ಮೊಳಕಾಲ್ಮುರುವಿನಲ್ಲಿ ಸಚಿವ ಶ್ರೀರಾಮುಲು ಬಾಡೂಟ, ನೆಲಕ್ಕೆ ಬಿದ್ದ ಮಾಂಸವನ್ನು ಬಾಚಿ ಉಂಡ ಜನ!

ಚಿತ್ರದುರ್ಗ: ನೆಲಕ್ಕೆ ಬಿದ್ದ ಮಾಂಸದ ಪದಾರ್ಥವನ್ನು ಹಸಿದ ಜನತೆ ಬಾಚಿ ಬಾಚಿ ಉಂಡ ಮನ ಕಲಕುವ ದೃಶ್ಯ ಸಚಿವ ಶ್ರೀರಾಮುಲು ಅವರು ಏರ್ಪಡಿಸಿದ್ದ ಬಾಡೂಟ ಕಾರ್ಯಕ್ರಮದಲ್ಲಿ ಕಂಡುಬಂತು.

‘ಎಸ್ಸಿ, ಎಸ್ಟಿ ಮೀಸಲಾತಿ ಹೆಚ್ಚಳ, ಬಿಜೆಪಿ ಸರ್ಕಾರದ ಪ್ರತಿಫಲ’ ಕಾರ್ಯಕ್ರಮವನ್ನು ಚಿತ್ರದುರ್ಗ ಜಿಲ್ಲೆ ಮೊಳಕಾಲ್ಮೂರು ಕ್ಷೇತ್ರದ ಗೌರಸಮುದ್ರ ಗ್ರಾಮದಲ್ಲಿ ಏರ್ಪಡಿಸಲಾಗಿತ್ತು. ಸಚಿವ ಶ್ರೀರಾಮುಲು ಇದನ್ನು ಆಯೋಜಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಆಗಮಿಸಿದ ಜನರಿಗೆ ಬಾಡೂಟ ನೀಡಲಾಗಿತ್ತು. ಊಟದ ಕೊನೆಯಲ್ಲಿ ಮಣ್ಣು ನೆಲದಲ್ಲಿ ಬಿದ್ದ ಮಾಂಸಾಹಾರಕ್ಕೆ ಜನ ಮುಗಿಬಿದ್ದರು. ಮಟನ್ ಪೀಸ್‌ಗಳನ್ನು ಜನತೆ ಬಾಚಿಕೊಂಡು ಹೋಗುತ್ತಿರುವ ದೃಶ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ದೃಶ್ಯ ಮನ ಕಲಕುವಂತಿದೆ.

ಹಲವು ಕಡೆ ಬಾಡೂಟ

ಚಿತ್ರದುರ್ಗ ಜಿಲ್ಲೆಯ ಮೊಳಕಾಲ್ಮೂರು ಕ್ಷೇತ್ರದ ವಿವಿಧೆಡೆ ʼಸಚಿವರೊಂದಿಗೆ ಔತಣಕೂಟʼ ಹೆಸರಿನಲ್ಲಿ ಬಾಡೂಟ ವ್ಯವಸ್ಥೆಯನ್ನು ಸಚಿವ ಶ್ರೀರಾಮುಲು ಆಯೋಜಿಸಿದ್ದಾರೆ. ಈ ಸಂದರ್ಭದಲ್ಲಿ ಮಾತನಾಡಿರುವ ಅವರು, ಮುಂದಿನ ಬಾರಿ ಮೊಳಕಾಲ್ಮೂರು ಕ್ಷೇತ್ರದಿಂದಲೇ‌ ವಿಧಾನಸಭೆಗೆ ಸ್ಪರ್ಧಿಸುವುದಾಗಿ ಹೇಳಿದ್ದಾರೆ.

ಇದನ್ನೂ ಓದಿ | Election 2023 | ಕೋಲಾರದಿಂದ ಸಿದ್ದರಾಮಯ್ಯ ಸ್ಪರ್ಧೆ ಘೋಷಣೆ ಗಿಮಿಕ್‌?: ವರುಣಾ ಖಚಿತ ಎಂದ ಶ್ರೀರಾಮುಲು