ಬೆಂಗಳೂರು : ಸಿಲಿಕಾನ್‌ ಸಿಟಿಯಲ್ಲಿ ಪ್ರಿಯತಮೆಯೇ ಪ್ರಿಯತಮನನ್ನು ಕಿಡ್ನಾಪ್ ಮಾಡಿ ಹಲ್ಲೆ ಮಾಡಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಬೆಂಗಳೂರಿನ ಹನುಮಂತನಗರದಲ್ಲಿ ಇಬ್ಬರು ಯುವತಿಯರು ಸೇರಿ 8 ಜನ ಆರೋಪಿಗಳು ಯುವಕನನ್ನು ಕಿಡ್ನಾಪ್ (Kidnap Case) ಮಾಡಿ ಹಲ್ಲೆ ಮಾಡಿದ್ದಾರೆ.
ಡೇಟಿಂಗ್ ಆ್ಯಪ್ ಮೂಲಕ ಮಹದೇವ ಪ್ರಸಾದ್ ಮತ್ತು ಕ್ಲಾರಾ ಪರಿಚಯವಾಗಿದ್ದರು. ದಿನಕಳೆದಂತೆ ಒಬ್ಬರಿಗೊಬ್ಬರು ಹತ್ತಿರವಾಗಿದ್ದರು. ನಂತರ ಇಬ್ಬರೂ ಮನೆ ಮಾಡಿಕೊಂಡು ಲಿವ್‌ಇನ್ ರಿಲೇಷನ್‌ಶಿಪ್‌ನಲ್ಲಿ ಇ‌ದ್ದರು. ಸ್ವಲ್‌ ಸಮಯದ ಬಳಿಕ ಇವರಿಬ್ಬರ ನಡುವೆ ಪರಸ್ಪರ ಅನುಮಾನ ಮೂಡಿದೆ. ಆತನಿಗೆ ಕ್ಲಾರಾಗೆ ಬೇರೆ ಅನೈತಿಕ ಸಂಬಂಧ ಇದೆ ಎನ್ನುವ ಸಂಶಯ ಮೂಡಿದರೆ, ಇತ್ತ ಕ್ಲಾರಾಗೂ ಮಹದೇವಪ್ರಸಾದ್‌ಗೆ ಬೇರೆ ಸಂಬಂಧ ಇದೆ ಎಂಬ ಸಂಶಯ ಮೂಡಿತ್ತು.
ಇದನ್ನೂ ಓದಿ | ಡೇಟಿಂಗ್ ಆ್ಯಪ್ ಬೆಡಗಿಗಾಗಿ 6 ಕೋಟಿ ಕಳಕೊಂಡ ಬ್ಯಾಂಕ್‌ ಮ್ಯಾನೇಜರ್‌!
ಅನುಮಾನದ ಭೂತ ಇಬ್ಬರ ಬಾಂಧವ್ಯವನ್ನು ಹಾಳು ಮಾಡುತ್ತಿದ್ದಂತೆ ಭಿನ್ನಾಭಿಪ್ರಾಯ ಶುರುವಾಗುತ್ತದೆ. ಒಂದು ದಿನ ಅವರಿಬ್ಬರೂ ಬೇರೆಯಾದರು. ಬೇರೆ ಬೇರೆ ಕಡೆ ವಾಸಿಸಲು ಶುರು ಮಾಡುತ್ತಾರೆ. ಕಳೆದ 10 ದಿನದ ಹಿಂದೆ ʻʻಕೊನೆ ಬಾರಿ ನಿನ್ನ ನೋಡಬೇಕುʼʼ ಎಂದು ಮನೆ ಬಳಿ ಕ್ಲಾರಾ ಯುವಕನನ್ನು ಕರೆಸಿಕೊಳ್ಳುತ್ತಾಳೆ. ಆಸೆಯಿಂದ ಮಹದೇವಪ್ರಸಾದ್ 11.30ರ ಸುಮಾರಿಗೆ ಕ್ಲಾರಾಳನ್ನು ನೋಡಬೇಕೆಂದು ಬರುತ್ತಾನೆ. ಆ ಸಂದರ್ಭದಲ್ಲಿ ಆತನನ್ನು ಐದು ಜನ ಯುವಕರು ಮತ್ತು ಇಬ್ಬರು ಮಹಿಳೆಯರು ಸೇರಿ ಕಿಡ್ನಾಪ್ ಮಾಡುತ್ತಾರೆ. ನಂತರ ಆತನ ಮೇಲೆ ಹಲ್ಲೆಗೈದು ವಾಪಸ್ಸು ಮನೆಗೆ ತಂದು ಬಿಟ್ಟು ಅಲ್ಲಿಂದ ಪರಾರಿಯಾಗುತ್ತಾರೆ.
ಘಟನೆ ಸಂಬಂಧ ಹನುಂತನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿತ್ತು. ಒಟ್ಟು 8 ಜನ ಆರೋಪಿಗಳಾದ ಲೋಕೇಶ್‌ ಗೌಡ, ಅಶ್ವಥ್‌ ನಾರಾಯಣ್‌, ಹೇಮಾವತಿ ಮತ್ತು ಮನು, ಕಿರಣ್‌,ಮಧು,ಸಂತೋಷ್‌ ಗೌಡ, ಕ್ಲಾರಾನನ್ನು ಪೊಲೀಸರು ಬಂಧಿಸಿದ್ದಾರೆ.
ಇದನ್ನೂ ಓದಿ | Blackmail Case | ಡೇಟಿಂಗ್ ಆ್ಯಪ್‌ನಲ್ಲಿ ಪರಿಚಯವಾದ ಮಹಿಳೆಯಿಂದ ಬಿಲ್ಡರ್‌ಗೆ ಬ್ಲ್ಯಾಕ್‌ಮೇಲ್‌!