ರಾತ್ರಿಯಾಯಿತು ಎಂದರೆ ಸಾಕು ಈ ಸ್ಯಾಡಿಸ್ಟ್ ಪತಿ ತನ್ನ ಪತ್ನಿಗೆ ಡ್ರಗ್ಸ್ ಕೊಡುತ್ತಿದ್ದ (Man Drugged Wife). ಮೈಮೇಲೆ ಪ್ರಜ್ಞೆ ಇಲ್ಲದೆ ಬೆಡ್ ಮೇಲೆ ಮಲಗಿರುತ್ತಿದ್ದ ಆಕೆಯ ಕೋಣೆಗೆ ಪರಪುರುಷರನ್ನು ಕಳಿಸಿ, ಅತ್ಯಾಚಾರ ಮಾಡಿಸುತ್ತಿದ್ದ. ಇದು ಒಂದೆರಡು ದಿನಗಳ ಕತೆಯಲ್ಲ, ಬರೋಬ್ಬರಿ 10ವರ್ಷದಿಂದ ಇದನ್ನೇ ಕಾಯಕವನ್ನಾಗಿಸಿಕೊಂಡಿದ್ದ. ಅವನ ದುಡಿಮೆಯೇ ಇದಾಗಿತ್ತು. ಕಟ್ಟಿಕೊಂಡ ಪತ್ನಿಯೇ ಬಲಿಪಶು ಆಗಿದ್ದಳು. 10 ವರ್ಷದಲ್ಲಿ ಆ ಮಹಿಳೆ ಮೇಲೆ 51 ಮಂದಿ ರೇಪ್ ಮಾಡಿದ್ದಾರೆ. ಒಟ್ಟು 92 ಸಲ ಹೀಗೆ ಅತ್ಯಾಚಾರವಾಗಿದೆ. 26ವರ್ಷದವರಿಂದ ಹಿಡಿದು 73ವರ್ಷದವರೆಗಿನವರು ಆಕೆಯನ್ನು ತಮ್ಮ ಲೈಂಗಿಕ ಬಯಕೆಗೆ ಮನಸೋ ಇಚ್ಛೆ ಬಳಸಿಕೊಂಡಿದ್ದಾರೆ. ಸದ್ಯ ಸ್ಯಾಡಿಸ್ಟ್ ಗಂಡ ಅರೆಸ್ಟ್ ಆಗಿದ್ದಾನೆ.
ಆರೋಪಿ ಹೆಸರು ಡೊಮಿನಿಕ್ ಪಿ. ಫ್ರಾನ್ಸ್ನ ಮಾಝಾನ್ ಎಂಬಲ್ಲಿ ಇವನ ಮನೆಯಿದೆ. ಮನೆಯಲ್ಲಿ ಈತ ಮತ್ತು ಇವನ ಪತ್ನಿ ಮಾತ್ರ ಇದ್ದರು. ರಾತ್ರಿ ಊಟದಲ್ಲಿಯೇ ಪತ್ನಿಗೆ ಡ್ರಗ್ಸ್ ಬೆರೆಸಿ ಕೊಡುತ್ತಿದ್ದ. ಊಟವೊಂದು ಆದ ಮೇಲೆ ಅವಳು ಎಚ್ಚರ ತಪ್ಪುತ್ತಿದ್ದಳು ಅಥವಾ ಅರೆಬರೆ ಪ್ರಜ್ಞೆಯಲ್ಲಿ ಇರುತ್ತಿದ್ದಳು. ಗಂಡನಾದವನು ಮನೆಗೆ ‘ಅತಿಥಿ’ಗಳನ್ನು ಕರೆಯುತ್ತಿದ್ದ. 10ವರ್ಷಗಳಿಂದ ಇದೇ ನಡೆಯುತ್ತಿತ್ತು. ಇಷ್ಟು ವರ್ಷದಲ್ಲಿ ಇವನ ಮನೆಗೆ ಬಂದವರಲ್ಲಿ ಲಾರಿ ಡ್ರೈವರ್ಗಳು, ಅಗ್ನಿಶಾಮಕದಳದ ಸಿಬ್ಬಂದಿ, ಮುನ್ಸಿಪಲ್ ಕೌನ್ಸಿಲರ್, ಬ್ಯಾಂಕ್, ಐಟಿ ಉದ್ಯೋಗಿಗಳು, ಕಾರಾಗೃಹ ರಕ್ಷಣಾ ಸಿಬ್ಬಂದಿ, ನರ್ಸ್, ಪತ್ರಕರ್ತರೂ ಸೇರಿದ್ದಾರೆ. ಇವರು ತನ್ನ ಪತ್ನಿಯೊಂದಿಗೆ ಸೆಕ್ಸ್ ಮಾಡುತ್ತಿರುವ ವಿಡಿಯೊ, ಫೋಟೋ ಚಿತ್ರೀಕರಿಸಿ ಪೆನ್ಡ್ರೈವ್ನಲ್ಲಿ ಹಾಕಿಡುತ್ತಿದ್ದ. ಈ ಪೆನ್ಡ್ರೈವ್ನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಇದನ್ನೂ ಓದಿ: Liquor Consumption: ಬಡವನ ಕುಡಿತದ ವಾರ್ಷಿಕ ಲೆಕ್ಕಾಚಾರ ಇಲ್ಲಿದೆ! ದಿನಕ್ಕೆ ಆತನ ಸರಾಸರಿ ಖರ್ಚೆಷ್ಟು?
