ರಾಂಚಿ: ಪರೀಕ್ಷೆ ಬರೆದು ಮನೆಗೆ ಹೋದ ವಿದ್ಯಾರ್ಥಿನಿ ಬೆಂಕಿ ಹಚ್ಚಿಕೊಂಡಿದ್ದಾಳೆ. ಆಕೆಯ ಸ್ಥಿತಿ ಗಂಭೀರವಾಗಿದೆ. ಶಾಲೆಯಿಂದ ಮನೆಗೆ ಹೋದ ತಕ್ಷಣ ವಿದ್ಯಾರ್ಥಿನಿ ಬೆಂಕಿ ಹಚ್ಚಿಕೊಳ್ಳಲು ಕಾರಣ ಶಾಲೆಯಲ್ಲಿ ಶಿಕ್ಷಕ ಮಾಡಿದ ಅವಮಾನ ಎಂದು ಆಕೆ ಹೇಳಿಕೆ ನೀಡಿದ್ದು, ಸದ್ಯ ಶಿಕ್ಷಕನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
ಜಾರ್ಖಂಡ್ನ ಜೆಮ್ಶೆಡ್ಪುರ ನಿವಾಸಿಯಾದ ಈಕೆ 9ನೇ ತರಗತಿ ವಿದ್ಯಾರ್ಥಿನಿಯಾಗಿದ್ದು ಪರೀಕ್ಷೆಗೆ ಹಾಜರಾಗಿದ್ದಳು. ಆದರೆ ಶಿಕ್ಷಕನಿಗೆ ಆಕೆ ತನ್ನ ಬಟ್ಟೆಯ ಒಳಗೆ ಉತ್ತರಗಳನ್ನು ಬರೆಯಲಾದ ಚೀಟಿಗಳನ್ನು ಇಟ್ಟುಕೊಂಡು ಬಂದಿದ್ದಾಳೆ ಎಂದು ಅನುಮಾನ. ಹೀಗಾಗಿ ಶಿಕ್ಷಕ ಅವಳನ್ನು ಪರೀಕ್ಷಾ ಕೊಠಡಿಯ ಪಕ್ಕದ ಕೋಣೆಗೆ ಕರೆದು, ಬಟ್ಟೆ ಬಿಚ್ಚಿಸಿದ್ದ. ಇದರಿಂದ ಆಕೆ ತೀವ್ರವಾಗಿ ನೊಂದಿದ್ದಳು. ಅವಮಾನಿತಳಾಗಿದ್ದಳು. ಮನೆಗೆ ಬಂದು ತಾಯಿಯ ಬಳಿಯೂ ತನಗಾದ ಅಪಮಾನದ ಬಗ್ಗೆ ಹೇಳಿಕೊಂಡಿದ್ದಳು. ನನ್ನ ಕೈಯಲ್ಲಿ ಇದನ್ನು ಸಹಿಸಲು ಸಾಧ್ಯವಾಗುತ್ತಲೇ ಇಲ್ಲ ಎಂದು ಅತ್ತಿದ್ದಳು. ಅದಾಗಿ ಕೆಲವೇ ಹೊತ್ತಲ್ಲಿ ಬೆಂಕಿ ಹಚ್ಚಿಕೊಂಡಿದ್ದಾಳೆ ಎಂದು ಪೊಲೀಸರು ಘಟನೆ ಬಗ್ಗೆ ವಿವರಿಸಿದ್ದಾರೆ.
ಇದನ್ನೂ ಓದಿ: Love Jihad | ಗೆಳೆತನ ಮಾಡದಿದ್ದರೆ ಕಿಡ್ನ್ಯಾಪ್, ಜಾರ್ಖಂಡ್‌ನಲ್ಲಿ ಹಿಂದೂ ವಿದ್ಯಾರ್ಥಿನಿಯರಿಗೆ ಬೆದರಿಕೆ!