ಜೋಹಾನ್ಸ್‌ಬರ್ಗ್, ದಕ್ಷಿಣ ಆಫ್ರಿಕಾ: ಬ್ರಿಕ್ಸ್ ಶೃಂಗ ಸಭೆಯಲ್ಲಿ (BRICS Summit 2023) ಪಾಲ್ಗೊಳ್ಳಲು ದಕ್ಷಿಣ ಆಫ್ರಿಕಾಗೆ (South Afrca) ಆಗಮಿಸಿರುವ ಪ್ರಧಾನಿ ನರೇಂದ್ರ ಮೋದಿ (PM Narendra Modi) ಅವರಿಗೆ, ಇಲ್ಲಿನ ಭಾರತೀಯ ಸಮುದಾಯವು (Indian Community) ಸಾಂಪ್ರದಾಯಿಕ ರೀತಿಯಲ್ಲಿ, ಭರ್ಜರಿ ಸ್ವಾಗತವನ್ನು ನೀಡಿತು. ಗುರುವಾರದವರೆಗೆ ನಡೆಯಲಿರುವ ಈ ಬ್ರಿಕ್ಸ್ ಶೃಂಗದಲ್ಲಿ ಚೀನಾ(China), ಭಾರತ(India), ಬ್ರೆಜಿಲ್(Brazil), ರಷ್ಯಾ (Russia) ಮತ್ತು ದಕ್ಷಿಣ ಆಫ್ರಿಕಾದ (Leaders from BRICS Nations) ನಾಯಕರು ಪಾಲ್ಗೊಂಡು ಜಾಗತಿಕ ವಿಷಯಗಳ ಕುರಿತು ಚರ್ಚೆ ನಡೆಸಲಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್
Gratitude to South Africa’s Indian community for the special welcome in Johannesburg. pic.twitter.com/zSQmMrubWE
— Narendra Modi (@narendramodi) August 22, 2023
ಆತಿಥೇಯ ರಾಷ್ಟ್ರದ ಅಧ್ಯಕ್ಷರಾಗಿರುವ ದಕ್ಷಿಣ ಆಫ್ರಿಕಾದ ಸಿರಿಲ್ ರಾಮಫೋಸಾ (Cyril Ramaphosa) ಅವರು ಶೃಂಗಸಭೆಯ ಅಧ್ಯಕ್ಷರಾಗಿದ್ದಾರೆ. ಅವರ ಬ್ರೆಜಿಲ್ ಸಹವರ್ತಿ ಲುಲಾ ಡ ಸಿಲ್ವಾ, ಮೋದಿ ಮತ್ತು ಚೀನಾ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಅವರು ಇದರಲ್ಲಿ ಭಾಗವಹಿಸುತ್ತಿದ್ದಾರೆ. ‘R’ ಆಗಿರುವ ರಷ್ಯಾವನ್ನು ವಿದೇಶಾಂಗ ಸಚಿವ ಸೆರ್ಗೆ ಲಾವ್ರೊವ್ ಪ್ರತಿನಿಧಿಸಿದರೆ, ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ವರ್ಚುವಲ್ ಆಗಿ ಪಾಲ್ಗೊಳ್ಳಲಿದ್ದಾರೆ. ಈ ಬ್ರಿಕ್ಸ್ ಶೃಂಗ ಸಭೆಯಲ್ಲಿ ಈ ಐದು ರಾಷ್ಟ್ರಗಳ ಒಟ್ಟು 50ಕ್ಕೂ ಹೆಚ್ಚು ಮುಖಂಡರು ಪಾಲ್ಗೊಳ್ಳಲಿದ್ದಾರೆ.
Landed in Johannesburg a short while ago. Looking forward to the various deliberations and meetings with world leaders during the BRICS Summit over the next few days. pic.twitter.com/XzdeVySbFI
— Narendra Modi (@narendramodi) August 22, 2023
ಜೋಹಾನ್ಸ್‌ಬರ್ಗ್‌ನ ವಾಟರ್‌ಕ್ಲೋಫ್ ಏರ್ ಫೋರ್ಸ್ ಬೇಸ್‌ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ದಕ್ಷಿಣ ಆಫ್ರಿಕಾದ ಉಪ ಅಧ್ಯಕ್ಷ ಪಾಲ್ ಮಶಾಟೈಲ್ ಅವರು ಬರಮಾಡಿಕೊಂಡರು. ಅಲ್ಲಿ ಅವರಿಗೆ ವಿಧ್ಯುಕ್ತ ಗೌರವದ ಗೌರವವನ್ನು ಸಹ ನೀಡಲಾಯಿತು.
