ಪ್ರಶ್ನೆ: ನನಗೆ ಜೀವನದಲ್ಲಿ ಕಷ್ಟಪಟ್ಟು ಸಾಕಾಗಿ ಹೋಗಿದೆ. ನಾನು ಅಂದುಕೊಂಡಿದ್ದು,ಯಾವುದೂ ನಡೆಯುತ್ತಿಲ್ಲ. ಜೀವನವೇ ಬೇಡವೆನ್ನುವಷ್ಟು ಬೇಸರವಾಗಿದೆ. ನನಗೆ ದಾರಿ ತೋರಿಸಿ ಗುರೂಜಿ.
ರಾಶಿ: ಕುಂಭ ನಕ್ಷತ್ರ: ಶತಭಿಷ
ಪರಿಹಾರ: ಶತಭಿಷ ನಕ್ಷತ್ರಕ್ಕೆ ರಾಹುವಿನ ಸಂಪರ್ಕ ಇದೆ. ನಿಮ್ಮದು ಕುಂಭ ರಾಶಿ. ಲಗ್ನದಲ್ಲಿ ಶನಿ ಇದ್ದಾನೆ. ಶನಿ ಸಂಚಾರದ ಮಧ್ಯ ಭಾಗದಲ್ಲಿ ನೀವೀಗ ಇದ್ದೀರಿ. ದ್ವಿತೀಯದಲ್ಲಿ ಗುರು ಇರುವುದರಿಂದ ದೈವಾರಾಧನೆ ಮಾತ್ರವೇ ನಿಮ್ಮನ್ನು ಶನಿ ಕಾಟದಿಂದ ತಪ್ಪಿಸಿಕೊಳ್ಳಲು ನೆರವಾಗಬಲ್ಲದು. ನಿಮಗೆ ದೇವರೇ ಮಾರ್ಗ ತೋರಿಸಿ ನಿಮ್ಮ ಇಚ್ಛೆ ಪೂರೈಸುತ್ತಾನೆ. ಶನಿ ಸಂಚಾರದಲ್ಲಿ ಬಹುತೇಕವಾಗಿ ಎಲ್ಲ ಆಸೆಗಳು ಈಡೇರುವುದಿಲ್ಲ. ಆದರೆ ಮನಸ್ಸಿನಲ್ಲಿ ಆಸೆಗಳು ಮೂಡುವುದು ಸಹಜ. ಮತೊಬ್ಬರನ್ನು ನೋಡಿ ನಾನು ಏಕೆ ಅವರ ಹಾಗೆ ಇರಲು ಆಗುತ್ತಿಲ್ಲವಲ್ಲ ಎಂಬ ಸಂಕಟ ಕಾಡುತ್ತದೆ. ಇದೆಲ್ಲವೂ ಶನಿಕಾಟದ ಸಂದರ್ಭದಲ್ಲಿ ನಡೆಯುವಂತಹದ್ದೇ.
ನಿತ್ಯವೂ ಉಮಾ ಮಹೇಶ್ವರಿಯ ಕಥೆ ಪಾರಾಯಣ ಮಾಡಿ. ಗುರು ಚರಿತ್ರೆಯ 14ಅಧ್ಯಾಯ ನಿತ್ಯ ಓದುತ್ತಾ ಬನ್ನಿ. ʻಬೆಲ್ಲದ ಸವಿಯನ್ನು ಬೆಲ್ಲ ತಿಂದವನೇ ಬಲ್ಲʼ ಎಂಬ ಮಾತೊಂದಿಗೆಯಲ್ಲ, ಹಾಗೆಯೇ ನಾನು ಮೇಲೆ ಹೇಳಿದಂತೆ ನೀವು ಮಾಡಿದರೆ ದೇವರೇ ನಿಮಗೆ ಬೆಲ್ಲವನ್ನು, ನಿಮ್ಮ ದಣಿವು ನೀಗಿಸಲು ನೀರನ್ನು ಕೊಟ್ಟು ಕಾಪಾಡುತ್ತಾನೆ. ಶುಭವಾಗಲಿ.
