ಬೆಂಗಳೂರು: ಮಾಸಿಕ 200 ಯುನಿಟ್‌ ಉಚಿತ ವಿದ್ಯುತ್ ಯೋಜನೆಗೆ ಚಾಲನೆ ನೀಡಲು ಈಗಾಗಲೆ ಕರ್ನಾಟಕ ಸರ್ಕಾರ ಆರಂಭಿಸಿದೆ. ಈ ನಡುವೆ ಸರ್ಕಾರ ಹೊರಡಿಸಿದ ಆದೇಶದ ನಂತರ ಮತ್ತಷ್ಟು ಗೊಂದಲಗಳು ಏರ್ಪಟ್ಟಿವೆ. ಈ ಕುರಿತು ಸಚಿವರು ಸಾಕಷ್ಟು ಸ್ಪಷ್ಟನೆ ನೀಡಿದರೂ ಗೊಂದಲಗಳು ಉಳಿದಿವೆ. ಸಾಮಾನ್ಯವಾಗಿ ಜನರಲ್ಲಿ ಕೇಳಿಬರುವ 26 ಪ್ರಶ್ನೆಗಳಿಗೆ ರಾಜ್ಯ ಸರ್ಕಾರ ಉತ್ತರ ನೀಡಿದೆ.
- ನಾನು ಈ ಯೋಜನೆಗೆ ಅರ್ಹನೇ?
ಉತ್ತರ: ಕರ್ನಾಟಕ ರಾಜ್ಯದ ಎಲ್ಲ ಗೃಹಬಳಕೆ ವಿದ್ಯುತ್ ಬಳಕೆ ಗ್ರಾಹಕರು ಈ ಯೋಜನೆಗೆ ಅರ್ಹರು. - ಈ ಯೋಜನೆ ಏನು?
ಉತ್ತರ: “ಗೃಹ ಜ್ಯೋತಿ”ಯು ಸರ್ಕಾರದ ಪ್ರಮುಖ ಕಾರ್ಯಕ್ರಮವಾಗಿದೆ. ಗೃಹಬಳಕೆ ವಿದ್ಯುತ್ ಬಳಕೆಗಾರರಿಗೆ 200 ಯುನಿಟ್‌ವರೆಗೆ ಉಚಿತ ವಿದ್ಯುತ್ ನೀಡುವ ಯೋಜನೆ ಇದು. - ಈ ಯೋಜನೆಯನ್ನು ಪಡೆಯಲು ನಾನು ಏನು ಮಾಡಬೇಕು?
ಉತ್ತರ: ಸೇವಾ ಸಿಂದು ವೆಬ್‌ಸೈಟ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು (ಡೆಸ್ಕ್‌ಟಾಪ್/ಲ್ಯಾಪ್‌ಟಾಪ್/ಸ್ಮಾರ್ಟ್ ಫೋನ್ ಮೂಲಕ). ಶೀಘ್ರದಲ್ಲೆ ಅದರ ಲಿಂಕ್ ಅನ್ನು ಹಂಚಿಕೊಳ್ಳಲಾಗುತ್ತದೆ. ನೋಂದಣಿ ಜೂನ್-15 ರಿಂದ ಪ್ರಾರಂಭವಾಗುತ್ತದೆ - ಈ ಯೋಜನೆಯನ್ನು ಯಾವಾಗಿನಿಂದ ಜಾರಿಗೆ ತರಲಾಗುತ್ತದೆ?
ಉತ್ತರ: ಯೋಜನೆಯು 2023ರ ಆಗಸ್ಟ್‌ 1ರ ನಂತರದಮೀಟರ್ ಓದುವ ದಿನಾಂಕದಿಂದ ಅನ್ವಯಿಸುತ್ತದೆ.(ಜುಲೈ-2023ರ ವಿದ್ಯುತ್ ಬಳಕೆಗಾಗಿ) - ಈ ಯೋಜನೆಗೆ ನಾನು ಎಲ್ಲಿ ಅರ್ಜಿ ಸಲ್ಲಿಸಬೇಕು?