ಸ್ಥಳೀಯ ಭಾರತೀಯ ಸಮುದಾಯ ಹರ್ಷ
ಪ್ರಿಟೋರಿಯಾ ಹಿಂದೂ ಸೇವಾ ಸಮಾಜ ಮತ್ತು ಬಿಎಪಿಎಸ್ ಸ್ವಾಮಿನಾರಾಯಣ ಸಂಘಟನೆಯ ಸ್ಥಳೀಯ ಘಟಕದ ಕಾರ್ಯಕರ್ತರು ಸೇರಿದಂತೆ ಹೆಚ್ಚಿನ ಸಂಖ್ಯೆಯ ಭಾರತೀಯ ಸಮುದಾಯದ ಸದಸ್ಯರು ಪ್ರಧಾನ ಮಂತ್ರಿಯನ್ನು ಸ್ವಾಗತಿಸಿದರು. ನಂತರ ಅವರು ಪ್ರಮುಖ ಬ್ರಿಕ್ಸ್ ಶೃಂಗಸಭೆಯ ಸ್ಥಳವಾದ ಸ್ಯಾಂಡ್ಟನ್ ಸನ್ ಹೋಟೆಲ್‌ಗೆ ತೆರಳಿದರು. ಹೋಟೆಲ್‌ನಲ್ಲಿ, ರಾಷ್ಟ್ರೀಯ ಧ್ವಜಗಳು ಮತ್ತು ಸಂಗೀತ ವಾದ್ಯಗಳನ್ನು ಹೊತ್ತಿದ್ದ ಸ್ಥಳೀಯ ಮತ್ತು ವಲಸಿಗ ಭಾರತೀಯ ಸಮುದಾಯದ ಸದಸ್ಯರನ್ನು ಪ್ರಧಾನಿ ಮೋದಿ ಭೇಟಿಯಾದರು. ಈ ವೇಳೆ, ಜನರು ‘ಭಾರತ್ ಮಾತಾ ಕಿ ಜೈ’ ಘೋಷಣೆಗಳೊಂದಿಗೆ ಅವರನ್ನು ಸ್ವಾಗತಿಸಿದರು.
ಪ್ರಯಾಣದ ಮುಂಚೆ ಮೋದಿ ಟ್ವೀಟ್
“ದಕ್ಷಿಣ ಆಫ್ರಿಕಾದ ಜೊಹಾನ್ಸ್‌ಬರ್ಗ್‌ನಲ್ಲಿ ನಡೆಯುತ್ತಿರುವ ಬ್ರಿಕ್ಸ್ ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲು ದಕ್ಷಿಣ ಆಫ್ರಿಕಾಗೆ ತೆರಳುತ್ತಿದ್ದೇನೆ. ಜಾಗತಿಕ ವಿಷಯಗಳ ಕುರಿತು ಚರ್ಚಿಸಲು ಬ್ರಿಕ್ಸ್ ಸಭೆಯು ವೇದಿಕೆಯಾಗಲಿದೆ. ಹಲವು ಕ್ಷೇತ್ರಗಳ ಅಭಿವೃದ್ಧಿ ಕುರಿತು ಕೂಡ ಸಭೆಯಲ್ಲಿ ಚರ್ಚಿಸಲಾಗುತ್ತದೆ” ಎಂದು ಪ್ರಯಾಣ ಬೆಳೆಸುವ ಮೊದಲು ನರೇಂದ್ರ ಮೋದಿ ಅವರು ಸಾಮಾಜಿಕ ಜಾಲತಾಣವಾದ ಎಕ್ಸ್‌ನಲ್ಲಿ (ಟ್ವಿಟರ್‌) ಮಾಹಿತಿ ಹಂಚಿಕೊಂಡಿದ್ದಾರೆ.
