪನಿಯ ನೂತನ ಸಿಇಒ ಆಗಿ ಪ್ರಭಾ ನರಸಿಂಹನ್‌ ಅವರು ನೇಮಕವಾಗಿದ್ದಾರೆ. ಅವರು ಎಚ್‌ಯುಎಲ್‌ನ ನಿರ್ದೇಶಕರಾಗಿ ೧೬ ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದಾರೆ. ಅದಕ್ಕೂ ಮುನ್ನ ಮಧುರಾ ಗಾರ್ಮೆಂಟ್ಸ್‌ನಲ್ಲಿ ಪ್ರಧಾನ ವ್ಯವಸ್ಥಾಪಕಿಯಾಗಿದ್ದರು. (Colgate) ಪ್ರಭಾ ನರಸಿಂಹನ್‌ ಅವರು ಐಐಎಂ ಬೆಂಗಳೂರಿನಲ್ಲಿ ಉನ್ನತ ಶಿಕ್ಷಣ ಪಡೆದಿದ್ದಾರೆ.
ಪ್ರಭಾ ನರಸಿಂಹನ್‌ ಅವರು ರಾಮ್‌ ರಾಘವನ್‌ ಅವರ ಬದಲಿಗೆ ಸಿಇಒ ಆಗಿ ನೇಮಕವಾಗಿದ್ದಾರೆ. ರಾಮ್‌ ರಾಘವನ್‌ ಅವರು ಅಧ್ಯಕ್ಷರಾಗಿ ಬಡ್ತಿ ಗಳಿಸಿದ್ದಾರೆ.
” ನಾನು ಇಂದು ನನ್ನ ಪಯಣವನ್ನು ಕೋಲ್ಗೇಟ್‌ನೊಂದಿಗೆ ಆರಂಭಿಸುತ್ತಿದ್ದೇನೆ. ಕೋಲ್ಗೇಟ್ ನನ್ನ ಖುಷಿಗೆ ಕಾರಣವಾಗಿದೆ. ಕಳೆದ ಮೂರು ತಿಂಗಳಿನಲ್ಲಿ ೬ ಭಿನ್ನ ದೇಶಗಲ್ಲಿ ೭ ಕಚೇರಿಗೆ ತೆರಳಿದ್ದೆನೆ. ಈ ಬಿಸಿನೆಸ್‌ ಅನ್ನು ಅರ್ಥ ಮಾಡಿಕೊಂಡಿದ್ದೇನೆ. ಇದೊಂದು ವಿಶಿಷ್ಟ ಅನುಭವ. ಭಾರತದಲ್ಲಿ ಕಾಲ್ಗೇಟ್‌ ಪಾಮೋಲಿವ್‌ ತಂಡದ ಜತೆಗೆ ಕೆಲಸ ಮಾಡಲು ಉತ್ಸುಕಳಾಗಿದ್ದೇನೆʼʼ ಎಂದು ಅವರು ಹೇಳಿದ್ದಾರೆ.
ಕೋಲ್ಗೇಟ್ ಟೂತ್‌ ಪೇಸ್ಟ್‌ ಸೇರಿದಂತೆ ದಿನ ಬಳಕೆಯ ಹಾಗೂ ಪರ್ಸನಲ್‌ ಕೇರ್ ಉತ್ಪನ್ನಗಳನ್ನು ಕಂಪನಿ ಮಾರಾಟ ಮಾಡುತ್ತದೆ. ಕೋಲ್ಗೇಟ್ ಪಾಮೋಲಿವ್‌ ಇಂಡಿಯಾ ಕಂಪನಿಯು ಅಮೆರಿಕ ಮೂಲದ ಕೋಲ್ಗೇಟ್-ಪಾಮೋಲಿವ್‌ನ ಅಧೀನ ಕಂಪನಿಯಾಗಿದೆ.