ಡೊಮಿನಿಕ್ ತುಂಬ ಚಾಲಾಕಿಯಾಗಿದ್ದ. ಮನೆಗೆ ಬಂದಾಗ ಆ ಅತಿಥಿಗಳು ತಂಬಾಕು ಸೇವನೆ ಮಾಡುವಂತಿರಲಿಲ್ಲ. ಪರ್ಫ್ಯೂಮ್ ಹಾಕಿಕೊಂಡು ಬರಬೇಡಿ ಎಂದು ಮೊದಲೇ ಹೇಳುತ್ತಿದ್ದ. ಕಾರಣ ಇಂಥ ವಾಸನೆಗಳಿಂದ ಪತ್ನಿಗೆ ಎಚ್ಚರ ಆಗುವ ಸಾಧ್ಯತೆ ಇರುತ್ತದೆ ಎಂಬುದು ಅವನ ಮುನ್ನೆಚ್ಚರಿಕೆ ಕ್ರಮವಾಗಿತ್ತು. ಆಕೆಯನ್ನು ಮುಟ್ಟುವ ಮುನ್ನ ಬಿಸಿಯಾದ ನೀರಿನಿಂದ ಕೈತೊಳೆದುಕೊಳ್ಳುವಂತೆ ಹೇಳುತ್ತಿದ್ದ. ಹಾಗೇ, ಕಿಚನ್ನಲ್ಲಿ ಬಟ್ಟೆ ಬಿಚ್ಚಿಡುವಂತೆ ಸೂಚನೆ ನೀಡುತ್ತಿದ್ದ. ಮನೆ ಬಳಿ ವಾಹನ ನಿಲ್ಲಿಸಬೇಡಿ, ಅಲ್ಲೇ ಸಮೀಪದಲ್ಲಿ ಇದ್ದ ಶಾಲೆಯ ಬಳಿ ನಿಲ್ಲಿಸಿ ಬನ್ನಿ. ಮನೆ ಹತ್ತಿರ ಗಾಡಿ ನಿಲ್ಲಿಸುವುದರಿಂದ ನೆರೆಹೊರೆಯವರಿಗೆ ಅನುಮಾನ ಬರುತ್ತದೆ ಎಂದು ಹೇಳುತ್ತಿದ್ದ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಆದರೂ ಈ ವಿಷಯ ತುಂಬ ದಿನ ಗುಟ್ಟಾಗಿ ಇರಲಿಲ್ಲ. ಈತ ಮಾಡಿದ್ದ ಕೆಲ ವಿಡಿಯೊ ತುಣುಕುಗಳು ವೈರಲ್ ಆಗಿದ್ದವು. ಪೊಲೀಸರು ತನಿಖೆ ಕೈಗೆತ್ತಿಕೊಂಡರು. ಇನ್ನು ಪತ್ನಿಯಂತೂ ವಿಷಯ ತಿಳಿದು ಭೂಮಿಗೆ ಇಳಿದು ಹೋಗಿದ್ದಾಳೆ. ಖಿನ್ನತೆಗೆ ಜಾರಿದ್ದಳು. ವಿಚ್ಛೇದನಕ್ಕಾಗಿ ಅರ್ಜಿಯನ್ನೂ ಸಲ್ಲಿಸಿದ್ದಾಳೆ.