ಉತ್ತರ: ಸೇವಾ ಸಿಂದು ವೆಬ್‌ಸೈಟ್‌ನಲ್ಲಿ ಯೋಜನೆಗೆ ಅರ್ಜಿ ಸಲ್ಲಿಸಬೇಕು. ಈ ಕುರಿತ ಲಿಂಕ್ ಶೀಘ್ರದಲ್ಲೇ ಹಂಚಿಕೊಳ್ಳಲಾಗುವುದು. ಜೂನ್ 15ರಿಂದ ನೋಂದಣಿ ಪ್ರಾರಂಭವಾಗುತ್ತದೆ. - ನಾನು ಈ ಯೋಜನೆಗೆ ಆಫ್‌ಲೈನ್‌ನಲ್ಲಿಯೂ ಅರ್ಜಿ ಸಲ್ಲಿಸಬಹುದೇ?
ಉತ್ತರ: ಹೌದು. ನಾಗರಿಕರು ಅಸಿಸ್ಟೆಡ್ ಮೋಡ್ ಮೂಲಕ ಅರ್ಜಿ ಸಲ್ಲಿಸಬಹುದು. ಗ್ರಾಮ ಒನ್, ಕರ್ನಾಟಕ ಒನ್, ಬೆಂಗಳೂರು ಒನ್ ಕೇಂದ್ರಗಳಲ್ಲಿ ಲಭ್ಯವಿದೆ - ಈ ಯೋಜನೆಯ ಅಡಿಯಲ್ಲಿ ಅರ್ಜಿ ಸಲ್ಲಿಸಲು ಯಾವ ಎಲ್ಲಾ ದಾಖಲೆಗಳ ಅಗತ್ಯವಿದೆ?
ಉತ್ತರ: ಆಧಾರ್, ಯಾವುದೇ ತಿಂಗಳ ವಿದ್ಯುತ್ ಬಿಲ್‌ನಲ್ಲಿ ನಮೂದಾಗಿರುವ ವಿದ್ಯುತ್ ಗ್ರಾಹಕ ID/ಖಾತೆ IDಯ ವಿವರಗಳು. ನೀವು ಬಾಡಿಗೆದಾರರಾಗಿದ್ದರೆ ಬಾಡಿಗೆ ಅಥವಾ ಲೀಜ್‌ ಕರಾರುಪತ್ರವನ್ನು ನೀಡಬೇಕು ಅಥವಾ ಸ್ಥಳದ ವಿಳಾಸ ದೃಢೀಕರಣಕ್ಕಾಗಿ ಮತದಾರರ ಗುರುತಿನ ಚೀಟಿ ನೀಡಬಹುದು. - ಅರ್ಜಿ ಸಲ್ಲಿಸುವಾಗ ನಾನು ಯಾವುದೇ ಶುಲ್ಕವನ್ನು ಪಾವತಿಸಬೇಕೇ?
ಉತ್ತರ: ಸೇವಾ ಸಿಂಧು ವೆಬ್‌ಸೈಟ್‌ನಲ್ಲಿ ನೋಂದಾಯಿಸುವಾಗ ಯಾವುದೇ ಶುಲ್ಕವನ್ನು ಪಾವತಿಸಬೇಕಾಗಿಲ್ಲ. - ನಾನು ಜೂನ್ ತಿಂಗಳ ವಿದ್ಯುತ್ ಬಿಲ್ ಅನ್ನು ಪಾವತಿಸಬೇಕೇ?
ಉತ್ತರ: ಯೋಜನೆಯು 2023ರ ಆಗಸ್ಟ್‌ 1ರ ನಂತರದಮೀಟರ್ ಓದುವ ದಿನಾಂಕದಿಂದ ಅನ್ವಯಿಸುತ್ತದೆ.(ಜುಲೈ-2023ರ ವಿದ್ಯುತ್ ಬಳಕೆಗಾಗಿ) - ನಾನು ಒಂದಕ್ಕಿಂತ ಹೆಚ್ಚು ವಿದ್ಯುತ್ ಮೀಟರ್‌ಗಳನ್ನು ಪಡೆದುಕೊಂಡಿದ್ದೇನೆ, ನಾನು ಎಲ್ಲದಕ್ಕೂ ಅರ್ಹನಾಗಿದ್ದೇನೆಯೇ?
ಉತ್ತರ: ಇಲ್ಲ. ಪ್ರತಿ ಮನೆಗೆ ಒಂದು ಮೀಟರ್ ಮಾತ್ರ ಅರ್ಹವಾಗಿರುತ್ತದೆ. - ಅರ್ಜಿ ಸಲ್ಲಿಸಿದ ನಂತರ ನಾನು ಯಾವುದೇ ಸ್ವೀಕೃತಿಯನ್ನು ಪಡೆಯುತ್ತೇನೆಯೇ?
