ಚಿಕ್ಕಬಳ್ಳಾಪುರ: ಜಲಾಶಯ ನೋಡಲು ಆಗಮಿಸಿದ್ದ ಬಿಕಾಂ ವಿದ್ಯಾರ್ಥಿಗಳಿಬ್ಬರು ಹೋಗುತ್ತಿದ್ದ ಬೈಕ್‌ ನಗರದ ವಾಪಸಂದ್ರ ಸೇತುವೆ ಕೆಳಗಡೆ (Accident Case) ಅಪಘಾತಕ್ಕೀಡಾಗಿದ್ದು, ವಿದ್ಯಾರ್ಥಿನಿ ಸ್ಥಳದಲ್ಲೇ ಮೃತಪಟ್ಟಿದ್ದರೆ, ಇನ್ನೊಬ್ಬನ ಸ್ಥಿತಿ ಗಂಭೀರವಾಗಿದೆ.
ಶೇಷಾದ್ರಿಪುರಂ ಕಾಲೇಜಿನ ಪ್ರಥಮ ವರ್ಷದ ಬಿಕಾಂ ವಿದ್ಯಾರ್ಥಿನಿ ಚೈತ್ರ ಮೃತಪಟ್ಟಿದ್ದು, ಸ್ನೇಹಿತ ಲಿಖಿತ್‌ ಗೌಡ ಸ್ಥಿತಿ ಚಿಂತಾಜನಕವಾಗಿದ್ದು, ಆಸ್ಪತ್ರೆಗೆ ಸಾಗಿಸಲಾಗಿದೆ. ಶ್ರೀನಿವಾಸ ಸಾಗರ ಜಲಾಶಯ ನೋಡಲು ಇವರಿಬ್ಬರು ಆಗಮಿಸಿದ್ದರು ಎನ್ನಲಾಗಿದ್ದು, ಜಲಾಶಯ ವೀಕ್ಷಣೆ ಮಾಡಿ ಬೆಂಗಳೂರಿನತ್ತ ವಾಪಸಾಗುವಾಗ ದುರ್ಘಟನೆ ಸಂಭವಿಸಿದೆ. ಕಾಲೇಜಿಗೆ ಬಂಕ್‌ ಮಾಡಿ ಇಬ್ಬರೂ ಬಂದಿದ್ದರು ಎಂದು ತಿಳಿದುಬಂದಿದೆ.
ಸ್ಕೂಟಿಯಲ್ಲಿ ಲಿಖಿತ್‌ ಗೌಡ ಹಾಗೂ ಚೈತ್ರ ತೆರಳುತ್ತಿದ್ದರು. ಈ ವೇಳೆ ಇವರು ರಾಷ್ಟ್ರೀಯ ಹೆದ್ದಾರಿಗೆ ಪ್ರವೇಶಿಸಿದ್ದಾರೆ. ಆದರೆ, ಅದೇ ವೇಳೆ ಇನ್ನೊಂದು ಬದಿಯಿಂದ ಬರುತ್ತಿದ್ದ ವಾಹನವನ್ನು ಗಮನಿಸಿಲ್ಲ ಎನ್ನಲಾಗಿದೆ. ಹೀಗಾಗಿ ವೇಗವಾಗಿ ಬಂದ ಟಿಪ್ಪರ್ ಡಿಕ್ಕಿಯಾಗಿದ್ದು, ಚೈತ್ರಾ ಮೈಮೇಲೆ ಹರಿದಿದೆ ಎನ್ನಲಾಗಿದೆ. ಚೈತ್ರ ಸ್ಥಳದಲ್ಲಿಯೇ ಮೃತಪಟ್ಟಿದ್ದರೆ, ಲಿಖಿತ್‌ ತೀವ್ರವಾಗಿ ಗಾಯಗೊಂಡಿದ್ದಾರೆ. ಚಿಕ್ಕಬಳ್ಳಾಪುರ ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ | Bellary Accident | ಕಾಲುವೆಗೆ ರಿಕ್ಷಾ ಪಲ್ಟಿ ಪ್ರಕರಣ; ನಾಪತ್ತೆಯಾಗಿದ್ದ ಹುಲಿಗೆಮ್ಮ ಮೃತದೇಹ ಪತ್ತೆ!