ಚೀನಾ ಅಧ್ಯಕ್ಷ ಕ್ಸಿ ಜಿನ್‌ ಪಿಂಗ್‌ ಜತೆ ಮೋದಿ ಸಭೆ
ಪ್ರಧಾನಿ ನರೇಂದ್ರ ಮೋದಿ ಅವರು ಬ್ರಿಕ್ಸ್ ಶೃಂಗಸಭೆಯ ಮಧ್ಯೆಯೇ ಚೀನಾ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಅವರ ಜತೆ ದ್ವಿಪಕ್ಷೀಯ ಮಾತುಕತೆ ನಡೆಸಲಿದ್ದಾರೆ ಎಂದು ತಿಳಿದುಬಂದಿದೆ. ಹಾಗೆಯೇ, 2020ರಿಂದಲೂ ಲಡಾಕ್‌ ಗಡಿಯಲ್ಲಿ ಚೀನಾ ಸೃಷ್ಟಿಸಿರುವ ಗಡಿ ಬಿಕ್ಕಟ್ಟು, ಶಾಂತಿ ಸ್ಥಾಪನೆ, ಯಥಾಸ್ಥಿತಿ ಮುಂದುವರಿಕೆ ಸೇರಿ ಹಲವು ವಿಷಯಗಳ ಕುರಿತು ಚರ್ಚಿಸಲಿದ್ದಾರೆ ಎಂದು ತಿಳಿದುಬಂದಿದೆ. ಬ್ರಿಕ್ಸ್ ಸಭೆಯ ಬಳಿಕ ನರೇಂದ್ರ ಮೋದಿ ಅವರು ಆಗಸ್ಟ್‌ 25ರಂದು ಗ್ರೀಸ್‌ಗೆ ಭೇಟಿ ನೀಡಲಿದ್ದಾರೆ. ಗ್ರೀಸ್‌ ಪ್ರಧಾನಿ ಮಿಟ್ಸೊಟಾಕಿಸ್‌ (Mitsotakis) ಅವರೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಲಿದ್ದಾರೆ.
Special moments from the welcome at the airport in Johannesburg. pic.twitter.com/7PNWwbybDX
— Narendra Modi (@narendramodi) August 22, 2023
ಈ ಸುದ್ದಿಯನ್ನೂ ಓದಿ: BRICS Summit: ಬ್ರಿಕ್ಸ್ ಶೃಂಗಸಭೆ; ದಕ್ಷಿಣ ಆಫ್ರಿಕಾಗೆ ತೆರಳಿದ ಮೋದಿ, ಕ್ಸಿ ಜಿನ್ಪಿಂಗ್ ಜತೆ ಗಡಿ ಬಿಕ್ಕಟ್ಟು ಚರ್ಚೆ?
ಬ್ರೆಜಿಲ್, ರಷ್ಯಾ, ಭಾರತ, ಚೀನಾ ಹಾಗೂ ದಕ್ಷಿಣ ಆಫ್ರಿಕಾ ರಾಷ್ಟ್ರಗಳು ಸೇರಿ 2010ರಲ್ಲಿ ಬ್ರಿಕ್ಸ್ ಒಕ್ಕೂಟ ರಚಿಸಿವೆ. ಜೊಹಾನ್ಸ್‌ಬರ್ಗ್‌ನಲ್ಲಿ ನಡೆಯುವ ಶೃಂಗಸಭೆಯಲ್ಲಿ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರು ಆಗಮಿಸದೆ, ವರ್ಚ್ಯುವಲ್‌ ವೇದಿಕೆ ಮೂಲಕವೇ ಭಾಗವಹಿಸುವುದಾಗಿ ತಿಳಿಸಿದ್ದಾರೆ. 2019ರ ಬಳಿಕ ಇದೇ ಮೊದಲ ಬಾರಿಗೆ ಮುಖಾಮುಖಿಯಾಗಿ ಸಭೆ ನಡೆಯುತ್ತಿದೆ. ಕೊರೊನಾ ಹಿನ್ನೆಲೆಯಲ್ಲಿ ಕಳೆದ ಮೂರು ವರ್ಷಗಳಿಂದ ವರ್ಚ್ಯುವಲ್‌ ಆಗಿ ಬ್ರಿಕ್ಸ್ ಸಭೆ ನಡೆದಿದ್ದವು.