ನೀವೂ ಪ್ರಶ್ನೆ ಕೇಳಬಹುದು…
ಇದು ವಿಸ್ತಾರನ್ಯೂಸ್‌ ನಿಮಗಾಗಿ ಪ್ರಾರಂಭಿಸಿರುವ ಅಂಕಣ. ಇಲ್ಲಿ ನೀವು ನಿಮ್ಮ ಭವಿಷ್ಯಕ್ಕೆ ಸಂಬಂಧಿಸಿದ ಯಾವುದೇ ರೀತಿಯ ಪ್ರಶ್ನೆಗಳನ್ನು ಕೇಳಬಹುದು. ಖ್ಯಾತ ಜ್ಯೋತಿಷಿ ರಾಜಗುರು ಬಿ.ಎಸ್‌. ದ್ವಾರಕನಾಥ್‌ ಅವರು ನಿಮ್ಮ ಒಂದು ಪ್ರಶ್ನೆಗೆ ಇಲ್ಲಿ ಉತ್ತರಿಸುತ್ತಾರೆ. ಪರಿಹಾರ ಸೂಚಿಸುತ್ತಾರೆ.
ನೀವು ನಿಮ್ಮ ಪ್ರಶ್ನೆಯನ್ನು ಜನ್ಮದಿನಾಂಕ, ಹುಟ್ಟಿದ ಸಮಯ (ಬೆಳಗ್ಗೆ/ಮಧ್ಯಾಹ್ನ/ರಾತ್ರಿ), ಹುಟ್ಟಿದ ಸ್ಥಳ, ರಾಶಿ-ನಕ್ಷತ್ರ ಅಥವಾ ಜಾತಕಗೊಂದಿಗೆ ಈ ಕೆಳಗಿನ ವಾಟ್ಸ್‌ ಆ್ಯಪ್ ಸಂಖ್ಯೆ ಅಥವಾ ಇ-ಮೇಲ್‌ ವಿಳಾಸಕ್ಕೆ ಕಳುಹಿಸಿಕೊಡಬಹುದು. ಸದ್ಯ ದಿನಕ್ಕೊಬ್ಬರ ಪ್ರಶ್ನೆಗೆ ರಾಜಗುರುಗಳು ಉತ್ತರ ನೀಡಲಿದ್ದು, ಅದನ್ನು ಇಲ್ಲಿ ಪ್ರಕಟಿಸಲಾಗುತ್ತದೆ.
ಗಮನಿಸಿ: ನಿಮ್ಮ ಹೆಸರು, ವಿಳಾಸ ಇತ್ಯಾದಿ ಮಾಹಿತಿಯನ್ನು ಬಹಿರಂಗಪಡಿಸಲಾಗುವುದಿಲ್ಲ.
ಪ್ರಶ್ನೆ ಕಳುಹಿಸಲು ವಾಟ್ಸ್‌ ಆ್ಯಪ್ ಸಂಖ್ಯೆ: 9481024181, ಇ-ಮೇಲ್‌ ವಿಳಾಸ: janasamparka@abhilashbc
ಗಮನಿಸಿ: ಜನ್ಮದಿನಾಂಕ, ರಾಶಿ, ನಕ್ಷತ್ರದ ಬಗ್ಗೆ ಸರಿಯಾದ ಮಾಹಿತಿ ನೀಡದಿರುವ, ಪ್ರಶ್ನೆ ನಿಖರವಾಗಿರದೇ ಇದ್ದಲ್ಲಿ ಉತ್ತರಿಸಲಾಗುವುದಿಲ್ಲ.
ಇದನ್ನೂ ಓದಿ: Ugadi Horoscope 2023 : ಯುಗಾದಿ ಭವಿಷ್ಯ; ಹೊಸ ಸಂವತ್ಸರದಲ್ಲಿ ಯಾವೆಲ್ಲಾ ರಾಶಿಗಳಿಗೆ ಶುಭಾಶುಭ ಫಲಗಳಿವೆ?