ಜೈಪುರ: ರಾಜಸ್ಥಾನದ ಭಿಲ್ವಾರಾ ಜಿಲ್ಲೆಯಲ್ಲಿ ಆಘಾತಕಾರಿ ಘಟನೆ (Shocking Incident) ನಡೆದಿದೆ. ಕೆಲವು ಪಾತಕಿಗಳು ಅಪಹರಿಸಿ ಅತ್ಯಾಚಾರಗೈದು (physical abuse) ಕೊಲೆ (murder case) ಮಾಡಿದ ಬಾಲಕಿಯ ಶವ ಸಂಸ್ಕಾರದ ಸಂದರ್ಭದಲ್ಲಿ ಈಕೆಯ ತಂದೆ ಆಘಾತ ತಡೆದುಕೊಳ್ಳಲಾಗದೆ ಮಗಳ ಚಿತೆಗೆ ಹಾರಿ ಪ್ರಾಣತ್ಯಾಗ ಮಾಡಲು ಯತ್ನಿಸಿದ್ದಾರೆ.
14 ವರ್ಷದ ಬಾಲಕಿ ಆಗಸ್ಟ್‌ 2ರಂದು ನಾಪತ್ತೆಯಾಗಿದ್ದಳು. ಕುಲುಮೆಯೊಂದರಲ್ಲಿ ಈಕೆಯ ಶವದ ಅವಶೇಷಗಳು ಪತ್ತೆಯಾಗಿದ್ದವು. ಈಕೆಯ ಮೇಲೆ ಅತ್ಯಾಚಾರ ಎಸಗಿ ಕೊಲೆ ಮಾಡಿರುವುದು ಗೊತ್ತಾಗಿತ್ತು. ಈ ಕೃತ್ಯ ಎಸಗಿದವರನ್ನು ಶೋಧಿಸಲಾಗುತ್ತಿದ್ದು, ಹತ್ತು ಮಂದಿಯನ್ನು ಈಗಾಗಲೇ ಬಂಧಿಸಲಾಗಿದೆ.
ಬಾಲಕಿಯ ಶವ ಸುಡುವ ವೇಳೆಗೆ ಆಘಾತ ತಡೆದುಕೊಳ್ಳಲಾಗದ ಮನನೊಂದ ತಂದೆ ಅದೇ ಚಿತೆಗೆ ಹಾರಿ ಸಾಯಲು ಯತ್ನಿಸಿದರು. ಕೂಡಲೇ ಅವರನ್ನು ಬೆಂಕಿಯಿಂದ ಎತ್ತಿ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಲಾಗಿದೆ.
ಪ್ರಕರಣ (Bhilwara incident) ಹೆಚ್ಚು ಸದ್ದು ಮಾಡುತ್ತಿರುವಂತೆ ಪೊಲೀಸರು ಎಚ್ಚೆತ್ತುಕೊಂಡಿದ್ದಾರೆ. ಪ್ರಕರಣದ ತನಿಖೆಯಲ್ಲಿ ನಿರ್ಲಕ್ಷ್ಯ ವಹಿಸಿ ಎಎಸ್‌ಐಯನ್ನು ಅಮಾನತು ಮಾಡಲಾಗಿದೆ. ಬಂಧಿತ ಹತ್ತು ಮಂದಿಯಲ್ಲಿ ಆರು ಮಂದಿ ಪುರುಷರು, ನಾಲ್ವರು ಮಹಿಳೆಯರು ಎಂದು ಗೊತ್ತಾಗಿದೆ. ಬಾಲಕಿ ದನ ಮೇಯಿಸುತ್ತ ಹೋದವಳು ನಾಪತ್ತೆಯಾಗಿದ್ದಳು. ಎರಡು ದಿನ ಬಳಿಕ ಆಕೆಯ ಶವ ಕಲ್ಲಿದ್ದಲು ಕುಲುಮೆಯಲ್ಲಿ ಪತ್ತೆಯಾಗಿತ್ತು.
ಈ ಪ್ರಕರಣ ರಾಜ್ಯಸಭೆಯಲ್ಲೂ ಸದ್ದು ಮಾಡಿತ್ತು. ಬಿಜೆಪಿಯ ಸಂಸದರು ರಾಜಸ್ಥಾನ ಮುಖ್ಯಮಂತ್ರಿಯನ್ನು ಟೀಕಿಸಿದ್ದರು.
ಇದನ್ನೂ ಓದಿ: Kerala Horror: 5 ವರ್ಷದ ಬಾಲಕಿ ಮೇಲೆ ಅತ್ಯಾಚಾರ, ಕೊಲೆ; ಅಶ್ಫಾಕ್‌ ಅಸ್ಲಾಂ ಎಂಬ ನೀಚನ ಬಂಧನ