ಚೀನಾ: ಟೆಸ್ಲಾ ಕಂಪನಿಯ ವೈಟ್‌ ಟೆಸ್ಲಾ ಮಾಡೆಲ್‌ 3 ಕಾರಿನ ಮೇಲೆ ಬೃಹತ್‌ ಮರವೊಂದು ಬಿದ್ದರೂ ಕಾರು ಸ್ವಲ್ಪವೂ ಡ್ಯಾಮೇಜ್‌ ಆಗದೆ, ಚಾಲಕ ಕೂಡ ಯಾವುದೇ ಗಾಯಗಳಿಲ್ಲದೆ ಪಾರಾಗಿದ್ದಾನೆ. ಚೀನಾದ ಶಾಂಘೈನಲ್ಲಿ ಈ ಘಟನೆ ನಡೆದಿದೆ.
ಚೀನಾದ ಜನನಿಬಿಡ ರಸ್ತೆಯೊಂದರಲ್ಲಿ ಶುಕ್ರವಾರ ಬಿಳಿ ಬಣ್ಣದ ಟೆಸ್ಲಾ ಕಾರೊಂದು ಬರುವಾಗ ಏಕಾಏಕಿ ಬೃಹತ್‌ ಮರವೊಂದು ಕಾರಿನ ಮೇಲೆ ಬಿದ್ದಿತ್ತು. ಈ ವಿಡಿಯೊ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್‌ ವೈರಲ್‌ ಆಗಿದೆ.
ಇದನ್ನು ಓದಿ| ಧಾರವಾಡ ಭೀಕರ ಅಪಘಾತ ; ಓರ್ವ ಬಾಲಕಿ ದುರ್ಮರಣ
ಇನ್ನು ಈ ವಿಡಿಯೋ ನೋಡಿದ ಟೆಸ್ಲಾ ಕಂಪನಿ ಸಿಇಒ ಎಲನ್‌ ಮಸ್ಕ್‌ ಟೆಸ್ಲಾ ಮಾಡೆಲ್‌ 3 ಯುಎಸ್‌ಎಯ ರಾಷ್ಟ್ರೀಯ ಹೆದ್ದಾರಿ ಸಂಚಾರ ಸುರಕ್ಷತೆ ಆಡಳಿತವು ಇದುವರೆಗೂ ಪರೀಕ್ಷಿಸಿದ ಯಾವುದೇ ವಾಹನಕ್ಕಿಂತ ಕಡಿಮೆ ಗಾಯದ ಸಂಭವನೀಯತೆಯನ್ನು ಹೊಂದಿದೆ ಎಂದು ವರದಿ ಮಾಡಿದೆ ಎಂದು ಹೇಳಿಕೊಂಡಿದ್ದಾರೆ. ಅಲ್ಲದೆ ಈ ಮಾಡೆಲ್‌ 3 ಕಾರು ಹೊರತು ಪಡಿಸಿ ಬೇರೆ ಕಾರು ಆ ಸ್ಥಳದಲ್ಲಿದ್ದರೆ ಅಪಘಾತ ಗಂಭೀರ ಸ್ವರೂಪದಲ್ಲಿರುತ್ತಿತ್ತು. ಆದರೆ, ಟೆಸ್ಲಾ ಕಂಪನಿಯ ಕಾರು ಗಂಭೀರ ಅಪಘಾತವನ್ನು ತಡೆದಿದೆ. ಟೆಸ್ಲಾ ಮಾಡೆಲ್‌ 3 ವಿಶ್ವದ ಅತ್ಯಂತ ಸುರಕ್ಷಿತ ಕಾರು ಎಂದು ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.