ನವ ದೆಹಲಿ: ಸಾರ್ವಜನಿಕ ವಲಯದ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ (SBI) ತನ್ನ ನಿಶ್ಚಿತ ಅವಧಿಯ ಠೇವಣಿಗಳ (Fixed deposits) ಬಡ್ಡಿ ದರವನ್ನು ಏರಿಸಿದೆ. 0.25% ತನಕ ಬಡ್ಡಿ ದರಗಳು ಏರಿಕೆಯಾಗಿದ್ದು, ವಿವರಗಳು ಇಲ್ಲಿವೆ. ಹೊಸ ಬಡ್ಡಿ ದರ 7.1%ಕ್ಕೆ ನಿಗದಿಯಾಗಿದ್ದು ಎಸ್‌ಬಿಐ ವೆಬ್‌ಸೈಟ್‌ನಲ್ಲಿ ವಿವರಗಳು ಪ್ರಕಟವಾಗಿವೆ. 2023ರ ಫೆಬ್ರವರಿ 15ರಿಂದ ಪರಿಷ್ಕೃತ ದರಗಳು ಜಾರಿಯಾಗಿವೆ. ( SBI FD Interest rate) 2 ಕೋಟಿ ರೂ.ಗಿಂತ ಒಳಗಿನ ಎಫ್‌ಡಿಗೆ ಇದು ಅನ್ವಯವಾಗುತ್ತದೆ. ಈ ಹಿಂದೆ 2022ರ ಡಿಸೆಂಬರ್‌ 13ರಂದು ಬ್ಯಾಂಕ್‌ ಬಡ್ಡಿ ದರಗಳನ್ನು ೦.೬೫% ತನಕ ಏರಿಸಿತ್ತು. ಎಸ್‌ಬಿಐ ಸಾಲದ ಬಡ್ಡಿ ದರದಲ್ಲಿ ಕೂಡ 0.10% ಹೆಚ್ಚಳವಾಗಿದೆ.
ಎಸ್‌ಬಿಐ ಎಫ್‌ಡಿ ಬಡ್ಡಿ ದರ ಏರಿಕೆ ಇಂತಿದೆ.
| ಅವಧಿ | ಸಾರ್ವಜನಿಕರಿಗೆ 2022 ಡಿ.13ರಿಂದ | ಸಾರ್ವಜನಿಕರಿಗೆ 2022 ಫೆ.15 ರಿಂದ | ಹಿರಿಯನಾಗರಿಕರಿಗೆ ಹಳೆಯ ದರ | ಹಿರಿಯನಾಗರಿಕರಿಗೆ ಹೊಸ ದರ (ಫೆ.15 ರಿಂದ) |
| 7ರಿಂದ 45 ದಿನ | 3 | 3 | 3.5 | 3.5 |
| 46ರಿಂದ 179 ದಿನ | 4.5 | 4.5 | 5 | 5 |
| 180ರಿಂದ 210 ದಿನ | 5.25 | 5.25 | 5.75 | 5.75 |
| 211ರಿಂದ 1 ವರ್ಷದೊಳಗೆ | 5.75 | 5.75 | 6.25 | 6.25 |
| 1ರಿಂದ 2 ವರ್ಷದೊಳಗೆ | 6.75 | 6.8 | 7.25 | 7.3 |
| 2ರಿಂದ 3 ವರ್ಷದೊಳಗೆ | 6.75 | 7 | 7.25 | 7.5 |
| 3ರಿಂದ 5 ವರ್ಷದೊಳಗೆ | 6.25 | 6.5 | 6.75 | 7 |
| 5ರಿಂದ 10 ವರ್ಷ ತನಕ | 6.25 | 6.5 | 7.25 | 7.5 |
ಎಸ್‌ಬಿಐನಿಂದ 400 ದಿನಗಳ ಹೊಸ ಅವಧಿಯ ಠೇವಣಿ ಯೋಜನೆ: ಎಸ್‌ಬಿಐ 400 ದಿನಗಳ ವಿಶೇಷ ಠೇವಣಿ ಯೋಜನೆ ಬಿಡುಗಡೆಗೊಳಿಸಿದೆ. ಇದರ ಬಡ್ಡಿ ದರ 7.10%. ೨೦೨೩ರ ಮಾರ್ಚ್‌ 31 ತನಕ ಇದು ಸಿಗಲಿದೆ.
ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ ತನ್ನ ಮಾರ್ಜಿನಲ್‌ ಕಾಸ್ಟ್‌ ಆಫ್‌ ಫಂಡ್ಸ್‌ (MCLR) ಆಧರಿತ ಸಾಲದ ಬಡ್ಡಿ ದರಗಳಲ್ಲಿ 0.10% ಏರಿಸಿದೆ. ಇದರ ಪರಿಣಾಮ ಎಂಸಿಎಲ್‌ಆರ್‌ ಆಧರಿತ ಗೃಹಸಾಲ, ವಾಹನ ಸಾಲ, ವೈಯಕ್ತಿಕ ಸಾಲಗಳ ಬಡ್ಡಿ ದರಗಳು ಏರಿಕೆಯಾಗಿವೆ. ಆರ್‌ಬಿಐ ಇತ್ತೀಚೆಗೆ ರೆಪೊ ದರವನ್ನು 6.50%ಕ್ಕೆ ಏರಿಸಿದ ಬಳಿಕ ಎಸ್‌ಬಿಐ ದರ ಪರಿಷ್ಕರಿಸಿದೆ. ಆದರೆ ನಿಶ್ಚಿತ ಬಡ್ಡಿ ದರದ ಸಾಲಗಳ ಮೇಲೆ ಇದು ಪರಿಣಾಮ ಬೀರುವುದಿಲ್ಲ. ಫ್ಲೋಟಿಂಗ್‌ ದರಗಳ ಸಾಲಗಳಿಗೆ ಅನ್ವಯವಾಗುತ್ತದೆ. ಎಸ್‌ಬಿಐ ವೆಬ್‌ಸೈಟ್‌ ಪ್ರಕಾರ ಎಂಸಿಎಲ್‌ಆರ್‌ ದರವನ್ನು 7.85%ರಿಂದ 7.95% ಕ್ಕೆ ಏರಿಸಲಾಗಿದೆ. 2023ರ ಫೆಬ್ರವರಿ 15ರಿಂದ ಪರಿಷ್ಕೃತ ದರಗಳು ಜಾರಿಯಾಗಿವೆ.