ದೇವನಹಳ್ಳಿ: ಕಾಲೇಜು ವಿದ್ಯಾರ್ಥಿನಿಯೊಬ್ಬಳನ್ನು ದುಷ್ಕರ್ಮಿಗಳು ಕತ್ತು ಸೀಳಿ ಕೊಲೆ ಮಾಡಿದ ಭಯಾನಕ ಘಟನೆ (Girl murdered) ಯಲಹಂಕ ಬಳಿ ನಡೆದಿದೆ. ರಾಶಿ ಎಂಬ ೧೯ ವರ್ಷದ ವಿದ್ಯಾರ್ಥಿನಿ ಕೊಲೆಗೀಡಾದ ಯುವತಿ.
ಯಲಹಂಕದ ಕಾಲೇಜಿನಲ್ಲಿ ಓದುತ್ತಿರುವ ಯುವತಿ ಕಾಲೇಜು ಮುಗಿಸಿ ಮರಳುತ್ತಿದ್ದಾಗ ಯಲಹಂಕ ತಾಲೂಕಿನ ದಿಬ್ಬೂರುಗೇಟ್ ಸಮೀಪದ ಶ್ಯಾನಭೋಗನಹಳ್ಳಿಯಲ್ಲಿ ದುಷ್ಕರ್ಮಿಗಳು ಅಡ್ಡಗಟ್ಟಿ ಕೊಲೆ ಮಾಡಿದ್ದಾರೆ.
ದ್ವಿಚಕ್ರ ವಾಹನದಲ್ಲಿ ಬಂದ ದುಷ್ಕರ್ಮಿಗಳು ಆಕೆಯನ್ನು ಅಡ್ಡಗಟ್ಟಿ ಕತ್ತು ಸೀಳಿ ಕೊಂದಿದ್ದಾರೆ. ಯುವತಿ ಸ್ವಲ್ಪ ಮಟ್ಟಿಗಿನ ಪ್ರತಿರೋಧ ತೋರಿದರೂ ದುಷ್ಕರ್ಮಿಗಳ ಮುಂದೆ ಆಕೆ ಉಸಿರು ಕಳೆದುಕೊಳ್ಳಬೇಕಾಯಿತು.
ಸಂಜೆ 5.30ರ ಸುಮಾರಿಗೆ ಈ ಘಟನೆ ನಡೆದಿದೆ. ಯುವತಿಯನ್ನು ಒಬ್ಬ ಹುಡುಗ ಬೆನ್ನು ಹತ್ತಿದ್ದು ಆತನ ಪ್ರೀತಿಯನ್ನು ನಿರಾಕರಿಸಿದ್ದಕ್ಕೆ ಈ ರೀತಿ ದ್ವೇಷ ಸಾಧಿಸಲಾಗಿದೆ ಎಂದು ಹೇಳಲಾಗುತ್ತಿದೆ.
ಸ್ಥಳಕ್ಕೆ ರಾಜಾನುಕುಂಟೆ ಪೊಲೀಸರು ಭೇಟಿ ನೀಡಿದ್ದು, ಮಾಹಿತಿ ಕಲೆ ಹಾಕುತ್ತಿದ್ದಾರೆ.
ಇದನ್ನೂ ಓದಿ | Woman murdered | ಮನೆಯ ಅಂಗಳದಲ್ಲೇ ಹೊಟ್ಟೆಗೆ ಚೂರಿ ಹಾಕಿ ಯುವತಿ ಕೊಲೆ: ಚೂರಿಯನ್ನು ಅಲ್ಲೇ ಬಿಟ್ಟು ಹೋದ ದುಷ್ಕರ್ಮಿ!