ಬೆಂಗಳೂರು: ಬ್ಯಾಟರಾಯನಪುರ ಪೊಲೀಸ್ ಠಾಣಾ ವ್ಯಾಪ್ತಿಯ ಬಾಪೂಜಿ ನಗರದಲ್ಲಿ ಯುವಕನೊಬ್ಬನ ಮೇಲೆ ಗುಂಪೊಂದು ಮಾರಕಾಸ್ತ್ರಗಳಿಂದ ಹಲ್ಲೆ ಮಾಡಿ, ಕೈ ಕತ್ತರಿಸಿದೆ.
ಶೇಬ್(20) ಹಲ್ಲೆಗೊಳಗಾದ ಯುವಕ. ಮುಬಾರಕ್ ಮತ್ತು ಸಮೀರ್ ಸೇರಿ ಐವರು ಯುವಕರ ಗುಂಪು ಹಲ್ಲೆ ನಡೆಸಿದೆ. ಯುವಕ ಶೇಬ್ ಬಾಪೂಜಿ ನಗರದ ಶೋಭಾ ಟೆಂಟ್‌ ಬಳಿ ತೆರಳುತ್ತಿದ್ದಾಗ ಯುವಕರ ಗುಂಪು ಬೈಕ್‌ಗಳಲ್ಲಿ ಬಂದು ಮಾರಕಾಸ್ತ್ರಗಳಿಂದ ಹಲ್ಲೆ ನಡೆಸಿ ಪರಾರಿಯಾಗಿದೆ.
10 ದಿನಗಳ ಹಿಂದೆ ಹಲ್ಲೆಗೊಳಗಾದ ಯುವಕನ ಮನೆ ಕಿಟಕಿ ಗಾಜನ್ನು ಯುವಕರ ಗುಂಪು ಒಡೆದಿತ್ತು. ಈ ಸಂಬಂಧ ಯುವಕ ಶೇಬ್‌ನ ಪಾಲಕರು ಠಾಣೆಗೆ ದೂರು ನೀಡಿದ್ದರು. ಇದರಿಂದ ಕ್ರೋಧಗೊಂಡ ಯುವಕರ ತಂಡ, ಶೇಬ್ ಮೇಲೆ ಹಲ್ಲೆ ಮಾಡಿದೆ ಎನ್ನಲಾಗಿದೆ. ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಹಲ್ಲೆಯಲ್ಲಿ ಯುವಕನ ಕೈಯನ್ನು ಭಾಗಶಃ ಕತ್ತರಿಸಲಾಗಿದೆ.
ಇದನ್ನೂ ಓದಿ | ಗಲಭೆ, ಪ್ರತಿಭಟನೆಗೆ ಕುಮ್ಮಕ್ಕು; ಪಿಎಫ್‌ಐ ಸಂಘಟನೆಯ ಮೂವರು ಸದಸ್ಯರ ಸೆರೆ