ಬೆಂಗಳೂರು: ವಿಜಯಯಾತ್ರೆ ಕೈಗೊಂಡಿರುವ ಶೃಂಗೇರಿಯ ಅನಂತಶ್ರೀವಿಭೂಷಿತ ಜಗದ್ಗುರು ಶ್ರೀ ವಿಧುಶೇಖರಭಾರತೀ ಮಹಾಸ್ವಾಮಿಗಳು ಸೋಮವಾರ ಮಠದ ಪರಮ ಭಕ್ತ, ಮಾಜಿ ಪ್ರಧಾನಿ ಎಚ್‌ ಡಿ ದೇವೇಗೌಡರ ನಿವಾಸಕ್ಕೆ ಭೇಟಿ ನೀಡಿದ್ದರು.
ಪರಮಪೂಜ್ಯರಿಗೆ ಪೂರ್ಣಕುಂಭ ಸ್ವಾಗತ ನೀಡಿದ ಮಾಜಿ ಪ್ರಧಾನಿ ದೇವೇಗೌಡರ ಕುಟುಂಬದ ಸದಸ್ಯರು, ಅಪಾರ ಗೌರವಗಳಿಂದ ಅವರನ್ನು ಬರಮಾಡಿಕೊಂಡರು.
ಈ ಸಂದರ್ಭದಲ್ಲಿ ದೇವೇಗೌಡರು ಮತ್ತು ಅವರ ಪತ್ನಿ ಚೆನ್ನಮ್ಮ ಶ್ರೀಗಳ ಪಾದಪೂಜೆ ನೆರವೇರಿಸಿ, ಆಶೀರ್ವಾದ ಪಡೆದುಕೊಂಡರು. ದೇವೇಗೌಡರ ಕುಟುಂಬದ ಸದಸ್ಯರು, ಶೃಂಗೇರಿ ಶ್ರೀ ಮಠದ ಆಡಳಿತಾಧಿಕಾರಿ ವಿ. ಆರ್‌. ಗೌರೀಶಂಕರ್‌ ಕೂಡ ಉಪಸ್ಥಿತರಿದ್ದರು.
ಶೃಂಗೇರಿ ಶ್ರೀ ಮಠದೊಂದಿಗೆ ನಿಕಟ ಸಂಪರ್ಕ ಹೊಂದಿರುವ ಮಾಜಿ ಪ್ರಧಾನಿಗಳು ಆಗಾಗ ಶ್ರೀ ಮಠಕ್ಕೆ ಭೇಟಿ ನೀಡುತ್ತಲೇ ಇರುತ್ತಾರೆ. ತಮ್ಮ ನಿವಾಸಕ್ಕೆ ಶ್ರೀಗಳು ಆಗಮಿಸಿರುವ ಕುರಿತು ಮಾಜಿ ಪ್ರಧಾನಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆ. ಶ್ರೀಗಳು ಹೀಗೆ ರಾಜಕಾರಣಿಗಳ ಮನೆಗೆ ಭೇಟಿ ನೀಡಿರುವುದು ಅತ್ಯಂತ ವಿರಳ ಎನ್ನಲಾಗಿದೆ.
ಇದನ್ನೂ ಓದಿ: ಅವನಿ ಶೃಂಗೇರಿ ಶಂಕರಾಚಾರ್ಯ ಮಠದ ನೂತನ ಪೀಠಾಧೀಪತಿಗಳ ಪಟ್ಟಾಭಿಷೇಕ