ಮಂಗಳೂರು: ಅಂತಾರಾಷ್ಟ್ರೀಯ ಮಟ್ಟದಲ್ಲ ಭಾರತವನ್ನನು ಪ್ರತಿನಿಧಿಸಿದ ಕಬಡ್ಡಿ ಆಟಗಾರ ಉದಯ್‌ ಚೌಟ (45) ಶನಿವಾರ ನಿಧನರಾಗಿದ್ದಾರೆ. ಮಂಗಳೂರು ಪ್ರಾಂತ್ಯದ ಮಾಣಿ ಬದಿಗುಡ್ಡೆ ಗ್ರಾಮದ ನಿವಾಸಿಯಾದ ಉದಯ್‌ ಅಲ್ಪಕಾಲ ಅನಾರೋಗ್ಯದಿಂದ ಬಳಲುತ್ತಿದ್ದರು. ಮೇ 21ರ ಬೆಳಗ್ಗೆ ಉದಯ್‌ ಚೌಟ ಅವರ ಕುಟುಂಬದವರನ್ನು ಅಗಲಿದ್ದಾರೆ ಎಂದು ತಿಳಿದುಬಂದಿದೆ.
ಉದಯ್‌ ಚೌಟ ಭಾರತದ ಹೆಸರಾಂತ ಕಬಡ್ಡಿ ಆಟಗಾರರಾಗಿದ್ದವರು. ಈ ಹಿಂದೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ದೇಶವನ್ನು ಪ್ರತಿನಿಧಿಸಿದ್ದರು. 2007ರಲ್ಲಿ ನಡೆದ ಕಬಡ್ಡಿ ವಿಶ್ವಕಪ್‌ನಲ್ಲಿ ಭಾರತ ತಂಡದ ಉತ್ತಮ ಆಟಗಾರರಾಗಿ ವಿಶೇಷ ಸಾಧನೆ ಮಾಡಿದ್ದರು. ಅವರ ಈ ವಿಶೇಷ ಸಾಧನೆಗೆ ಸರಕಾರದ ವತಿಯಿಂದ ಏಕಲವ್ಯ ಪ್ರಶಸ್ತಿ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಸೇರಿದಂತೆ ಅನೇಕ ಪ್ರಶಸ್ತಿಗಳನ್ನು ನೀಡಿ ಗೌರವಿಸಲಾಗಿತ್ತು.
ಇದನ್ನೂ ಓದಿ: ಜಿಮ್‌ನಲ್ಲಿ ಮಹಿಳೆ ಮೃತಪಟ್ಟಿದ್ದು ಹೃದಯಾಘಾತದಿಂದಲ್ಲ..! ಹಾಗಾದ್ರೆ ಅಸಲಿ ಕಾರಣವೇನು.?