ಬೆಂಗಳೂರು: ಕೇರಳದಿಂದ ಕೆಲಸದ ಮೇಲೆ ಬೆಂಗಳೂರಿಗೆ ಬಂದಿದ್ದ ಮಹಿಳಗೆ ರೂಮು ಕೊಡಿಸುತ್ತೇನೆಂದು ನಂಬಿಸಿ ಅತ್ಯಾಚಾರಕ್ಕೆ ಯತ್ನಿಸಿದ ಘಟನೆ ನಡೆದಿದೆ.
ಕಾಡುಗೋಡಿ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದು, ಗೋವರ್ಧನ (36) ಬಂಧಿತ ಅರೋಪಿ. ಕೇರಳದಿಂದ ಬಂದಿದ್ದ ಮಹಿಳೆಯನ್ನು ಮೆಜೆಸ್ಟಿಕ್‌ನಲ್ಲಿ ಗೋವರ್ಧನ ಪರಿಚಯ ಮಾಡಿಕೊಂಡಿದ್ದ. ತಂಗಲು ರೂಂ ಕೊಡಿಸುವಂತೆ ಮಹಿಳೆ ಕೇಳಿದ್ದರು. ಆ ವೇಳೆ ಪರಿಚಯಸ್ಥರ ಲಾಡ್ಜ್‌ನಲ್ಲಿ ತನ್ನದೇ ಹೆಸರಲ್ಲಿ ಗೋವರ್ಧನ ರೂಂ ಬುಕ್ ಮಾಡಿದ್ದ. ಬಳಿಕ ಮಹಿಳೆ ಹಾಗೂ ಆರೋಪಿ ಜೊತೆಯಲ್ಲೇ ಮೂರು ದಿನ ರೂಂನಲ್ಲಿ ತಂಗಿದ್ದರು. ನಾಲ್ಕನೇ ದಿನ ಮಹಿಳೆ ಮೇಲೆ ಈತ ಅತ್ಯಾಚಾರಕ್ಕೆ ಯತ್ನಿಸಿದ್ದ. ಕೂಡಲೇ 112ಕ್ಕೆ ಕರೆ ಮಾಡಿ ಮಹಿಳೆ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಸ್ಥಳಕ್ಕೆ ದೌಡಾಯಿಸಿದ ಪೊಲೀಸರು ಆರೋಪಿಯನ್ನು ಬಂಧಿಸಿ, ಮಹಿಳೆಯನ್ನು ರಕ್ಷಿಸಿದ್ದಾರೆ. ಮಹಿಳೆಯನ್ನು ವೈದ್ಯಕೀಯ ಪರೀಕ್ಷೆಗೊಳಪಡಿಸಿ ತನಿಖೆ ಮುಂದುವರಿಸಿದ್ದಾರೆ.
ಇದನ್ನೂ ಓದಿ | 5 ವರ್ಷದ ಬಾಲಕಿ ಮೇಲೆ ಅತ್ಯಾಚಾರ; ಆಟವಾಡುತ್ತಿದ್ದ ಮಗುವನ್ನು ಕಾಮುಕ ಎತ್ತಿಕೊಂಡು ಹೋದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