ಉತ್ತರ: ಸೇವಾ ಸಿಂಧುವಿನಿಂದ ಇಮೇಲ್/SMS ಮೂಲಕ ನೋಂದಾಯಿತ ಗ್ರಾಹಕರಿಗೆ ಸ್ವೀಕೃತಿ ಸಂದೇಶವನ್ನು ಕಳುಹಿಸಲಾಗುತ್ತದೆ. - ನಾನು ಈಗಾಗಲೇ ಈ ಯೋಜನೆಗೆ ಅರ್ಜಿ ಸಲ್ಲಿಸಿದ್ದೇನೆ, ಪ್ರಯೋಜನ ಯಾವಾಗ ಪ್ರಾರಂಭವಾಗುತ್ತದೆ?
ಉತ್ತರ: ಜುಲೈ-2023 ರಲ್ಲಿ ನೀಡಿದ ಬಿಲ್ ಅನ್ನು ಸಬ್ಸಿಡಿ ಇಲ್ಲದೆ ಪಾವತಿಸಬೇಕಾಗುತ್ತದೆ. ಯೋಜನೆಯು 2023ರ ಆಗಸ್ಟ್‌ 1ರ ನಂತರದಮೀಟರ್ ಓದುವ ದಿನಾಂಕದಿಂದ ಅನ್ವಯಿಸುತ್ತದೆ.(ಜುಲೈ-2023ರ ವಿದ್ಯುತ್ ಬಳಕೆಗಾಗಿ) - ನನ್ನದು ಅಪಾರ್ಟ್ಮೆಂಟ್. ನಾನು ಈ ಯೋಜನೆಗೆ ಅರ್ಜಿ ಸಲ್ಲಿಸಬಹುದೇ?
ಉತ್ತರ: ಹೌದು. ಪ್ರತ್ಯೇಕ ವಿದ್ಯುತ್ ಮೀಟರ್‌ಗಳು ಲಭ್ಯವಿದ್ದರೆ/ಸ್ಥಾಪಿಸಿದ್ದರೆ ಅರ್ಜಿ ಸಲ್ಲಿಸಬಹುದು. - ನಾನು ಒಬ್ಬ ಬಾಡಿಗೆದಾರ; ಬಿಲ್ ಮಾಲೀಕರ ಹೆಸರಿನಲ್ಲಿದೆ, ನನಗೂ ಸಿಗುತ್ತದೆಯೇ ಲಾಭ?
ಉತ್ತರ: ಹೌದು. ಆವರಣದ ವಿಳಾಸವನ್ನು ತೋರಿಸುವ ಒಪ್ಪಂದ ಅಥವಾ ವೋಟರ್ ಐಡಿ ಪುರಾವೆಯಾಗಿದ್ದರೆ ಹಾಗೂ ಆಧಾರ್ ಸಂಖೈಏ ಣೀಡಿದರೆ ಬಾಡಿಗೆ ಅಥವಾ ಲೀಜ್‌ನಲ್ಲಿರುವವರೂ ಪ್ರಯೋಜನವನ್ನು ಪಡೆಯಬಹುದು. - ಬಾಡಿಗೆದಾರನಾಗಿ ನಾನು ನೋಂದಾಯಿಸಲು ಸಲ್ಲಿಸಬೇಕಾದ ಎಲ್ಲಾ ದಾಖಲೆಗಳು ಯಾವುವು?
ಉತ್ತರ: ಬಾಡಿಗೆದಾರರು ಬಾಡಿಗೆ ಅಥವಾ ಲೀಜ್‌ ವಿಳಾಸ ಪುರಾವೆಯೊಂದಿಗೆ ನೋಂದಾಯಿಸಿಕೊಳ್ಳಬಹುದು. ಆಧಾರ್ ಮಾಹಿತಿಯನ್ನು ಒದಗಿಸಬೇಕು. - ನಾನು 2 ತಿಂಗಳ ಹಿಂದೆ ಮನೆಯನ್ನು ಬದಲಾಯಿಸಿದ್ದೇನೆ, ನನಗೆ ಲಾಭ ಸಿಗುತ್ತದೆಯೇ?
