ಹಾಸನ: ಯುವಕನೊಬ್ಬ ಒಳ ರಸ್ತೆಯಲ್ಲಿ ಬಂದು ಇನ್ನೇನು ಎಡಕ್ಕೆ ತಿರುಗಬೇಕು ಎನ್ನುವಷ್ಟರಲ್ಲಿ ಎದುರಿಗೇ ನಿಂತಿತ್ತು ಒಂಟಿಸಲಗ! ಯುವಕ ಕೂಡಲೇ ಸಮಯಪ್ರಜ್ಞೆ ಮೆರೆದು ಸ್ಕೂಟರ್‌ನ್ನು ಅಲ್ಲೇ ಬಿಟ್ಟು ಬಂದ ದಾರಿಯಲ್ಲೇ ಓಡಿ ಹೋಗಿದ್ದಾನೆ. ಆನೆ ಈ ಘಟನೆಯನ್ನು ನೋಡುತ್ತಾ ಇನ್ನೇನು ಬೆನ್ನಟ್ಟಬೇಕು (Elephant attack) ಎಂದು ಒಂದು ಕಾಲು ಎತ್ತಿದರೂ ಮನೆ ಮನಸು ಬದಲಿಸಿಕೊಂಡು ಸುಮ್ಮನೆ ಹೋಗಿದೆ. ಹೋಗುವ ಮುನ್ನ ಬಿದ್ದ ಸ್ಕೂಟರನ್ನು ಒಮ್ಮೆ ನೋಡಿಕೊಂಡು ಹೋಗಿದೆ!
ಈ ಘಟನೆ ನಡೆದಿರುವುದು ಈಗಾಗಲೇ ಸಾಕಷ್ಟು ಆನೆಗಳ ದಾಳಿಯಿಂದ ಕಂಗಲಾಗಿರುವ ಹಾಸನ ಜಿಲ್ಲೆ, ಸಕಲೇಶಪುರ ತಾಲೂಕಿನಲ್ಲಿ. ಸಕಲೇಶಪುರದ ಹಲಸುಲಿಗೆ ಗ್ರಾಮದಲ್ಲಿ ಮೇನ್‌ ರೋಡ್‌ನಲ್ಲಿ ಆನೆ ಸಾಗುತ್ತಿತ್ತು. ಆಗ ಒಳಗಿನ ರಸ್ತೆಯಿಂದ ಬಂದ ಯುವಕನಿಗೆ ಆನೆ ಬರುತ್ತಿರುವ ಬಗ್ಗೆ ಯಾವುದೇ ಸುಳಿವು ಇರಲಿಲ್ಲ.
ದ್ವಿಚಕ್ರ ವಾಹನದಲ್ಲಿ ಬಂದ ಯುವಕನಿಗೆ ಆನೆ ಕಂಡು ಭಯವಾಗಿದೆ. ಆತ ಕೂಡಲೇ ವಾಹನ ನಿಲ್ಲಿಸಿದ್ದಾನೆ. ವಾಹನ ನಿಲ್ಲಿಸುತ್ತಿದ್ದಂತೆ ಯುವಕನ ಕಡೆಗೆ ಒಂಟಿಸಲಗ ನುಗ್ಗಲು ಮುಂದಾಗಿದೆ. ಆದರೆ, ಯುವಕ ಓಡಿ ಹೋಗಿ ಪ್ರಾಣ ಉಳಿಸಿಕೊಂಡಿದ್ದಾನೆ. ಯುವಕ ಓಡಿ ಹೋಗುತ್ತಿದ್ದಂತೆಯೇ ಆನೆ ಒಮ್ಮೆ ಸ್ಕೂಟರ್‌ ಬಳಿಗೆ ಹೋಗಿ ಪರಿಶೀಲನೆ ಮಾಡಿದೆ. ಸಾಮಾನ್ಯವಾಗಿ ಆನೆಗಳು ಆಕ್ರೋಶದಲ್ಲಿದ್ದರೆ ವಾಹನಗಳನ್ನು ಪುಡಿಗಟ್ಟುತ್ತವೆ. ಆದರೆ, ಈ ಆನೆ ಮಾತ್ರ ಹಾಗೆ ಮಾಡದೆ ತನ್ನ ದಾರಿಯಲ್ಲಿ ಸಾಗಿದೆ. ಆನೆ ತುಂಬ ದೂರ ಹೋಗುತ್ತಿದ್ದಂತೆಯೇ ಯುವಕ ತನ್ನ ಸ್ಕೂಟರ್‌ ಹಿಡಿದುಕೊಂಡು ಓಡಿದ್ದಾನೆ.
ಇದನ್ನೂ ಓದಿ | Elephant Attack | ನಾಡಿನಲ್ಲಿ ಒಂಟಿ ಸಲಗ ಬಿಂದಾಸ್‌ ಆಟ; ಹೇಮಾವತಿ ಬ್ಯಾಕ್ ವಾಟರ್‌ನಲ್ಲಿ ಈಜಾಡಿದ ಕಾಡಾನೆ