ಬೆಂಗಳೂರು: ಜೀವನದಲ್ಲಿ ತಮಗೆ ಅನೇಕರು ಸಹಾಯ ಮಾಡಿರುತ್ತಾರೆ, ಅಂಥವರ ನೆರವಿಗೆ ಧಾವಿಸುತ್ತೇನೆ ಎಂದು ಕಿಚ್ಚ ಸುದೀಪ್‌ ಹೇಳಿದ್ದಾರೆ. ಬಿಜೆಪಿ ಸೇರ್ಪಡೆಯಾಗಲಿದ್ದಾರೆ ಎಂಬ ಸುದ್ದಿಗಳ ಕುರಿತು ತಮ್ಮ ನಿವಾಸದ ಬಳಿ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದಾರೆ.
ನಾನು ಕೆಲವು ವಿಷಯಗಳನ್ನು ಇಲ್ಲಿ ಮಾತನಾಡಲು ಆಗವುದಿಲ್ಲ. ಸುದ್ದಿಗೋಷ್ಠಿಗೆ ಹೋಗುತ್ತೇನೆ. ನಾನು ಯಾವುದೇ ಪಕ್ಷದ ಪರವಾಗಿ ಸ್ಪರ್ಧೆ ಮಾಡುವುದಿಲ್ಲ. ನಮ್ಮ ಜೀವನದಲ್ಲಿ, ನಮ್ಮ ಚಿಕ್ಕ ವಯಸ್ಸಿನಿಂದಲೂ ಕೆಲವರು ನಮ್ಮ ಪರವಾಗಿದ್ದಾರೆ. ನಮ್ಮ ಕಷ್ಟಕ್ಕೆ ಆಗಿದ್ದಾರೆ, ಅವರ ಪರವಾಗಿ ನಿಲ್ಲುವುದರಲ್ಲಿ ತಪ್ಪಿಲ್ಲ.
ನಾನು ಒಬ್ಬ ನಟ, ಇನ್ನೂ ಸಿನಿಮಾಗಳು ಸಾಕಷ್ಟಿವೆ. ಅದಕ್ಕೇ ಬದ್ಧನಾಗಿರುತ್ತೇನೆ. ನಾನು ಯಾರ ಪರವೂ ಟಿಕೆಟ್‌ ಕೇಳುವುದಿಲ್ಲ ಸಿನಿಮಾ ಟಿಕೆಟ್‌ ಬೇಕಿದ್ದರೆ ಕೊಡಿಸಬಹುದು, ಈ ರಾಜಕೀಯ ಟಿಕೆಟ್‌ ಕೊಡುವ ವಿಚಾರಕ್ಕೆ ನಾನು ಹೋಗುವುದಿಲ್ಲ. ಕೆಲವು ವ್ಯಕ್ತಿಗಳು ನನ್ನ ಕೈ ಹಿಡಿದಿದ್ದಾರೆ ಎಂದರೆ ನಾವು ಮರೆಯಬಾರದು. ಅದನ್ನು ತೋರಿಸುತ್ತೇನೆ ಎಂದರು.
ಇದನ್ನೂ ಓದಿ: Kichcha Sudeep: ಕಿಚ್ಚ ಸುದೀಪ್‌ ಬಿಜೆಪಿ ಸೇರ್ಪಡೆಯಿಂದ ಲಾಭವೇನು?