ಉತ್ತರ: ಹೌದು. ಹೊಸ ಸಂಪರ್ಕಕ್ಕಾಗಿ ನೀತಿಯನ್ನು ಪ್ರಕಟಿಸಲಾಗುವುದು. - ನಾನು ಅಂಗಡಿಯ ಮಾಲೀಕರಾಗಿದ್ದೇನೆ, ನನ್ನ ವಾಣಿಜ್ಯ ವಿದ್ಯುತ್ ಸಂಪರ್ಕಕ್ಕೆ ನಾನು ಸಹ ಅರ್ಜಿ ಸಲ್ಲಿಸಬಹುದೇ?
ಉತ್ತರ: ಇಲ್ಲ. ಗೃಹಬಳಕೆ ಪ್ರಯೋಜನಕ್ಕಾಗಿ ಮನೆಗಳಿಗೆ ಮಾತ್ರ ಯೋಜನೆಯನ್ನು ರೂಪಿಸಲಾಗಿದೆ. - ನಾನು ಎಷ್ಟು ಉಚಿತ ಯನಿಟ್ ವಿದ್ಯುತ್‌ಗೆ ಅರ್ಹನಾಗುತ್ತೇನೆ? ತಿಂಗಳಿಗೆ 200 ಯುನಿಟ್‌ವರೆಗೆ ಬಳಸಿದರೆ ನಾನು ಅರ್ಹನಾಗುತ್ತೇನೆಯೇ?
ಉತ್ತರ: ಸರಾಸರಿ ಬಳಕೆಯ ಆಧಾರದ ಮೇಲೆ ಲಾಭವನ್ನು ಲೆಕ್ಕಹಾಕಲಾಗುತ್ತದೆ. 2022-23ಋ ಆರ್ಥಿಕ ವರ್ಷದಲ್ಲಿ ಬಳಸಿದ ಒಟ್ಟು ವಿದ್ಯುತ್ ಸರಾಸರಿ + 10% ಹೆಚ್ಚಳದವರೆಗೆ ಹಾಗೂ ಗರಿಷ್ಠ 200 ಯುನಿಟ್‌ವರೆಗೆ ಅನ್ವಯವಾಗುತ್ತದೆ. - ನನ್ನ ಖಾತೆ ಐಡಿಯನ್ನು ನಾನು ಎಲ್ಲಿ ಹುಡುಕಬೇಕು?
ಉತ್ತರ: ಇದು ಯಾವುದೇ ತಿಂಗಳ ವಿದ್ಯುತ್ ಬಿಲ್‌ನಲ್ಲಿ ಲಭ್ಯವಿದೆ. - ಯೋಜನೆಯ ಲಾಭ ಪಡೆಯಲು ಪಡೆಯಲು ಖಾತೆ ಐಡಿಯೊಂದಿಗೆ ಆಧಾರ್ ಅನ್ನು ಲಿಂಕ್ ಮಾಡುವುದು ಕಡ್ಡಾಯವಾಗಿದೆಯೇ?
ಉತ್ತರ: ಹೌದು. ಗ್ರಾಹಕ ಐಡಿ/ಖಾತೆಯೊಂದಿಗೆ ಆಧಾರ್ ಲಿಂಕ್ ಮಾಡುವುದು ಕಡ್ಡಾಯವಾಗಿದೆ. - ನನ್ನ ಆಧಾರ್ ಕರ್ನಾಟಕದ ಹೊರಗೆ ನೋಂದಾಯಿಸಲ್ಪಟ್ಟಿದೆ? ನಾನು ಯೋಜನೆಗೆ ಅರ್ಹನಾಗುತ್ತೇನೆಯೇ?
ಉತ್ತರ: ಹೌದು. ನೀವು ಕರ್ನಾಟಕದ ಯಾವುದೇ ವಿಳಾಸದಲ್ಲಿ ವಾಸಿಸುತ್ತಿದ್ದರೆ ಹಾಗೂ ಅದಕ್ಕೆ ದಾಖಲೆ ನೀಡಿದರೆ ಅರ್ಹರಾಗುತ್ತೀರಿ. - ನಾನು ಬಾಕಿಯನ್ನು ಹೊಂದಿದ್ದರೆ ಏನು? ನಾನು ಯೋಜನೆಗೆ ಅರ್ಹನಾಗುತ್ತೇನೆಯೇ?
