ನವ ದೆಹಲಿ: ಸಿನಿ ಮಂದಿರಗಳ ಸರಣಿ ಪಿವಿಆರ್ ಸಿನಿಮಾಸ್‌, ( PVR Cinemas) 2022-23ರಲ್ಲಿ 100 ಹೊಸ ಸ್ಕ್ರೀನ್‌ಗಳನ್ನು ತೆರೆಯಲಿದೆ. ಈ ನಿಟ್ಟಿನಲ್ಲಿ 350 ಕೋಟಿ ರೂ.ಗಳನ್ನು ಹೂಡಿಕೆ ಮಾಡಲಿದೆ.
ಇನೋಕ್ಸ್‌ ಲೈಶರ್‌ ( Inox Leisure) ಜತೆ ಪಿವಿಆರ್ ಸಿನಿಮಾಸ್‌ನ ವಿಲೀನ ಪ್ರಕ್ರಿಯೆ 2023ರ ಫೆಬ್ರವರಿ ವೇಳೆಗೆ ಪೂರ್ಣವಾಗುವ ನಿರೀಕ್ಷೆ ಇದೆ. ವಿಲೀನದ ಬಳಿಕ ಎರಡೂ ಒಟ್ಟಿಗೆ ಕಾರ್ಯನಿರ್ವಹಿಸಲಿದೆ ಎಂದು ಪಿವಿಆರ್ ಮುಖ್ಯಸ್ಥ ಗೌತಮ್‌ ದತ್ತಾ ತಿಳಿಸಿದ್ದಾರೆ.
ಏಪ್ರಿಲ್-ಜೂನ್‌ ತ್ರೈಮಾಸಿಕದಲ್ಲಿ ಪಿವಿಆರ್ ಸಿನಿಮಾಸ್‌ ವಹಿವಾಟು ಚೇತರಿಸಿದೆ. ಜನತೆ ಸಿನಿಮಾ ವೀಕ್ಷಣೆಯನ್ನು ಆನಂದಿಸುತ್ತಿದ್ದಾರೆ. ಪಿವಿಆರ್ ಸಿನಿಮಾಸ್‌ ಪ್ರತಿ ಸ್ಕ್ರೀನ್‌ಗೆ 3.5 ಕೋಟಿ ರೂ. ಹೂಡಿಕೆ ಮಾಡಲಿದೆ.