ಕೋಲಾರದಲ್ಲಿ ಮೂರು ಬಾರಿ ಭೂಕಂಪ

ಕೋಲಾರ: ಕೋಲಾರದ ಆಸುಪಾಸಿನಲ್ಲಿ ಸೋಮವಾರ ತಡರಾತ್ರಿ ಮೂರು ಬಾರಿ ಭೂಮಿ ಕಂಪಿಸಿದೆ.

ರಿಕ್ಟರ್‌ ಮಾಪಕದಲ್ಲಿ 3.4ರಷ್ಟು ಕಂಪನವನ್ನು ಅಂದಾಜಿಸಲಾಗಿದೆ. ಚಿತ್ತೂರು ಜಿಲ್ಲೆ, ಪಲಮನೇರು ಪುರಸಭೆಯ ಗಂಗವಾರಂ ಮಂಡಲದಲ್ಲಿ ಭೂಮಿ ಕಂಪಿಸಿದೆ. ಕೀಲಪಟ್ಲ, ಬಂಡಮಿಡ್ ಜರಾವರಿ ಪಲ್ಲಿ, ಕುರಪಳ್ಳಿ, ಗಾಂಧಿನಗರ, ನಲಸಾನಿ ಪಲ್ಲಿಯಲ್ಲಿ 10 ಸೆಕೆಂಡುಗಳ ಕಾಲ ಭೂಕಂಪವಾಗಿದೆ. 15 ನಿಮಿಷಗಳ ಅಂತರದಲ್ಲಿ ಒಟ್ಟು ಮೂರು ಬಾರಿ ನೆಲ ಕಂಪಿಸಿದೆ. ಜನರು ಭಯಭೀತರಾಗಿ ಮನೆಗಳಿಂದ ಹೊರಗೆ ಓಡಿಬಂದರಲ್ಲದೆ, ರಾತ್ರಿಯಿಡೀ ಆತಂಕದಿಂದ ಮನೆಯಾಚೆಗೆ ಕಳೆದರು.