ನವದೆಹಲಿ: ಅಯೋಧ್ಯೆಯಲ್ಲಿ ಪ್ರಾಣಪತ್ರಿಷ್ಠಾಪನೆಗಾಗಿ ಕಾಯುತ್ತಿರುವ ಶ್ರೀ ರಾಮ ಮಂದಿರದಲ್ಲಿ ಚಿನ್ನದ ಬಾಗಿಲುಗಳನ್ನು ಸ್ಥಾಪಿಸುವ ಕಾರ್ಯ ಭರದಿಂದ ಸಾಗಿದೆ. ಏತನ್ಮಧ್ಯೆ, ಮೊದಲ ಚಿನ್ನದ ಬಾಗಿಲಿನ ಮೊದಲ ಚಿತ್ರ ಬಹಿರಂಗಗೊಂಡಿದೆ. ಈ ದ್ವಾರವು ರಾಮ್ ಲಾಲಾ ಅವರ ಗರ್ಭಗುಡಿಯ ಮುಖ್ಯ ಪ್ರವೇಶದ್ವಾರವಾಗಿದೆ. ಮಾಹಿತಿಯ ಪ್ರಕಾರ, ಮುಂದಿನ ಮೂರು ದಿನಗಳಲ್ಲಿ ಅಂತಹ ಇನ್ನೂ 13 ಬಾಗಿಲುಗಳು ಸ್ಥಾಪನೆಯಾಗಲಿವೆ. ರಾಮ ಮಂದಿರದ ಈ ಮೊದಲ ಬಾಗಿಲು ಸಾವಿರ ಕೆ.ಜಿ. ಚಿನ್ನ ಲೇಪಿತವಾಗಿದೆ.
The first gold door has been installed in Shri Ram Temple in Ayodhya, 13 more such doors to be installed in the next three days. #RamMandir #Ayodhya #AyodhyaDham #MandirSafaiKaSankalp pic.twitter.com/pruKUi9OD7
— DD News (@DDNewslive) January 9, 2024
ಶ್ರೀ ರಾಮ್ ಜನ್ಮಭೂಮಿ ದೇವಸ್ಥಾನದಲ್ಲಿ ಕೆತ್ತಿದ ಬಾಗಿಲುಗಳನ್ನು ಸ್ಥಾಪಿಸಲಾಗುತ್ತಿದೆ. ಬಾಗಿಲುಗಳ ಮೇಲೆ ವಿಷ್ಣು ಕಮಲ, ವೈಭವದ ಸಂಕೇತವಾದ ಗಜ ಅಂದರೆ ಆನೆ, ಶುಭಾಶಯ ಭಂಗಿಯಲ್ಲಿರುವ ದೇವಿಯ ಚಿತ್ರವನ್ನು ಕೆತ್ತಲಾಗಿದೆ. ಶ್ರೀ ರಾಮ್ ದೇವಾಲಯದ ಬಾಗಿಲುಗಳನ್ನು ಪ್ರಾಚೀನ ತೇಗದ ಮರಗಳಿಂದ ನಿರ್ಮಿಸಲಾಗಿದೆ. ಸೋಮವಾರ ಮಧ್ಯಾಹ್ನ 3.22 ಕ್ಕೆ ಮೊದಲ ಬಾಗಿಲನ್ನು ಸ್ಥಾಪಿಸಲಾಗಿದೆ. ಎಲ್ಲಾ ಬಾಗಿಲುಗಳನ್ನು ಈ ವಾರ ಸ್ಥಾಪಿಸಲಾಗುವುದು.
ರಾಮ್ ಲಲ್ಲಾಗೆ ಬೆಳ್ಳಿ ಸಿಂಹಾಸನ
ಶ್ರೀ ರಾಮ್ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ನ ಕಚೇರಿಯ ಉಸ್ತುವಾರಿ ಪ್ರಕಾಶ್ ಗುಪ್ತಾ ಇತ್ತೀಚೆಗೆ ಈ ಕುರಿತು ಸಂಕ್ಷಿಪ್ತ ಮಾಹಿತಿ ನೀಡಿದ್ದರು. ರಾಮ್ಲಲ್ಲಾ ದೇವಾಲಯವು 44 ಬಾಗಿಲುಗಳನ್ನು ಹೊಂದಿರುತ್ತದೆ. ಅದರಲ್ಲಿ 14 ಬಾಗಿಲುಗಳು ಚಿನ್ನದಿಂದ ಲೇಪನ ಹೊಂದಿರುವಂಥದ್ದ ಎಂದು ಹೇಳಿದ್ದರು. ಇದರೊಂದಿಗೆ 30 ಬಾಗಿಲುಗಳನ್ನು ಬೆಳ್ಳಿಯಿಂದ ಲೇಪಿಸಲಾಗುವುದು/ ಭಗವಾನ್ ರಾಮ್ ಲಾಲಾ ಸಿಂಹಾಸನವನ್ನು ಸಹ ಬೆಳ್ಳಿಯಿಂದ ಲೇಪಿಸಲಾಗುವುದು. ಭಗವಾನ್ ರಾಮ್ ಲಾಲಾ ಕುಳಿತುಕೊಳ್ಳುವ ಸ್ಥಳದಲ್ಲಿ, ಆ ಸಿಂಹಾಸನವನ್ನು ಬೆಳ್ಳಿ ಪದರದಿಂದ ಮಾಡಲಾಗಿದೆ ಎಂದು ಹೇಳಿದ್ದರು.
