ಕೆಲವು ಪ್ರೇಮಿಗಳು ಸೈಕೋಗಳಂತೆ ವರ್ತಿಸುವುದು ಹೊಸದಲ್ಲ. ಹಾಗೇ, ಯುಎಸ್ನ ಟೆಕ್ಸಾಸ್ನಲ್ಲಿ 23 ವರ್ಷದ ಯುವತಿಯೊಬ್ಬಳು ಅದೇ ರೀತಿ ವರ್ತಿಸಿದ್ದಾಳೆ. ತಡರಾತ್ರಿ ತನ್ನ ಪ್ರಿಯಕರನ ಮನೆಗೆ ನುಗ್ಗಿ, ಹಲವು ಅಮೂಲ್ಯ ವಸ್ತುಗಳನ್ನು ಕದ್ದ ಬಳಿಕ, ಅವನ ಮನೆಗೆ ಬೆಂಕಿ ಹಚ್ಚಿದ್ದಾಳೆ. ಈಕೆ ಹೆಸರು ಸೆನೈಡಾ ಮೇರಿ ಸೋಟೋ ಎಂದಾಗಿದ್ದು, ಆಕೆಯನ್ನೀಗ ಬೆಕ್ಸಾರ್ ಕೌಂಟಿ ಪೊಲೀಸರು ಬಂಧಿಸಿದ್ದಾರೆ.
ಸೋಟೋ ತನ್ನ ಬಾಯ್ಫ್ರೆಂಡ್ಗೆ ವಿಡಿಯೊ ಕಾಲ್ ಮಾಡಿದ್ದಾಳೆ. ಆಗ ಇನ್ನೊಬ್ಬಳು ಮಹಿಳೆ ಅದನ್ನು ರಿಸೀವ್ ಮಾಡಿ, ಉತ್ತರಿಸಿದ್ದಾಳೆ. ಅಷ್ಟಕ್ಕೇ ಸಿಟ್ಟಾದ ಸೋಟೋ ತನ್ನ ಪ್ರಿಯಕರನ ಮನೆಗೆ ಹೋಗಿ, ಬೆಂಕಿ ಹಚ್ಚಿದ್ದಾಳೆ. ಇದು ಆಕೆಯ ಅಸೂಯೆಯ ಪರಿಣಾಮ. ಆದರೆ ವಾಸ್ತವದಲ್ಲಿ ಸೋಟೋ ಕರೆಗೆ ಉತ್ತರಿಸಿದ್ದು ಆ ಹುಡುಗನ ಸಂಬಂಧಿಯಾಗಿದ್ದರು ಅಷ್ಟೇ, ಅವರಿಬ್ಬರ ಮಧ್ಯೆ ಇನ್ನೇನೂ ಇಲ್ಲ ಎಂಬುದು ಗೊತ್ತಾಗಿದೆ ಎಂದೂ ಪೊಲೀಸರು ಮಾಹಿತಿ ನೀಡಿದ್ದಾರೆ.
ಸೋಟೋ ತಡರಾತ್ರಿ ಆತನ ಮನೆಗೆ ನುಗ್ಗಿದ್ದಾಳೆ. ಆ ಹೊತ್ತಲ್ಲಿ ಆಕೆಯ ಬಾಯ್ಫ್ರೆಂಡ್ ಇರಲಿಲ್ಲ. ಮೊದಲು ಬೆಡ್ರೂಮ್ನ ಮಂಚಕ್ಕೆ ಬೆಂಕಿ ಇಟ್ಟಿದ್ದಾಳೆ. ಅದು ಬಳಿಕ ಇಡೀ ಮನೆಗೆ ಆವರಿಸಿ, ಕುರ್ಚಿಗಳೆಲ್ಲ ಸುಟ್ಟುಹೋಗಿವೆ. ಅದನ್ನು ಅವಳು ಹೊರಗೆ ನಿಂತು ವಿಡಿಯೊ ಮಾಡಿಕೊಂಡು, ಆ ವಿಡಿಯೊವನ್ನು ಬಾಯ್ಫ್ರೆಂಡ್ಗೆ ಕಳಿಸಿದ್ದಾಳೆ. ಆತನ ಮನೆಯಲ್ಲಿ ಈಕೆ ಹಚ್ಚಿದ ಬೆಂಕಿಯಿಂದ 50 ಸಾವಿರ ಡಾಲರ್ಗಳಷ್ಟು ನಷ್ಟವಾಗಿದೆ ಎಂದೂ ಪೊಲೀಸರು ಹೇಳಿದ್ದಾರೆ. ಸದ್ಯ ಅವಳನ್ನು ಬಂಧಿಸಿ, ವಿಚಾರಣೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ: Viral News | ನರೇಂದ್ರ ಮೋದಿ ಸುಂದರ ಕಲಾಕೃತಿ ರಚಿಸಿದ ನಟ ಮಯೂರ್‌ ವಕಾನಿ, ಅದ್ಭುತ ಎಂದ ಜನ