ಬೆಂಗಳೂರು: ಬೈಕ್ ಒಂದು ಹಂಪ್ಸ್‌ ನ ಮೇಲೆ ವೇಗವಾಗಿ ಮುನ್ನುಗ್ಗಿ ಪಲ್ಟಿಯಾದ ಪರಿಣಾಮ ಹಿಂಬದಿ ಸವಾರ ದಾರುಣವಾಗಿ ಮೃತಪಟ್ಟ ಘಟನೆ ಬುಧವಾರ ಮಧ್ಯಾಹ್ನ ಎಚ್‌ಎಸ್‌ಆರ್‌ ಲೇಔಟ್‌ನ ಕಾರ್ತಿಕ್‌ ಅವರ್‌ ಬಳಿ ಸಂಭವಿಸಿದೆ. ಶ್ರೀಪತಿ ರಾವ್‌ (೫೭) ಮೃತರು.
ಕಾರ್ತಿಕ್‌ ಎಂಬವರು ಶ್ರೀಪತಿ ರಾವ್‌ ಅವರನ್ನು ಕೂರಿಸಿಕೊಂಡು ಸಿಲ್ಕ್‌ ಬೋರ್ಡ್‌ ಕಡೆಗೆ ಹೋಗುತ್ತಿದ್ದರು. ಎಚ್‌ಎಸ್‌ಆರ್‌ ಲೇಔಟ್‌ನ ಕಾರ್ತಿಕ್‌ ಟವರ್‌ ಬಳಿ ಬಂದಾಗ ಅವರು ವೇಗವಾಗಿಯೇ ಹಂಪ್ಸ್‌ನ್ನು ದಾಟಿಸಿದ ಪರಿಣಾಮ ಬೈಕ್ ಉರುಳಿ ಬಿದ್ದಿದೆ.
ಬೈಕ್ ಪಲ್ಟಿಯಾಗಿ ಇಬ್ಬರೂ ರಸ್ತೆಗೆ ಉರುಳಿ ಬಿದ್ದಿದ್ದಾರೆ. ಶ್ರೀಪತಿ ರಾವ್‌ ಅವರ ಹಣೆಗೆ ಬಲವಾದ ಏಟು ಬಿದ್ದಿದ್ದರಿಂದ ಅವರು ಆಸ್ಪತ್ರೆಗೆ ಸಾಗಿಸುವ ದಾರಿಯಲ್ಲಿ ಪ್ರಾಣ ಕಳೆದುಕೊಂಡರು. ಕಾರ್ತಿಕ್‌ ಅವರು ಕೂಡಾ ಪ್ರಜ್ಞೆ ಕಳೆದುಕೊಂಡಿದ್ದು ಅವರನ್ನು ಸೇಂಟ್‌ ಜಾನ್ಸ್‌ ಆಸ್ಪತ್ರೆಗೆ ದಾಖಲಿಸಲಾಯಿತು. ಅವರು ಅಪಾಯದಿಂದ ಪಾರಾಗಿದ್ದಾರೆ. ಹೆಚ್ ಎಸ್ ಆರ್ ಲೇಔಟ್ ಟ್ರಾಫಿಕ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಅತಿವೇಗದಿಂದ ಬೈಕ್ ಚಲಾಯಿಸಿ ಹಂಪ್ಸ್‌ ಹಾರಿಸಿದ್ದಕ್ಕಾಗಿ ಕಾರ್ತಿಕ್‌ ಅವರ ಮೇಲೂ ಕೇಸು ದಾಖಲಾಗಿದೆ.
ಇದನ್ನೂ ಓದಿ| Accident case | ನರಗುಂದ ಬಳಿ ಬಸ್-ಕಾರು ಭೀಕರ ಅಪಘಾತ; ಸ್ಥಳದಲ್ಲೇ ಇಬ್ಬರ ಸಾವು, ಮತ್ತಿಬ್ಬರು ಗಂಭೀರ