ಬೆಂಗಳೂರು: ಕೇಂದ್ರ ಸರ್ಕಾರ ಮಂಡಿಸಿದ ಬಜೆಟ್ ದೇಶದ ಆಶಾದಾಯಕವಾದ ಸರ್ವ ವ್ಯಾಪಿ- ಸರ್ವ ಸ್ಪರ್ಶಿ ಬಜೆಟ್ ಆಗಿದೆ ಎಂದು ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಹಾಗೂ ವಿಧಾನ ಪರಿಷತ್ ಸದಸ್ಯ ಎನ್. ರವಿಕುಮಾರ್ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿರುವ ರವಿಕುಮಾರ್, ಆಡು ಮುಟ್ಟದ ಸೊಪ್ಪಿಲ್ಲ” ಎನ್ನುವಂತೆ, ಎಲ್ಲರಿಗೂ ಎಲ್ಲ ಕ್ಷೇತ್ರಗಳ ತಲುಪಿದ ಬಜೆಟ್ ಇದಾಗಿದೆ. ಒಟ್ಟು 45,03,097 ಲಕ್ಷ ಕೋಟಿ ರೂಪಾಯಿ ಗಾತ್ರದ್ದಾಗಿದೆ. ಬಜೆಟ್‌ನಲ್ಲಿ ಏಳು ಆದ್ಯತಾ ವಲಯಗಳನ್ನಾಗಿ ಮಾಡಿ ಅಂತರ್ಗತ ಅಭಿವೃದ್ದಿ, ಮೂಲಸೌಕರ್ಯ ಮತ್ತು ಹೂಡಿಕೆ, ಯುವಶಕ್ತಿ, ಹಸಿರು ಬೆಳವಣಿಗೆ, ಹಣಕಾಸು ವಲಯ ಸೇರಿದಂತೆ ಸಾಮರ್ಥ್ಯ ಸಡಿಲಿಸುವುದು, ಕೊನೆಯ ಮೈಲಿಗಲ್ಲನ್ನು ತಲುಪುವುದು ಆಗಿದೆ ಎಂದಿದ್ದಾರೆ.
ಇದನ್ನೂ ಓದಿ : Budget 2023 : ಕೇಂದ್ರ ಸರ್ಕಾರದ ಬಜೆಟ್ ʼಸೀಡ್‌‌ಲೆಸ್ ಕಡಲೆಕಾಯಿʼ ಇದ್ದಂತಿದೆ!: ಕಾಂಗ್ರೆಸ್‌ ಟೀಕೆ
ದೇಶದ SC, ST, OBC ವರ್ಗದವರಿಗೆ ಈ ಬಜೆಟ್ ನಲ್ಲಿ ಹೆಚ್ಚಿಗೆ ಆದ್ಯತೆ ನೀಡಿರುವುದು ವಿಶೇಷವಾಗಿದೆ ಎಂದಿರುವ ರವಿಕುಮಾರ್, ದೇಶದ ರೈತರ ಸಬಲೀಕರಣ, ಕೃಷಿ ಕ್ಷೇತ್ರ ಸಬಲೀಕರಣ, ಮಹಿಳೆಯರ ಸಬಲೀಕರಣ, ಯುವಕರ ಸಬಲೀಕರಣಕ್ಕೆ ವಿಶೇಷವಾಗಿ ಆದ್ಯತೆ ನೀಡಲಾಗಿದೆ. ಅಲ್ಲದೇ ನಮ್ಮ ರಾಜ್ಯದ ಬಹುದಿನಗಳ ಬೇಡಿಕೆಯಾಗಿದ್ದ ಭದ್ರ ಮೇಲ್ಡಂಡೆ ಯೋಜನೆಗೆ “ರಾಷ್ಟ್ರೀಯ ಯೋಜನೆ”ಎಂದು ಘೋಷಿಸಿರುವುದು ಅತ್ಯಂತ ಸ್ವಾಗತಾರ್ಹ.ಈ ಯೋಜನೆಗೆ ಸುಮಾರು 5,630 ಕೋಟಿ ರೂಪಾಯಿ ಮೀಸಲಿಟ್ಟಿರುವುದಕ್ಕೆ ಅಭಿನಂದನೆಗಳು. ಈ ಭಾಗದ ದಾವಣಗೆರೆ, ಚಿತ್ರದುರ್ಗ, ತುಮಕೂರು, ಚಿಕ್ಕಮಗಳೂರು ಜಿಲ್ಲೆಗಳ ರೈತರಿಗೆ ಇದು ಬಹುದೊಡ್ಡ ವರದಾನವಾಗಲಿದೆ. ದೇಶದ ಮಧ್ಯಮ ವರ್ಗಕ್ಕೆ, ಶ್ರಮಜೀವಿಗಳಿಗೆ, ತೆರಿಗೆ ವಿಧಿಸದಿರುವುದು ಒಳ್ಳೆಯ ಬೆಳವಣಿಗೆಯಾಗಿದೆ ಎಂದು ಹೇಳಿದ್ದಾರೆ.
