ಬೆಂಗಳೂರು: ಇಷ್ಟು ದಿನ ತಮ್ಮ ಗ್ಯಾಂಗ್‌ನ ಹುಡುಗರನ್ನು ಕಳಿಸಿ ದರೋಡೆ ಕೃತ್ಯ ಎಸಗುತ್ತಿದ್ದ ರೌಡಿ ಶೀಟರ್‌ಗಳು ಈಗ ತಾವಾಗಿ ಮನೆ ಡಕಾಯಿತಿಗೆ ಇಳಿದಿದ್ದಾರೆ. ರಾಜಧಾನಿಯ ಹೊರವಲಯದಲ್ಲಿ ನಡುರಾತ್ರಿ ಮನೆ ಬಾಗಿಲು ಬಡಿದು ದೋಚಿದ್ದಾರೆ.
ಬಸವೇಶ್ವರನಗರ ರೌಡಿ ಶೀಟರ್‌ಗಳಾದ ಕಿಶನ್, ನಿತೀನ್ ಅಲಿಯಾಸ್‌ ಲೊಡ್ಡೆ, ಶಿವರಾಜ್ ಅಲಿಯಾಸ್‌ ಶಿವು ಎಂಬ ರೌಡಿಶೀಟರ್‌ಗಳು ಸೇರಿ ಎಂಟು ಜನ ಸೇರಿಕೊಂಡು ಈ ಕೃತ್ಯ ಎಸಗಿದ್ದಾರೆ. ಸೋಲದೇವನಹಳ್ಳಿಯಲ್ಲಿ ನಡುರಾತ್ರಿ ಮನೆ ಬಾಗಿಲು ಬಡಿದು ತೆಗೆಸಿ, ಬಾಗಿಲು ತೆಗೆಯುತ್ತಿದ್ದಂತೆ ಒಳ ನುಗ್ಗಿ ಪೆಪ್ಪರ್ ಸ್ಪ್ರೇ ಮಾಡಿದೆ ಈ ಖೂಳರ ತಂಡ. ನಂತರ ಮನೆಯವರ ಕೈಕಾಲು ಕಟ್ಟಿ ಹಾಕಿದ್ದು, ವಿರೋಧಿಸಿದವರ ಮೇಲೆ ಮಚ್ಚಿನಿಂದ ಹಲ್ಲೆ ನಡೆಸಿದೆ. ನಂತರ ಮನೆಯಲ್ಲಿದ್ದ ಚಿನ್ನಾಭರಣ, ಮೊಬೈಲ್ ದೋಚಿ ಪರಾರಿಯಾಗಿದೆ. ದೂರಿನನ್ವಯ ಶೋಧ ನಡೆಸಿದ ಸೋಲದೇವನಹಳ್ಳಿ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.
ಇದನ್ನೂ ಓದಿ: Robbery Case: ಬೆಂಗಳೂರಿನಲ್ಲಿ 49 ಸಾವಿರ ರೂಪಾಯಿ ದರೋಡೆ ಮಾಡಿದ್ದ ರೌಡಿ ಶೀಟರ್ ಸೇರಿ 6 ಜನರ ಬಂಧನ