ನವದೆಹಲಿ: ಪಂಜಾಬ್‌ನಲ್ಲಿ ಕಳೆದ ಭಾನುವಾರ ನಡೆದ ಖ್ಯಾತ ಗಾಯಕ ಸಿಧು ಮೋಸೆವಾಲಾ ಅವರ ಹತ್ಯೆಗೆ ಹಂತಕರು ಬಳಸಿದ AN-94 ರೈಫಲ್‌, ಎಕೆ-47 ಕ್ಕಿಂತಲೂ ಅಪಾಯಕಾರಿ.
ಗ್ಯಾಂಗ್‌ವಾರ್‌ಗಳಲ್ಲಿ ಇದೇ ಮೊದಲ ಸಲ ಈ ಮಾರಕಾಸ್ತ್ರದ ಬಳಕೆಯಾಗಿದೆ. ಈ ಅಪಾಯಕಾರಿ ರೈಫಲ್‌, ಕೇವಲ 2 ನಿಮಿಷಗಳಲ್ಲಿ 30 ರೌಂಡ್‌ ಗುಂಡುಗಳನ್ನು ಸಿಡಿಸಬಲ್ಲುದು.
ವರದಿಗಳ ಪ್ರಕಾರ, ಹಂತಕರು ಸಿಧು ಮೂಸೆವಾಲದ ಭದ್ರತೆಗೆ ನಿಯೋಜಿತರಾಗಿದ್ದ ಕಮಾಂಡೊಗಳ ಬಳಿ ಎಕೆ 47 ಇರುವುದನ್ನು ಕಂಡ ಬಳಿಕ ಎಎನ್-94 ರೈಫಲ್‌ ಬೇಕೆಂದು ಗೋಲ್ಡಿ ಬ್ರಾರ್‌ಗೆ ತಿಳಿಸಿದ್ದರು. ಅದು ಸಿಕ್ಕಿದ ನಂತರ ಹತ್ಯೆಯ ಸ್ಕೆಚ್‌ ತಯಾರಾಗಿತ್ತು.
ಏನಿದು AN-94 ರೈಫಲ್‌ ?
ರೈಫಲ್‌ನಲ್ಲಿ AN ಎಂದರೆ Avtomat Nikonv (ಆಟೊಮ್ಯಾಟ್‌ ನಿಕೋವ್ನ್). 1994ರ ಮಾದರಿ. ಇದರ ಮುಖ್ಯ ವಿನ್ಯಾಸಗಾರ ಗೆನ್ಯಾಡಿ ನಿಕೊನೋವ್ ಹೆಸರಿಡಲಾಗಿದೆ. ಈತ ನಿಕೊನೋವ್ ಮೆಶೀನ್‌ ಗನ್‌ ಅನ್ನು ಅಭಿವೃದ್ಧಿಪಡಿಸಿದ್ದ. ಎಎನ್-94 ರೈಫಲ್‌ ತಯಾರಿಸಲು 1980 ರಲ್ಲಿ ಕೆಲಸ ಆರಂಭಿಸಿ 1994 ರಲ್ಲಿ ಮುಕ್ತಾಯಗೊಳಿಸಿದ.
1997ರಲ್ಲಿ ರಷ್ಯಾ ಸೇನೆಗೆ ಇದರ ಸೇರ್ಪಡೆಯಾಯಿತು. ಆದರೆ ಈಗಲೂ ಅದರ ಬಳಕೆ ಮುಂದುವರಿದಿದೆ.
AN-94 ರೈಫಲ್‌ ವಿಶೇಷತೆಗಳೇನು?
- AN-94 ರೈಫಲ್‌ ಮೂಲಕ ನಿಮಿಷಕ್ಕೆ 600 ರೌಂಡ್‌ ಗಳಷ್ಟು ಗುಂಡು ಹಾರಿಸಬಹುದು. ಆಟೊ ಮೋಡ್‌ನಲ್ಲಿ 1,800 ಬುಲೆಟ್‌ಗಳನ್ನು ಸಿಡಿಸಬಹುದು.
- ಸೆಕೆಂಡ್‌ಗೆ 900 ಮೀಟರ್‌ ವೇಗದಲ್ಲಿ ಬುಲೆಟ್‌ ಸಿಡಿಯುತ್ತದೆ. ಎಕೆ-೪೭ ರೈಫಲ್‌ನಲ್ಲಿ ಸೆಕೆಂಡ್‌ಗೆ 715 ಮೀಟರ್‌ ವೇಗ ಇರುತ್ತದೆ.
- ಈ ರೈಫಲ್‌ನ ಮ್ಯಾಗಜಿನ್‌ ಸಾಮರ್ಥ್ಯ 30-45 ಗುಂಡುಗಳಾಗಿದೆ. ಎಕೆ-ರೈಫಲ್‌ನಲ್ಲಿ ಇದೇ ರೀತಿ ಇದೆ.
- ಎಎನ್-94ರ ತೂಕ 3.85 ಕೆ.ಜಿ. ಗನ್‌ನ ಬ್ಯಾರಲ್‌ನ ಉದ್ದ 15.9 ಇಂಚು. 5.45-39 ಎಂಎಂ ಗುಂಡುಗಳು ಬಳಕೆಯಾಗುತ್ತವೆ.
- ರೈಫಲ್‌ನ ಪೂರ್ಣ ಪ್ರಮಾಣದ ಆಟೊ ಮೋಡ್‌ನಲ್ಲಿ ಎರಡು ಹಂತಗಳಲ್ಲಿ ಕೆಲಸ ಮಾಡುತ್ತದೆ. ಮೊದಲ ಎರಡು ಹಂತದಲ್ಲಿ ನಿಮಿಷಕ್ಕೆ 1,800 ರೌಂಡ್‌ ಗುಂಡು ಸಿಡಿಸಬಹುದು. ಬಳಿಕ ಉಳಿದ ಗುಂಡುಗಳು ನಿಮಿಷಕ್ಕೆ 600 ರೌಂಡ್‌ ನಂತೆ ಸಿಡಿಯುತ್ತದೆ.
- ಶೂಟರ್‌ ಟ್ರಿಗರ್‌ ಒತ್ತೊದೊಡನೆ ಇಡೀ ಗುಂಡಿನ ಸಿಡಿತ ತನ್ನಿಂತಾನೆ ನಡೆಯುತ್ತದೆ.
- ನಿರ್ವಹಣೆ ಸಮಸ್ಯಾತ್ಮಕ. ಇದನ್ನು ತಯಾರಿಸವುದು ಕೂಡ ಎಕೆ 47ಗಿಂತಲೂ ದುಬಾರಿ.
- ಜಿಪಿ-30 ಗ್ರೆನೇಡ್‌ ಲಾಂಚರ್‌ಗೆ ಪೂರಕವಾಗಿ ಬಳಸಬಹುದು.
ಇದನ್ನೂ ಓದಿ: Sidhu MooseWala: ಪಂಜಾಬಿ ಸಿಂಗರ್ ಸಿಧು ಮೂಸೆವಾಲಾ ಗುಂಡಿಗೆ ಬಲಿ