- ದೇಶದ ರೈತರಿಗೆ ಸರಿ ಸುಮಾರು 20ಲಕ್ಷ ಕೋಟಿ ರೂ ಹಾಗೂ ಸಾಲ ಸೌಲಭ್ಯ ನೀಡಿ, ಪ್ರಥಮ ಆಧ್ಯತೆ ನೀಡಲಾಗಿದೆ. ಈ ಹಿಂದೆಂದಿಗಿಂತಲೂ ರೈಲ್ವೆ ವಲಯಕ್ಕೆ ಈ ಭಾರಿ 2ಲಕ್ಷ 40 ಸಾವಿರ ಕೋಟಿ ರೂಪಾಯಿ ಅನುದಾನ ಮೀಸಲಿಡಲಾಗಿದೆ.
- ಕೃಷಿ ಬಜೆಟ್ ಯುಪಿಎ ಅವಧಿಯಲ್ಲಿ 27 ಸಾವಿರ ಕೋಟಿ ಇತ್ತು, ಈಗ 20ಲಕ್ಷ ಕೋಟಿ ರೂಪಾಯಿ ಮೀಸಲಿಡಲಾಗಿದೆ.
- ಹೊಸ ಉದ್ಯೋಗ ಸೃಷ್ಟಿಗೆ 10 ಸಾವಿರ ಕೋಟಿ ಮೀಸಲು. 79 ಸಾವಿರ ಕೋಟಿ ಹಣ ಪಿಎಂ ಆವಾಸ್ ಯೋಜನೆಗೆ ಮೀಸಲಿಡಲಾಗಿದೆ.
- ಮಲ ಹೊರುವ ಪದ್ಧತಿಯನ್ನು ನಿರ್ಮೂಲನೆ ಮಾಡಲು ( ಮ್ಯಾನ್ ಹೋಲ್ ನಿಂದ ಮಷಿನ್ ಯೋಜನೆ ಜಾರಿ) ನಿಲ್ಲಿಸಲು ಸಂಪೂರ್ಣ ಸ್ಥಗಿತ. ಯಂತ್ರದ ಮೂಲಕ ಮ್ಯಾನ್ ಹೋಲ್ ಕ್ಲೀನ್ ಮಾಡಲು ನಿರ್ಧಾರ.
- ಅಂತರಾಜ್ಯ ಕಾರಿಡಾರ್ ನಿರ್ಮಾಣಕ್ಕೆ20,700 ಕೋಟಿ ರೂಪಾಯಿ ಮೀಸಲು. ಹಸಿರು ಇಂಧನ ಕ್ಷೇತ್ರಕ್ಕೆ 35 ಸಾವಿರ ಕೋಟಿ ಮೀಸಲು. E-Court ಯೋಜನೆಗೆ 7 ಸಾವಿರ ಕೋಟಿ ಮೀಸಲು.
