ಅಂಕಾರಾ, ಟರ್ಕಿ: ಸಂಸತ್ತಿನಲ್ಲಿರುವಾಗಲೇ ಹೃದಯಾಘಾತವಾಗಿ (Heart Attack) ಸಂಸದರೊಬ್ಬರು (Turkish MP) ಮೃತಪಟ್ಟ ಘಟನೆ ಟರ್ಕಿಯ ರಾಜಧಾನಿ ಅಂಕಾರಾದಲ್ಲಿ (Anakara) ನಡೆದಿದೆ. ಇಸ್ರೇಲ್ ಬಗ್ಗೆ ಸರ್ಕಾರದ ನೀತಿಯನ್ನು ಟೀಕಿಸುವ ಭಾಷಣವನ್ನು ಮುಗಿಸಿದ ಬಳಿಕ ಅವರು ಹೃದಯಾಘಾತವಾಗಿ ಕುಸಿದು ಬಿದ್ದಿದ್ದರು. ಬಳಿಕ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೇ ಅವರು ಗುರುವಾರ ನಿಧನರಾದರು.
ವಿರೋಧ ಪಕ್ಷದ ಫೆಲಿಸಿಟಿ (ಸಾಡೆಟ್) ಪಕ್ಷದ, 54 ವರ್ಷದಹಸನ್ ಬಿಟ್ಮೆಜ್ ಮೃತಪಟ್ಟ ಸಂಸದರಾಗಿದ್ದಾರೆ. ಅವರನ್ನು ಅಂಕಾರಾ ಸಿಟಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ನಿಧನರಾದರು ಎಂದು ಆರೋಗ್ಯ ಸಚಿವ ಫಹ್ರೆಟಿನ್ ಕೋಕಾ ದೂರದರ್ಶನದಲ್ಲಿ ತಿಳಿಸಿದ್ದಾರೆ.
Turkish MP Hasan Bitmez talks sh*t about Israel then gets a heart attack and dies on the spot after saying Israel “can’t escape the wrath of Allah.” pic.twitter.com/xryKoJzyg4
— Diliman Abdulkader (@D_abdulkader) December 14, 2023
ಕೈರೋದ ಅಲ್ ಅಜರ್ ವಿಶ್ವವಿದ್ಯಾನಿಲಯದ ಪದವೀಧರರಾದ ಬಿಟ್ಮೆಜ್ ಅವರು ಇಸ್ಲಾಮಿಕ್ ಯೂನಿಯನ್ ಸಂಶೋಧನಾ ಕೇಂದ್ರದ ಅಧ್ಯಕ್ಷರಾಗಿದ್ದರು. ಈ ಹಿಂದೆ ಇಸ್ಲಾಮಿಕ್ ಸರ್ಕಾರೇತರ ಸಂಸ್ಥೆಗಳಿಗೆ ಕೆಲಸ ಮಾಡಿದ್ದರು ಎಂದು ಅವರ ಸಂಸತ್ತಿನ ಪರಿಚಯ ಪತ್ರದಲ್ಲಿ ತಿಳಿಸಲಾಗಿದೆ. ಮದುವೆಯಾಗರುವ ಬಟ್ಮೆಜ್ ಅವರಗೆ ಒಂದು ಮಗು ಕೂಡ ಇದೆ.
ಮಂಗಳವಾರ ಸಾಮಾನ್ಯ ಸಭೆಯ ಮೊದಲು ವೇದಿಕೆಯಲ್ಲಿ ನಿಂತಿದ್ದ ಬಿಟ್ಮೆಜ್ ಹಠಾತ್ ನೆಲಕ್ಕೆ ಕುಸಿದು ಬೀಳುವ ವಿಡಿಯೋವನ್ನು ಸಂಸತ್ತಿನ ಅಧಿಕೃತ ಬ್ರಾಡ್‌ಕಾಸ್ಟ್ ಪ್ರಸರಾ ಮಾಡಿದೆ. ಗಾಜಾದಲ್ಲಿ ಯುದ್ಧ ನಿರತವಾಗಿರುವ ಇಸ್ರೇಲ್ ಜತೆ ವ್ಯಾಪಾರ ವಹಿವಾಟು ಮುಂದುವರಿಸಿರುವ ಅಧ್ಯಕ್ಷ ತಯ್ಯಿಪ್ ಎರ್ಡೊಗನ್ ಅವರ ಆಡಳಿತಾರೂಢ ಎಕೆ ಪಕ್ಷವನ್ನು (ಎಕೆಪಿ) ಅವರು ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡಿದ್ದರು.
