ನವದೆಹಲಿ: ಭಾರತದ ಹಣದುಬ್ಬರ ಕಳೆದ ಮೇನಲ್ಲಿ 15.88%ಕ್ಕೆ ಜಿಗಿದಿದೆ ಎಂದು ವಾಣಿಜ್ಯ ಸಚಿವಾಲಯ ಮಂಗಳವಾರ ಬಿಡುಗಡೆಗೊಳಿಸಿದ ಅಂಕಿ ಅಂಶಗಳು ತಿಳಿಸಿವೆ.
ಕಳೆದ ಏಪ್ರಿಲ್‌ನಲ್ಲಿ ಸಗಟು ಹಣದುಬ್ಬರ 13.11% ಇತ್ತು. ಸತತ 14 ತಿಂಗಳುಗಳಿಂದ ಎರಡಂಕಿಯನ್ನು ದಾಟಿದೆ. ಇದು ಕಳೆದ 30 ವರ್ಷಗಳಲ್ಲಿಯೇ ಗರಿಷ್ಠ ಪ್ರಮಾಣದ ಹಣದುಬ್ಬರವಾಗಿದೆ.
ಮೇನಲ್ಲಿ ಚಿಲ್ಲರೆ ಹಣದುಬ್ಬರ 7.79% ರಿಂದ 7.04%ಕ್ಕೆ ಇಳಿಕೆಯಾಗಿತ್ತು. ಆಹಾರ ವಸ್ತುಗಳು ಮತ್ತು ಕಚ್ಚಾ ವಸ್ತುಗಳ ದರ ಹೆಚ್ಚಳದ ಪರಿಣಾಮ ಸಗಟು ಹಣದುಬ್ಬರ ಏರಿಕೆಯಾಗಿತ್ತು. ಮೇನಲ್ಲಿ ತರಕಾರಿಗಳ ಹಣದುಬ್ಬರ 40.62%, ಉತ್ಪಾದಿತ ವಸ್ತುಗಳ ದರ 11% ಹೆಚ್ಚಳವಾಗಿತ್ತು.
2022ರಲ್ಲಿ ಸಗಟು ಹಣದುಬ್ಬರ ಏರಿದ್ದು ಹೀಗೆ
| ಜನವರಿ | 12.96% |
| ಫೆಬ್ರವರಿ | 13.11% |
| ಮಾರ್ಚ್ | 14.55% |
| ಏಪ್ರಿಲ್ | 15.08 |
| ಮೇ | 15.88% |
ಇದನ್ನೂ ಓದಿ: GOOD NEWS: ಮೇನಲ್ಲಿ ಚಿಲ್ಲರೆ ಹಣದುಬ್ಬರ 7.04%ಕ್ಕೆ ಇಳಿಕೆ, ತೆರಿಗೆ ಕಟ್‌ ಎಫೆಕ್ಟ್