ಬೆಂಗಳೂರು: ರಾಜಧಾನಿಯಲ್ಲಿ ಪುಂಡರ ತಂಡಗಳು ಸಕ್ರಿಯವಾಗಿದ್ದು, ಇವರ ಹಾವಳಿಗೆ ಮಿತಿಯೇ ಇಲ್ಲದಂತಾಗಿದೆ. ಯುವಕನೊಬ್ಬನನ್ನು ಮಾತುಕತೆಗೆ ಕರೆಸಿ ಹಿಗ್ಗಾಮುಗ್ಗಾ ಥಳಿಸಿರುವ ಘಟನೆ ಚರ್ಚ್‌ಸ್ಟ್ರೀಟ್‌ನಲ್ಲಿ ನಡೆದಿದೆ.
ಚರ್ಚ್ ಸ್ಟ್ರೀಟ್‌ನ ಬೀದಿ ಬೀದಿಗಳಲ್ಲಿ ಯುವಕನನ್ನು ಅಟ್ಟಾಡಿಸಿ ಥಳಿಸಿರುವ ಘಟನೆ ಬುಧವಾರ ರಾತ್ರಿ ನಡೆದಿದೆ. ಚರ್ಚ್ ಸ್ಟ್ರೀಟ್‌ನ ಪಬ್‌ಗಳಲ್ಲಿ ಕಂಠಪೂರ್ತಿ ಕುಡಿದು ಯುವಕನಿಗೆ ಮುಖಮೂತಿ ನೋಡದೆ ಪುಂಡರ ಗ್ಯಾಂಗ್ ಅಟ್ಯಾಕ್ ನಡೆಸುತ್ತಿರುವ ದೃಶ್ಯ ಮೊಬೈಲ್‌ನಲ್ಲಿ ಸೆರೆಯಾಗಿದೆ. ಚರ್ಚ್ ಸ್ಟ್ರೀಟ್‌ಗೆ ಕರೆಸಿಕೊಂಡ ಕುರಿತ ಆಡಿಯೋ ಕೂಡ ಲಭ್ಯವಾಗಿದೆ. ಕೃತ್ಯ ನಡೆಸಿದವರು ಹಾಗೂ ನಿಖರ ಕಾರಣ ಶೋಧಿಸಲಾಗುತ್ತಿದೆ.