ಬೆಂಗಳೂರು: ಮುಂಬರುವ ಕ್ಯಾಲೆಂಡರ್‌ ವರ್ಷದಲ್ಲಿ ಸಾಂದರ್ಭಿಕ ರಜಾ ಪಟ್ಟಿಯನ್ನು ರಾಜ್ಯ ಸರ್ಕಾರ ಘೋಷಣೆ ಮಾಡಿದ್ದು, ರಾಜ್ಯ ಸರ್ಕಾರಿ ನೌಕರರಿಗೆ (Govt Employee) ವೈಯಕ್ತಿಕ ರಜೆಗಳನ್ನು ಹೊರತುಪಡಿಸಿ 99 ರಜಾ ದಿನಗಳನ್ನು ಘೋಷಿಸಲಾಗಿದೆ. ಇದರಲ್ಲಿ 19 ದಿನ ಸಾರ್ವತ್ರಿಕ ರಜಾ ದಿನಗಳಿವೆ.
ಜನವರಿ 26ರ ಗಣರಾಜ್ಯೋತ್ಸವದಿಂದ ಆರಂಭವಾಗುವ ರಜೆಗಳ ಪಟ್ಟಿಯು ಡಿಸೆಂಬರ್‌ 25ರ ಕ್ರಿಸ್‌ಮಸ್‌ವರೆಗೂ ಘೋಷಣೆ ಮಾಡಲಾಗಿದೆ.
ಪ್ರತಿ ತಿಂಗಳ ಎರಡನೇ ಮತ್ತು ನಾಲ್ಕನೇ ಶನಿವಾರದಂತೆ ಒಟ್ಟು 24 ರಜೆಗಳು, 53 ಭಾನುವಾರಗಳು ರಜೆ ಇರಲಿವೆ. 19 ಸಾರ್ವತ್ರಿಕ ರಜೆಗಳ ಜತೆಗೆ 2 ಪರಿಮಿತ ರಜೆ ಪಡೆಯಬಹುದಾಗಿದೆ. ಒಟ್ಟು 99 ರಜೆಗಳನ್ನು ನೀಡಲಾಗಿದೆ. ವೈಯಕ್ತಿಕವಾಗಿ ಪಡೆಯಬಹುದಾದ ಸಾಮಾನ್ಯ ರಜೆಗಳು, ಅನಾರೋಗ್ಯ ರಜೆಗಳು ಈ ಪಟ್ಟಿಯಲ್ಲಿ ಸೇರ್ಪಡೆಯಾಗಿಲ್ಲ.
6 ರಜೆ ಲಾಸ್‌
2023ರಲ್ಲಿ ಎರಡನೇ ಮತ್ತು ನಾಲ್ಕನೇ ಶನಿವಾರ ಹಾಗೂ ಭಾನುವಾರ ಬಂದ ಹಬ್ಬ ಹರಿದಿನಗಳ ಕಾರಣಕ್ಕೆ 6 ರಜೆಗಳು ಕೈತಪ್ಪಿವೆ. ಜನವರಿ 15ರಂದು ಮಕರ ಸಂಕ್ರಾಂತಿಯು ಭಾನುವಾರ, ಏಪ್ರಿಲ್‌ 23ರಂದು ಬಸವ ಜಯಂತಿಯು ಭಾನುವಾರ, ನವೆಂಬರ್‌ 12ರಂದು ನರಕ ಚತುರ್ದಶಿ ಭಾನುವಾರ, ಅಕ್ಟೋಬರ್‌ 14ರಂದು ಮಹಾಲಯ ಅಮಾವಾಸ್ಯೆ ಎರಡನೇ ಶನಿವಾರ, ಏಪ್ರಿಲ್‌ 22ರಂದು ರಂಜಾನ್‌ ನಾಲ್ಕನೇ ಶನಿವಾರ ಹಾಗೂ ಅಕ್ಟೋಬರ್‌ 28ರ ನಾಲ್ಕನೇ ಶನಿವಾರ ರಜೆಗಳು ಸರ್ಕಾರಿ ನೌಕರರ ಕೈತಪ್ಪಿವೆ.
ಸಾರ್ವತ್ರಿಕ ರಜಾ ದಿನಗಳ ಪಟ್ಟಿ
| ಕ್ರಮ.ಸಂ. | ದಿನಾಂಕ | ವಾರಗಳು | ರಜಾ ದಿನ |
| 1. | ಜನವರಿ 26 | ಗುರುವಾರ | ಗಣರಾಜ್ಯೋತ್ಸವ |
| 2. | ಫೆಬ್ರವರಿ 18 | ಶನಿವಾರ | ಮಹಾ ಶಿವರಾತ್ರಿ |
| 3. | ಮಾರ್ಚ್ 22 | ಬುಧವಾರ | ಯುಗಾದಿ ಹಬ್ಬ |
| 4. | ಏಪ್ರಿಲ್‌ 3 | ಸೋಮವಾರ | ಮಹಾವೀರ ಜಯಂತಿ |
| 5. | ಏಪ್ರಿಲ್‌ 7 | ಶುಕ್ರವಾರ | ಗುಡ್‌ ಫ್ರೈಡೇ |
| 6. | ಏಪ್ರಿಲ್‌ 14 | ಶುಕ್ರವಾರ | ಡಾ. ಬಿ.ಆರ್‌. ಅಂಬೇಡ್ಕರ್‌ ಜಯಂತಿ |
| 7. | ಮೇ 1 | ಸೋಮವಾರ | ಕಾರ್ಮಿಕ ದಿನಾಚರಣೆ |
| 8. | ಜೂನ್‌ 29 | ಗುರುವಾರ | ಬಕ್ರೀದ್‌ |
| 9. | ಜುಲೈ 29 | ಶನಿವಾರ | ಮೊಹರಂ ಕಡೇ ದಿನ |
| 10. | ಆಗಸ್ಟ್‌ 15 | ಮಂಗಳವಾರ | ಸ್ವಾತಂತ್ರ ದಿನ |
| 11. | ಸೆಪ್ಟೆಂಬರ್‌ 18 | ಸೋಮವಾರ | ವರಸಿದ್ಧಿ ವಿನಾಯಕ ವ್ರತ |
| 12. | ಸೆಪ್ಟೆಂಬರ್‌ 28 | ಗುರುವಾರ | ಈದ್‌- ಮಿಲಾದ್‌ |
| 13. | ಅಕ್ಟೋಬರ್‌ 2 | ಸೋಮವಾರ | ಗಾಂಧಿ ಜಯಂತಿ |
| 14. | ಅಕ್ಟೋಬರ್‌ 23 | ಸೋಮವಾರ | ಮಹಾನವಮಿ, ಆಯುಧ ಪೂಜೆ |
| 15. | ಅಕ್ಟೋಬರ್‌ 24 | ಮಂಗಳವಾರ | ವಿಜಯದಶಮಿ |
| 16. | ನವೆಂಬರ್‌ 1 | ಬುಧವಾರ | ಕನ್ನಡ ರಾಜ್ಯೋತ್ಸವ |
| 17. | ನವೆಂಬರ್‌ 14 | ಮಂಗಳವಾರ | ಬಲಿಪಾಢ್ಯಮಿ, ದೀಪಾವಳಿ |
| 18. | ನವೆಂಬರ್‌ 30 | ಗುರುವಾರ | ಕನಕದಾಸ ಜಯಂತಿ |
| 19. | ಡಿಸೆಂಬರ್‌ 25 | ಸೋಮವಾರ | ಕ್ರಿಸ್‌ಮಸ್‌ |