ಬಳ್ಳಾರಿ: ನಗರದ ಸೆಂಟ್ರಲ್ ಜೈಲಿನ ಹಿಂಭಾಗ, ಜಿಪಂ ಸಿಇಒ ಮನೆಯ ಮುಂದೆ ಮಾ.8ರಂದು ಅಪಘಾತ (Road Accident) ನಡೆದಿದ್ದು, ಬಾಲಕಿಯೊಬ್ಬಳು ತೀವ್ರವಾಗಿ ಗಾಯಗೊಂಡಿದ್ದಾಳೆ. ಈ ಅಪಘಾತದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ವೈರಲ್‌ ಆಗಿದೆ.
ಬುಧವಾರ (ಮಾ. 8) ಎಂಟು ವರ್ಷದ ಬಾಲಕಿ ಮನುಸಿರಿ ಮನೆಯಿಂದ ಹೊರಗಡೆ ಬಂದಿದ್ದಾಳೆ. ಬಂದವಳೇ ಸೀದಾ ರಸ್ತೆಗಿಳಿದು ಬದಿಯಲ್ಲಿಯೇ ಹೋಗುತ್ತಿದ್ದಳು. ಅವಳ ಎದುರಿಗೆ ಒಂದು ಬೈಕ್‌ ಹಾಗೇ ಹಾದು ಹೋಗಿದೆ. ಆದರೆ, ಇದೇ ವೇಳೆ ಬಹಳ ವೇಗವಾಗಿ ಬಂದ ಬೈಕ್‌ ಒಂದು ಆಕೆಗೆ ಡಿಕ್ಕಿ ಹೊಡೆದಿದೆ.
ಇದನ್ನೂ ಓದಿ: CT Ravi: ಹೌದೋ ಹುಲಿಯಾ ಅಲ್ಲ… ಡ್ಯಾಶ್… ಡ್ಯಾಶ್ ಖಾನ್ ಎಂದ ಸಿ.ಟಿ. ರವಿ; ಸಿದ್ದರಾಮಯ್ಯ ವಿರುದ್ಧ ವಾಗ್ದಾಳಿ
ಬೈಕ್‌ ಡಿಕ್ಕಿ ಹೊಡೆದ ರಭಸಕ್ಕೆ ಬಾಲಕಿ ಮನುಸಿರಿ ಹಾರಿ ಬಿದ್ದಿದ್ದಾಳೆ. ತೀವ್ರವಾಗಿ ಗಾಯಗೊಂಡ ಆಕೆಯನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಚಿಕಿತ್ಸೆಗೆ ಸ್ಪಂದಿಸಿದ ಮನುಸಿರಿ ಪ್ರಾಣಾಪಾಯದಿಂದ ಪಾರಾಗಿದ್ದಾಳೆ. ಅಪಘಾತದ ಬಳಿಕ ಗಾಬರಿಗೊಂಡ ಬೈಕ್‌ ಸವಾರ ಸ್ಥಳದಿಂದ ಕಾಲು ಕಿತ್ತಿದ್ದಾನೆ. ಬಳ್ಳಾರಿ ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಅಪರಿಚಿತ ಬೈಕ್‌ ಸವಾರನ ಪತ್ತೆಗೆ ಪೊಲೀಸರು ಮುಂದಾಗಿದ್ದಾರೆ.