ಮುಂಬಯಿ: ಐಟಿ ದಿಗ್ಗಜ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸ್‌ನ (TCS) ಸಿಇಒ ರಾಜೇಶ್‌ ಕೃಷ್ಣನ್‌ ಅವರು ರಾಜೀನಾಮೆ ನೀಡಿದ್ದಾರೆ. ಟಿಸಿಎಸ್‌ನಲ್ಲಿ 22 ವರ್ಷಗಳ ಕಾಲ ಸೇವೆ (TCS CEO Resigns) ಸಲ್ಲಿಸಿದ್ದ ಅವರು, ಇತರ ಹಿತಾಸಕ್ತಿ ದೃಷ್ಟಿಯಿಂದ ರಾಜೀನಾಮೆ ಸಲ್ಲಿಸುತ್ತಿರುವುದಾಗಿ ತಿಳಿಸಿದ್ದಾರೆ.
ರಾಜೇಶ್‌ ಗೋಪಿನಾಥನ್‌ ರಾಜೀನಾಮೆ ಬಗ್ಗೆ ಟಿಸಿಎಸ್‌, ಷೇರು ವಿನಿಮಯ ಕೇಂದ್ರಕ್ಕೆ ಸಲ್ಲಿಸಿದ ವಿವರಣೆಯಲ್ಲಿ ತಿಳಿಸಿದೆ. ಟಿಸಿಎಸ್‌ನ ನಿಯೋಜಿತ ಸಿಇಒ ಆಗಿ ಕೆ. ಕೃತಿವಾಸನ್ ಅವರು ನೇಮಕವಾಗಿದ್ದಾರೆ. ಕೃತಿ ವಾಸನ್‌ ಅವರು ಟಿಸಿಎಸ್‌ನ ಬಿಎಫ್‌ಎಸ್‌ಐ ಘಟಕದ ಮುಖ್ಯಸ್ಥರಾಗಿದ್ದಾರೆ. ಕೃತಿವಾಸನ್ 1989ರಲ್ಲಿ ಟಿಸಿಎಸ್‌ಗೆ ಸೇರಿದ್ದರು.
ಕಳೆದ 6 ವರ್ಷಗಳಲ್ಲಿ ರಾಜೇಶ್‌ ಅವರು ಟಿಸಿಎಸ್‌ಗೆ ಉತ್ತಮ ನಾಯಕತ್ವ ನೀಡಿದ್ದಾರೆ. ಅವರ ಭವಿಷ್ಯಕ್ಕೆ ಶುಭ ಕೋರುವುದಾಗಿ ಟಿಸಿಎಸ್‌ ಅಧ್ಯಕ್ಷ ಎನ್.ಚಂದ್ರಶೇಖರನ್‌ ತಿಳಿಸಿದ್ದಾರೆ.