ಉತ್ತರ: ಹೌದು. ಆದರೆ, ಜೂನ್ 30ರವರೆಗಿನ ಬಾಕಿಯನ್ನು 3ರೊಳಗೆ ಪಾವತಿಸಬೇಕು. ಮೂರು ತಿಂಗಳಿಗಿಂತ ವಿಳಂಬವಾದರೆ ಸಂಪರ್ಕವನ್ನು ಕಡಿತಗೊಳಿಸಲಾಗುತ್ತದೆ. - ಯೋಜನೆಗೆ ಅರ್ಜಿ ಸಲ್ಲಿಸಿದ ನಂತರ, ನಾನು ನಿಗದಿತ ಯುನಿಟ್‌ಗಿಂತ ಹೆಚ್ಚು ಬಳಕೆ ಮಾಡಿದರೆ ಬಿಲ್ ಪಾವತಿಸಬೇಕಾಗುತ್ತದೆ. ನಾನು ಈ ಬಿಲ್ ಮೊತ್ತವನ್ನು ಪಾವತಿಸದೆ ಬಾಕಿ ಉಳಿಸಿಕೊಂಡರೆ ನಾನು ಯೋಜನೆಯಲ್ಲಿ ಮುಂದುವರಿಯುತ್ತೇನೆಯೇ?
ಉತ್ತರ: ಬಾಕಿ ಪಾವತಿಸದಿದ್ದರೆ ವಿದ್ಯುತ್ ಸಂಪರ್ಕ ಕಡಿತಗೊಳಿಸಲಾಗುವುದು. ಒಮ್ಮೆ ಬಾಕಿಯನ್ನು ತೀರಿಸಿದ ನಂತರ ನಂತರ ಯೋಜನೆಯ ಪ್ರಯೋಜನಗಳನ್ನು ಪಡೆಯಬಹುದು. - ಬಿಲ್ ನನ್ನ ದಿವಂಗತ ತಂದೆಯ ಹೆಸರಿನಲ್ಲಿದೆ. ಇದಕ್ಕಾಗಿ ನಾನು ಹೇಗೆ ಅರ್ಜಿ ಸಲ್ಲಿಸಬಹುದು?
ಉತ್ತರ: ಸಂಪರ್ಕವನ್ನು ನಿಮ್ಮ ಹೆಸರಿಗೆ ವರ್ಗಾಯಿಸಬೇಕು ಮತ್ತು ಅರ್ಜಿ ಸಲ್ಲಿಸಬೇಕು. ಹೆಸರಿನ ಬದಲಾವಣೆಯನ್ನು ಎಲ್ಲ ಉಪ ವಿಭಾಗಗಳಲ್ಲಿರುವ ಜನ ಸ್ನೇಹಿ ವಿದ್ಯುತ್ ಕೇಂದ್ರಗಳಲ್ಲಿ ಹಾಗೂ ಮಾಡಲಾಗುತ್ತದೆ. - ನನ್ನ ಮಾಸಿಕ ಬಳಕೆಯು 200 ಯೂನಿಟ್‌ಗಳಿಗಿಂತ ಹೆಚ್ಚಿದ್ದರೆ? ನಾನು ಪೂರ್ತಿ ಬಿಲ್ ಪಾವತಿ ಮಾಡಬೇಕೆ?
ಉತ್ತರ: ಹೌದು. ಆ ನಿರ್ದಿಷ್ಟ ತಿಂಗಳಿಗೆ ಮಾತ್ರ ನೀವು ಸಂಪೂರ್ಣ ಬಿಲ್ ಪಾವತಿಸಬೇಕಾಗುತ್ತದೆ. - ನನ್ನ ಬಳಕೆಯು ಉಚಿತ ಯುನಿಟ್‌ಗಳಿಗಿಂತ ಕಡಿಮೆಯಿದ್ದರೆ ಬಿಲ್ ಮೊತ್ತ ಏನಾಗುತ್ತದೆ?
ಉತ್ತರ: ಬಳಕೆಯು ಅರ್ಹ ಯುನಿಟ್‌ಗಳಿಗಿಂತ ಕಡಿಮೆಯಿದ್ದರೆ ನಿಮಗೆ ʼಶೂನ್ಯ ಪಾವತಿ ಬಿಲ್’ ಬರುತ್ತದೆ.