ಪಟನಾ: ಟ್ಯೂಷನ್ ತರಗತಿ ಮುಗಿಸಿ, ಮುಂಜಾನೆ 8ಗಂಟೆ ಹೊತ್ತಿಗೆ ವಾಪಸ್ ಮನೆಗೆ ಬರುತ್ತಿದ್ದ 16 ವರ್ಷದ ವಿದ್ಯಾರ್ಥಿನಿಯ ಮೇಲೆ ಗುಂಡಿನ ದಾಳಿಯಾಗಿದೆ. ಬಿಹಾರದ ಸಿಪಾರಾ ಎಂಬಲ್ಲಿ ಆಗಸ್ಟ್ 17ರಂದು ಘಟನೆ ನಡೆದಿದ್ದು, ಅಲ್ಲಿಯೇ ಇದ್ದ ಸಿಸಿಟಿವಿ ಕ್ಯಾಮರಾದಲ್ಲಿ ದೃಶ್ಯ ಸೆರೆಯಾಗಿದೆ. ಆರೋಪಿ ಹಿಂದಿನಿಂದ ಬಂದು ಸರಿಯಾಗಿ ಆಕೆಯ ಕುತ್ತಿಗೆಗೆ ಗುಂಡು ಹಾರಿಸಿದ್ದಾನೆ. ಸದ್ಯ ವಿದ್ಯಾರ್ಥಿನಿ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದು, ಪರಿಸ್ಥಿತಿ ಗಂಭೀರವಾಗಿದೆ. ಈ ವಿಡಿಯೋ (Shocking Video) ವೈರಲ್ ಆಗುತ್ತಿದೆ.
ಅಲ್ಲೊಬ್ಬ ವ್ಯಕ್ತಿ ಕೈಯಲ್ಲೊಂದು ಚೀಲ ಹಿಡಿದು ಬಂದು ಒಂದು ರಸ್ತೆ ಬದಿಗೆ ನಿಂತಿರುತ್ತಾನೆ. ಅದೇ ಮಾರ್ಗದಲ್ಲಿ ಆ ಹುಡುಗಿಯೂ ಬರುತ್ತಾಳೆ. ಆಕೆ ಮುಂದೆ ಹೋಗುತ್ತಿದ್ದಂತೆ ಈತ ಅವಳ ಹಿಂದೇ ಹೋಗಿ ಹಿಂದಿನಿಂದ ಗುಂಡು ಹಾರಿಸುತ್ತಾನೆ. ಆಕೆ ಕೆಳಗೆ ಬೀಳುತ್ತಿದ್ದಂತೆ ಓಡಿ ಹೋಗುತ್ತಾನೆ. ಅದೊಂದು ಜನನಿಬಿಡ ಸ್ಥಳ ಆಗಿದ್ದರಿಂದ ಅಷ್ಟು ಬೇಗ ಯಾರ ಗಮನಕ್ಕೂ ಬಂದಿಲ್ಲ. ಈ ಹುಡುಗಿ ತರಕಾರಿ ವ್ಯಾಪಾರಿಯೊಬ್ಬನ ಪುತ್ರಿ ಎಂದು ಹೇಳಲಾಗಿದ್ದು, ಲವ್ ಅಫೇರ್ ಕಾರಣ ಇರಬಹುದು ಎಂದು ಪಟನಾ ಪೊಲೀಸರು ಅಂದಾಜಿಸಿದ್ದಾರೆ. ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ: Viral Video | ಕೊಳಕ್ಕೆ ಬಿದ್ದ ಮರಿಯಾನೆ ರಕ್ಷಿಸಿದ ಆನೆಗಳು; ಬೇಲಿಯಾಚೆಗಿದ್ದ ಆನೆಗೆ ಇನ್ನಿಲ್ಲದ ತಳಮಳ !