ಬೆಂಗಳೂರು: ಚಿತ್ರನಟ ಕಿಚ್ಚ ಸುದೀಪ್‌ (kiccha sudeep) ಅವರು ಸಿಎಂ ಬಸವರಾಜ ಬೊಮ್ಮಾಯಿ ಅವರಿಗೆ ಬೆಂಬಲವಾಗಿ ಪ್ರಚಾರ ಮಾಡುತ್ತಾರೆ, ಪಕ್ಷದ ನಿರ್ದೇಶನದಂತೆ ಅಲ್ಲ ಎಂಬ ಮಾತಿನ ನಡುವೆಯೇ ಬಿಜೆಪಿ ವತಿಯಿಂದಲೇ ಸುದೀಪ್‌ ಪ್ರವಾಸವನ್ನು ಆಯೋಜಿಸಲಾಗಿದೆ.
ಈ ಕುರಿತು ಬಿಜೆಪಿ ಪ್ರವಾಸ ವೇಳಾಪಟ್ಟಿ ಬಿಡುಗಡೆ ಮಾಡಿದ್ದು, ಬುಧವಾರ ಒಂದೇ ದಿನ ರಾಜ್ಯದ ಆರು ಬಿಜೆಪಿ ಅಭ್ಯರ್ಥಿಗಳ ಪರವಾಗಿ ಬಿರುಸಿನ ಪ್ರಚಾರ ನಡೆಸಲಿದ್ದಾರೆ.
- ಬೆಳಗ್ಗೆ 10.50ಕ್ಕೆ ಚಿತ್ರದುರ್ಗದ ಮೊಳಕಾಲ್ಮೂರಿಗೆ ಹೆಲಿಕಾಪ್ಟರ್‌ ಮೂಲಕ ತೆರಳಲಿದ್ದಾರೆ.
- 10.55-11.40ರವರೆಗೆ ಮೊಳಕಾಲ್ಮೂರು ಅಭ್ಯರ್ಥಿ ಎಸ್‌. ತಿಪ್ಪೆಸ್ವಾಮಿ ರೋಡ್‌ ಶೋ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.
- 12.30-1.15ರವರೆಗೆ ದಾವಣಗೆರೆ ಜಿಲ್ಲೆಯ ಜಗಳೂರಿನಲ್ಲಿ ಅಭ್ಯರ್ಥಿ ಎಸ್‌.ವಿ. ರಾಮಚಂದ್ರ ಪರ ರೋಡ್‌ಶೋನಲ್ಲಿ ಭಾಗವಹಿಸಲಿದ್ದಾರೆ.
- ಮದ್ಯಾಹ್ನ 3.10-3.50ರವರೆಗೆ ಮಾಯಕೊಂಡದ ಸರ್ಕಾರಿ ಕಾಲೇಜು ಮೈದಾನದಲ್ಲಿ ಮಾಯಕೊಂಡ ಅಭ್ಯರ್ಥಿ ಬಸವರಾಜ ನಾಯಕ್‌ ಪರ ಪ್ರಚಾರ ಕಾರ್ಯಕ್ರಮದಲ್ಲಿ ಮಾತನಡಲಿದ್ದಾರೆ.
- ಸಂಜೆ 4.20ರಿಂದ 5.00ರವರೆಗೆ ದಾವಣಗೆರೆ ಉತ್ತರ ಮತ್ತು ದಕ್ಷಿಣದಲ್ಲಿ ಅಭ್ಯರ್ಥಿಗಳಾದ ಲೋಕಿಕೆರೆ ನಾಗರಾಜ್‌ ಮತ್ತು ಬಿ.ಜಿ. ಅಜಯ್‌ ಕುಮಾರ್‌ ಪರ ರೋಡ್‌ ಶೋ ನಡೆಸಲಿದ್ದಾರೆ.
- ಸಂಜೆ 6.10ರಿಂದ 7.10ರವರೆಗೆ ಬಳ್ಳಾರಿಯ ಸಂಡೂರಿನಲ್ಲಿ ಅಭ್ಯರ್ಥಿ ಶಿಲ್ಪಾ ರಾಘವೇಂದ್ರ ಪರ ರೋಡ್‌ ಶೋ ನಡೆಸಲಿದ್ದಾರೆ.
ಮೊದಲ ದಿನದ ಕಾರ್ಯಕ್ರಮಗಳನ್ನಷ್ಟೆ ಬಿಡುಗಡೆ ಮಾಡಿದ್ದು, ಎರಡನೇ ದಿನದ ವೇಳಾಪಟ್ಟಿಯೂ ಹೊರಬೀಳಲಿದೆ ಎಂದು ಮೂಲಗಳು ತಿಳಿಸಿವೆ.
ಇದನ್ನೂ ಓದಿ: Karnataka Election 2023: ಬೊಮ್ಮಾಯಿ ಅವರದ್ದು ನಾಮ್‌ಕೆ ವಾಸ್ತೆ ಅಲ್ಲ, ಕಾಮ್‌ಕೆ ವಾಸ್ತೆ: ಕಿಚ್ಚ ಸುದೀಪ್‌