ಇದನ್ನು ಓದಿ : Ram Mandir : ಈಕೆ ಕಲಿಯುಗದ ಶಬರಿ; ಮಂದಿರ ಉದ್ಘಾಟನೆಯಂದು ಮೌನವ್ರತ ಮುರಿಯಲಿರುವ ದೇವಿ
ಭಕ್ತರು ಭಗವಾನ್ ರಾಮ್ ಲಾಲಾವನ್ನು ನೋಡಿದಾಗ, ಅವರು ದೂರದಿಂದ ಭಗವಾನ್ ರಾಮ್ ಲಾಲಾ ಅವರ ಅದ್ಭುತ ನೋಟವನ್ನು ಪಡೆಯುತ್ತಾರೆ, ಈ ರೀತಿಯಾಗಿ ಭಗವಾನ್ ರಾಮ್ ಲಾಲಾ ಸಿಂಹಾಸನವನ್ನು ಸಹ ಮಾಡಲಾಗಿದೆ. ದೇವಾಲಯದ ನಿರ್ಮಾಣ ಕಾರ್ಯದಲ್ಲಿ, ಗರ್ಭಗುಡಿ ಸಂಪೂರ್ಣವಾಗಿ ಪೂರ್ಣಗೊಂಡಿದೆ ಮತ್ತು ಮೊದಲ ಮಹಡಿಯಲ್ಲಿ 80% ರಷ್ಟು ಕೆಲಸ ಪೂರ್ಣಗೊಂಡಿದೆ.
ಒಂಚೂರು ಕಬ್ಬಿಣ ಬಳಸದೆ, ನಾಗರ ಶೈಲಿಯಲ್ಲಿ ರಾಮ ಮಂದಿರ ನಿರ್ಮಾಣ!
ಉತ್ತರ ಪ್ರದೇಶದ ಅಯೋಧ್ಯೆಯಲ್ಲಿ ರಾಮ ಮಂದಿರ (Ram Mandir) ಉದ್ಘಾಟನೆಗೆ ಭರದ ಸಿದ್ಧತೆಗಳು ನಡೆಯುತ್ತಿವೆ. ಜನವರಿ 22ರಂದು ರಾಮ ಲಲ್ಲಾ (Ram Lalla) ಪ್ರಾಣ ಪ್ರತಿಷ್ಠಾಪನೆ (Pran Pratishta) ಕಾರ್ಯಕ್ರಮ ನಡೆಯಲಿದೆ. ಹಿಂದೂಗಳ ಬಹುಬೇಡಿಕೆಯಂತೆ ನಿರ್ಮಾಣವಾಗುತ್ತಿರುವ ಈ ರಾಮ ಮಂದಿರವು ಸಾಕಷ್ಟು ವಿಶೇಷತೆಗಳನ್ನು ಹೊಂದಿದೆ. ನಾಗರ ಶೈಲಿಯ (Nagar Style Temple) ಈ ದೇವಸ್ಥಾನಕ್ಕೆ ಒಂಚೂರು ಕಬ್ಬಿಣವನ್ನು (No iron Used) ಬಳಸಿಲ್ಲ! ಒಟ್ಟು 71 ಎಕರೆಯಲ್ಲಿ ಮಂದಿರ ನಿರ್ಮಾಣವಾಗುತ್ತಿದೆ(Vistara explainer).
ಒಟ್ಟಾರೆಯಾಗಿ 71 ಎಕರೆ ಪ್ರದೇಶದಲ್ಲಿ ನಿರ್ಮಿಸಲಾದ ಭವ್ಯವಾದ ದೇವಾಲಯದ ಸಂಕೀರ್ಣವನ್ನು ಒಟ್ಟು ಆರು ಭಾಗಗಳಾಗಿ ವಿಂಗಡಿಸಲಾಗಿದೆ. ಇದರಲ್ಲಿ ಗರ್ಭಗುಡಿ ಮತ್ತು ಗುಣ ಮಂಟಪ, ರಂಗ ಮಂಟಪ, ನೃತ್ಯ ಮಂಟಪ, ಕೀರ್ತನೆಯ ಮಂಟಪ, ಪ್ರಾರ್ಥನಾ ಮಂಟಪಗಳಿವೆ. ಮೂರು ಮಹಡಿಯ ಈ ದೇಗಲದ ಪ್ರತಿ ಮಹಡಿಯು 19.5 ಅಡಿ ಎತ್ತರವಿದೆ. ಒಟ್ಟಾರೆ ದೇವಾಲಯವು 161 ಅಡಿ ಎತ್ತರವಿದೆ.
ಶ್ರೀ ರಾಮ ಜನ್ಮಭೂಮಿ ಟ್ರಸ್ಟ್ ಪ್ರಕಾರ, ಮೂರು ಅಂತಸ್ತಿನ ದೇವಾಲಯವನ್ನು ಸಾಂಪ್ರದಾಯಿಕ ನಾಗರ ಶೈಲಿಯಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಈ ದೇವಸ್ಥಾನದ ನಿರ್ಮಾಣದಲ್ಲಿ ಎಲ್ಲಿಯೂ ಕಬ್ಬಿಣವನ್ನು ಬಳಸುತ್ತಿಲ್ಲ. ದೇವಾಲಯವು ಪೂರ್ವದಿಂದ ಪಶ್ಚಿಮಕ್ಕೆ 380 ಅಡಿ ಉದ್ದವಿದ್ದು, 250 ಅಡಿ ಅಗಲವಿದೆ. 161 ಅಡಿ ಎತ್ತರವಿದೆ. ಸಂಕೀರ್ಣದಲ್ಲಿ ಒಟ್ಟು 392 ಕಂಬಗಳು 44 ಬಾಗಿಲುಗಳಿವೆ.