ನೀವು ಹಡಗುಗಳನ್ನು ಇಸ್ರೇಲ್‌ಗೆ ಹೋಗಲು ಅನುಮತಿಸುತ್ತೀರಿ ಮತ್ತು ನೀವು ಅದನ್ನು ನಾಚಿಕೆಯಿಲ್ಲದೆ ವ್ಯಾಪಾರ ಎಂದು ಕರೆಯುತ್ತೀರಿ… ನೀವು ಇಸ್ರೇಲ್‌ನ ಸಹಚರರು ಎಂದು ವೇದಿಕೆಯ ಮೇಲೆ ಕೊಲೆಗಾರ ಇಸ್ರೇಲ್; ಸಹಯೋಗಿ ಎಕೆಪಿ ಎಂಬ ಒಕ್ಕಣಿಕೆಯುಳ್ಳ ಬ್ಯಾನರ್ ಅನ್ನು ಇರಿಸಿದ ಬಿಟ್ಮೆಜ್ ಉಗ್ರ ಭಾಷಣ ಮಾಡಿದ್ದರು.
ನಿಮ್ಮ ಕೈಗೆ ಪ್ಯಾಲೆಸ್ತೀನಿಯರ ರಕ್ತ ಮೆತ್ತಿದೆ. ಅವರು ಇಸ್ರೇಲಿಗಳ ಸಹಯೋಗಿಗಳು. ಗಾಜಾದ ಮೇಲೆ ಇಸ್ರೇಲ್ ಸಿಡಿಸುವ ಪ್ರತಿ ಬಾಂಬ್‌ಗೂ ನಿಮ್ಮ ಕೊಡುಗೆ ಇದೆ ಎಂದು ಬಿಟ್ಮೇಜ್ ಅವರು, ವಿದೇಶಿ ಸಚಿವಾಲಯ 2024ರ ಬಜೆಟ್‌ ಕುರಿತಾದ ಭಾಷಣದಲ್ಲಿ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡಿದ್ದರು.
ಭಾಷಣವನ್ನು ಮುಗಿಸಿದ ನಂತರ, ಬಿಟ್ಮೆಜ್ ಇದ್ದಕ್ಕಿದ್ದಂತೆ ನೆಲದ ಮೇಲೆ ಕುಸಿದು ಬಿದ್ದರು. ಆಗ ಇತರ ಸಂಸದರು ಸಹಾಯ ಮಾಡಲು ತಮ್ಮ ಸ್ಥಾನಗಳಿಂದ ಧಾವಿಸಿದರು. ಬಳಿಕ ಅವರಿಗೆ ಕೂಡಲೇ ಚಿಕಿತ್ಸೆ ನೀಡಲಾಯಿತು. ಆಂಜಿಯೋಗ್ರಾಫಿ ವೇಳೆ ಅವರ ಹೃದಯದ ಎರಡು ರಕ್ತ ನಾಳ ಸಂಪೂರ್ಣವಾಗಿ ಬ್ಲಾಕ್ ಆಗಿರುವುದು ಪತ್ತೆಯಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಸುದ್ದಿಯನ್ನೂ ಓದಿ: Parliament Winter Session: ಕಾಂಗ್ರೆಸ್‌ನ ಐವರು ಸಂಸದರು ಲೋಕಸಭೆ ಅಧಿವೇಶನದಿಂದ ಅಮಾನತು