- ಸಿರಿಧಾನ್ಯಗಳ ಮೂಲಕ “ಸಿರಿಅನ್ನ ಯೋಜನೆ” ಜಾರಿ. ಆರೋಗ್ಯ ಕಾಪಾಡುವುದು.
ಎಲ್ಲಾ ರಾಜ್ಯಗಳಲ್ಲಿ ಸಿರಿಧಾನ್ಯ ಬೆಳೆಯಲು ಹೆಚ್ಚು ಒತ್ತು. - 15 ವರ್ಷದ ಹಳೆಯ ವಾಹನಗಳನ್ನ ಸ್ಥಗಿತಗೊಳಿಸಿ (Replacing Old Vehicles) ರೀಪ್ಲೇಸ್ ಮಾಡುವುದು.
- ದೇಶದ 47ಲಕ್ಷ ಯುವಕರಿಗೆ 3 ವರ್ಷ ಕಲಿಕಾ ತರಬೇತಿ (ಸ್ಟೈ ಫಂಡ್ )ನೀಡುವುದು.
- ಮೀನುಗಾರಿಕೆ ಕ್ಷೇತ್ರಕ್ಕೆ 6 ಸಾವಿರ ಕೋಟಿ ಮೀಸಲು.
- MSME ಗೆ (ಸಣ್ಣ ಕೈಗಾರಿಕೆಗಳಿಗೆ) 9 ಸಾವಿರ ಕೋಟಿ ಮೀಸಲು.
- 100 ರಾಷ್ಟ್ರೀಯ ಹೆದ್ದಾರಿಗೆ 75 ಸಾವಿರ ಕೋಟಿ ಮೀಸಲಿಡಲಾಗಿದೆ.
- ಮಹಿಳೆಯರು ಕೈಗಾರಿಕೆ ತೆರೆಯಲು “ಮಹಿಳಾ ಸಮ್ಮಾನ್ “ ಯೋಜನೆ
- ಹಿರಿಯ ನಾಗರೀಕರಿಗೆ ತೆರಿಗೆ ಇಲ್ಲದೆ 15ಲಕ್ಷದವರೆಗೂ ಇದ್ದ ಡೆಪಾಸಿಟ್, 30ಲಕ್ಷಕ್ಕೆ ಏರಿಕೆ.
- ಮದ್ಯಮ ವರ್ಗದ ನೌಕರರಿಗೆ 5ಲಕ್ಷದವರೆಗಿನ ಐಟಿ ಟ್ಯಾಕ್ಸ್, 7ಲಕ್ಷಕ್ಕೆ ಏರಿಸಲಾಗಿದೆ.
- ಮಧ್ಯಮ ವರ್ಗದ ಜನರಿಗೆ ಆದಾಯ ತೆರಿಗೆಯು 5 ಲಕ್ಷದಿಂದ 7 ಲಕ್ಷಕ್ಕೆ ಏರಿಕೆ ಮಾಡಿರುವುದು.
ಇಂದು ಕೇಂದ್ರ ಸರ್ಕಾರ ಮಂಡಿಸಿದ “ಸರ್ವವ್ಯಾಪಿ- ಸರ್ವಸ್ಪರ್ಶಿ ಬಜೆಟ್ ನೀಡಿದ ದೇಶದ ಹೆಮ್ಮೆಯ ಪ್ರಧಾನಿ ಸನ್ಮಾನ್ಯ ಶ್ರೀ ನರೇಂದ್ರ ಮೋದಿ ಜೀ ಅವರಿಗೆ ಹಾಗೂ ವಿತ್ತ ಸಚಿವರಾದ ಶ್ರೀ ನಿರ್ಮಲಾ ಸೀತಾರಾಮನ್ ಅವರಿಗೆ ರಾಜ್ಯದ ಪರವಾಗಿ ಅಭಿನಂದನೆಗಳು ಎಂದು ರವಿಕುಮಾರ್ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.